facebook pixel
chevron_right Business
transparent
घाऊक चलनवाढीचा चार वर्षांचा उच्चांक
घाऊक बाजारातील किमतींवर आधारित चलनवाढीचा दर जून महिन्यात ५.७७ टक्‍क्‍यांपर्यंत वाढला आहे. गेल्या चार वर्षांतील चलनवाढीचा हा उच्चांकी दर असून, इंधन आणि भाजीपाल्याच्या किमतींमध्ये झालेली प्रचंड वाढ चलनवाढीस कारणीभूत ठरली. रिझर्व्ह बॅंकेने चलनवाढीचे उद्दिष्ट चार टक्‍के निश्‍चित केले आहे. मात्र, जूनमधील घाऊक चलनवाढीने साडेपाच टक्‍क्‍यांवर झेप घेतल्याने आगामी पतधोरणात बॅंकेकडून व्याजदर वाढवले जाण्याची शक्‍यता व्यक्‍त करण्यात येत आहे. केंद्राच्या आकडेवारीनुसार, जूनमध्ये अन्नधान्यांच्या किमतींमध्ये १.८० टक्‍क्‍याची वाढ झाली. याच महिन्यात भाजीपाला तब्बल चारपटीने महागला. कांदे आणि बटाटेदेखील महाग झाले.
'आयडीबीआय'मधील हिस्सा खरेदीला मंजुरी
नवी दिल्ली- आयडीबीआय बॅंकेतील ५१ टक्के हिस्सा खरेदीला भारतीय आयुर्विमा महामंडळाच्या (एलआयसी) संचालकांनी मंजुरी दिल्याची माहिती आर्थिक व्यवहार सचिव एस. गर्ग यांनी काल दिली. बॅंकेकडून प्रेफरन्शीअल शेअर्स 'एलआयसीला विक्री केले जाणार आहेत. 'एलआयसी'च्या संचालक मंडळाची बैठक झाली. या वेळी केंद्र सरकारचे प्रतिनिधी आणि मंडळाचे संचालक म्हणून गर्ग उपस्थित होते. 'आयडीबीआय' बॅंकेला भांडवलाची गरज आहे. शेअर्सची विक्री करून बॅंक भांडवल उभारणी करेल, असे गर्ग यांनी सांगितले. सध्या 'एलआयसी'चा आयडीबीआय बॅंकेत ७ ते ७.५ टक्के हिस्सा आहे.
आयसीआयसीआय बँकेच्या ३१ थकित कर्जखात्यांची निवृत्त न्यायमूर्तीद्वारे चौकशी?
भांडवली बाजार सेबीने आक्षेप घेतलेल्या विविध थकित कर्जखाते प्रकरणाची स्वतंत्र निवृत्त न्यायमुर्तीमार्फत चौकशी करण्याची तयारी आयसीआयसीआय बँकेने दाखविली आहे. बँकेची यापूर्वीच अंतर्गत चौकशी सुरू आहे. सुमारे १.३० अब्ज डॉलरच्या गेल्या आठ वर्षांपासून थकित असलेल्या विविध ३१ कर्जखात्यांबाबत भांडवली बाजार नियामक सेबीने देशातील दुसऱ्या मोठय़ा खासगी बँकेची विचारणा केली आहे. यानंतर बँकेने अंतर्गत चौकशीही सुरू केली होती. बँकेच्या थकित कर्जप्रकरणाची आता सर्वोच्च न्यायालयाचे निवृत्त न्या. श्रीकृष्ण यांच्यामार्फत या प्रकरणाची चौकशी करण्याची तयारी सुरू असल्याचे कळते.
'विस्तारणाऱ्या अर्थव्यवस्थेचे लाभार्थी व्हा'
'सकाळ मनी' आणि 'आयसीआयसीआय प्रुडेन्शियल म्युच्युअल फंड' यांच्यातर्फे आयोजित 'पारंपरिक कमी परतावा देणाऱ्या साधनांमध्ये गुंतवणूक विरुद्ध अधिक चांगला परतावा देणाऱ्या आधुनिक साधनांमध्ये गुंतवणूक' या विषयावरील खास कार्यक्रमात ते बोलत होते. गणेश कला-क्रीडा मंच येथे झालेल्या या कार्यक्रमाला नागरिकांनी मोठ्या प्रमाणात गर्दी केली होती. त्यात महिलावर्गासह तरुण, मध्यमवयीन, ज्येष्ठ नागरिक असे सर्व वयोगटातील नागरिक उपस्थित होते. तुलनेने रुक्ष समजल्या जाणाऱ्या आर्थिक वा गुंतवणूक विषयावरील या कार्यक्रमाला मिळालेला प्रतिसाद लक्षणीय होता. माळी यांनी देशाच्या अर्थव्यवस्थेच्या बदलाचे चित्ररूप दर्शन घडवत, 'आपला देश बदलतोय,' हे विविध.
इन्कम टॅक्‍स रिटर्न भरताना...
प्राप्तिकर विवरणपत्र (इन्कम टॅक्‍स रिटर्न) भरण्यासाठी आता जेमतेम पंधरा दिवस बाकी राहिले आहेत. यंदा झालेले बदल लक्षात घेऊन योग्य त्या फॉर्मची निवड करणे; तसेच ती भरताना अत्यंत काळजी घेणे गरजेचे आहे. या विषयी थोडक्‍यात मार्गदर्शन या लेखाद्वारे केलेले आहे. १) विवरणपत्राच्या योग्य त्या फॉर्मची निवड ः व्यक्ती, संस्था, कंपनी आणि भरायचा फॉर्म याचा तक्ता सोबत दिला आहे. २) चुकीचा फॉर्म भरला गेला तर विवरणपत्र सदोष मानण्यात येते. ३) या वर्षी दिलेल्या वेळेत विवरणपत्र भरणे आवश्‍यक आहे. तसे न झाल्यास कमीत कमी रु.
मुकेश अंबानी सर्वात श्रीमंत आशियाई व्यक्ती -Maharashtra Times
वृत्तसंस्था, नवी दिल्ली रिलायन्स इंडस्ट्रिजचे अध्यक्ष मुकेश अंबानी हे आशियातील सर्वाधिक श्रीमंत व्यक्ती ठरले आहेत. अलिबाबा ग्रुपचे संस्थापक जॅक मा यांना त्यांनी शुक्रवारी मागे टाकले. रिलायन्स इंडस्ट्रिजच्या समभागांची किंमत शुक्रवारच्या सत्रात विक्रमी स्तरावर पोहोचल्याने मुकेश अंबानी हे सर्वाधिक श्रीमंत आशियाई व्यक्तीच्या अग्रस्थानी पोहोचले. ब्लूमबर्ग बिलियनर्स इंडेक्सतर्फे ही सूची जारी करण्यात येते. शेअर बाजाराच्या शुक्रवारच्या सत्रात रिलायन्स इंडस्ट्रिजचा समभाग १.६ टक्क्यांनी वधारला व १०९९.८० या विक्रमी स्तराला त्याने गवसणी घातली. यामुळे रिलायन्सच्या भांडवलात कमालीची वाढ झाली व या कंपनीचे भांडवल ४४.३ अब्ज अमेरिकी डॉलर झाले.
फोर्टिस हेल्थकेअरवर मलेशियन कंपनीचा ताबा
'कर्जभारी' मांजराच्या गळ्यात तिसऱ्यानेच बांधली घंटा; आयआयएच हेल्थकेअरचा ४ हजार कोटींचा व्यवहार; दोन महिन्यात आणखी २६ टक्के हिस्सा वाढविणार. प्रवर्तकांनी निधी अन्यत्र वळविल्यानंतर फुगलेल्या कर्जाचा सामना करावे लागणाऱ्या फोर्टिस हेल्थकेअरला अखेर खरेदीकरिता तारणहार मिळाला आहे. बोलीनिहाय प्रक्रियेत भिन्न उत्सुक खरेदीदाराला यापूर्वी प्रतिसाद देणाऱ्या फोर्टिसच्या संचालक मंडळाने यंदा तिसऱ्याच बोलीधारकाला प्रतिसाद देण्याचा निर्णय घेतला आहे. फोर्टिस हेल्थकेअरमध्ये ३१.१० टक्के हिस्सा ४,००० कोटी रुपयांना खरेदी करण्याबाबतच्या प्रस्तावाला कंपनीच्या संचालक मंडळाने शुक्रवारी मंजुरी दिली.
मुकेश अंबानी आशियातील सर्वात श्रीमंत व्यक्ती, जॅक मा यांना टाकले मागे
भारतातील सर्वात श्रीमंत व्यक्ती असलेले मुकेश अंबानी आता आशिया खंडातील सर्वात श्रीमंत व्यक्ती बनले आहेत. त्यांनी चीनचे जॅक मा यांना श्रींमतीमध्ये मागे टाकले आहे. जॅक मा हे अलिबाबा ग्रुपचे संस्थापक आहेत. मागच्या दोन दिवसात मुकेश अंबानी यांच्या रिलायन्स इंडस्ट्रीजने दोन महत्वाचे टप्पे गाठले आहेत. मुकेश अंबानी यांच्या नेतृत्वाखाली रिलायन्स इंडस्ट्रीजचा शेअर बाजारातील भांडवली हिस्सा १०० अब्ज अमेरिकन डॉलरपर्यंत पोहोचला तर दुसऱ्या बाजूला रिलायन्स इंडस्ट्रीजचे बाजार मुल्य सात लाख कोटीच्या पुढे गेले. आता स्वत:हा मुकेश अंबानी आशियातील सर्वात श्रीमंत व्यक्ती बनले आहे.
औद्योगिक उत्पादनाची सुमार कामगिरी
नवी दिल्ली - कारखाना उत्पादन आणि ऊर्जानिर्मिती क्षेत्रातील सुमार कामगिरीचा फटका एकूण उत्पादनाला बसला आहे. मे महिन्यात औद्योगिक उत्पादनात केवळ ३.२ टक्के वृद्धी झाली असून, हा गेल्या सात महिन्यांतील नीचांकी दर आहे. सांख्यिकी विभागाने जाहीर केलेल्या आकडेवारीनुसार, एप्रिल महिन्यातील सुधारित औद्योगिक उत्पादन निर्देशांक ४.८ टक्के होता, मात्र मे महिन्यात तो ३.२ टक्‍क्‍यांपर्यंत खाली आला आहे. मे महिन्यात ऊर्जानिर्मिती, कारखाना उत्पादने आणि ग्राहकोपयोगी वस्तूंच्या उत्पादनात घसरण झाली. कारखाना उत्पादनात केवळ २.८ टक्के वाढ झाली तर वीजनिर्मिती ४.२ टक्‍क्‍यांनी घटल्याचे दिसून आले आहे.
किरकोळ चलनवाढ उच्चांकी पातळीवर
नवी दिल्ली - जून महिन्यात महागाईने डोके वर काढले असून, गेल्या पाच महिन्यांचा उच्चांक गाठल आहे. महागाई वाढल्याने औद्योगिक उत्पादनात घट झाली आहे. जूनमध्ये किरकोळ महागाईचा दर पाच टक्‍क्‍यांपेक्षा अधिक राहिला तर मे महिन्यात हा दर ४.८७ टक्के इतका होता. किरकोळ किंमत निर्देशांकावर आधारित किरकोळ चलनवाढ मे महिन्यात ४.८७ टक्के होती. गेल्या वर्षी जून महिन्यात ही १.४६ टक्के होती. या वर्षी जानेवारी महिन्यात ती ५.०७ टक्के या उच्चांकी पातळीवर गेली होती. केंद्रीय सांख्यिकी कार्यालयाने दिलेल्या माहितीनुसार, खाद्यपदार्थांची महागाई जूनमध्ये २.९१ टक्के आहे.
शेअर बाजारात नवा उच्चांक -Maharashtra Times
वृत्तसंस्था, मुंबई आशियाई बाजारांमध्ये परतलेली तेजी, कच्च्या तेलाच्या दरातील घसरण आणि रुपयाचे थांबलेले अवमूल्यन या कारणांमुळे गुरुवारी देशांतर्गत शेअर बाजारांनी विक्रमी पातळी गाठली. सत्रांतर्गत व्यवहारांच्या अखेरीस बाजार बंद होताना मुंबई शेअर बाजाराचा निर्देशांक (सेन्सेक्स) २८२ अंकांनी वधारून ३६,५४८च्या स्तरावर स्थिरावला. तर, राष्ट्रीय शेअर बाजाराचा निर्देशांक (निफ्टी) ७५ अंकांनी वधारून ११,०२३च्या पातळीवर स्थिरावला. मात्र, व्यवहार बंद होताना मिडकॅप आणि स्मॉलकॅप कंपन्यांच्या शेअरवर दबाव आल्याने सेन्सेक्स दिवसभरातील उच्चांकापेक्षा ११८ अंकांनी घसरून बंद झाला. सत्रांतर्गत व्यवहारांमध्ये सेन्सेक्स ४०० अंकांनी वधारला होता.
वित्तीय तुटीचे लक्ष्य गाठण्यात राज्यांना अडचण
चालू वित्त वर्षांत विविध राज्यांना त्यांच्या वित्तीय तुटीचे उद्दीष्ट गाठण्यात अपयश येण्याबाबतची भीती रिझव्‍‌र्ह बँकेने व्यक्त केली आहे. राज्यांमार्फत जाहीर केली जाणारी कर्जमाफी आणि कमी वस्तू व सेवा कर (जीएसटी) संकलन हे यासाठी निमित्त ठरणार असल्याचे भाकित वर्तविले आहे. विविध राज्यांच्या आर्थिक ताळेबंदाच्या आधारावर रिझव्‍‌र्ह बँकेने हा निष्कर्ष काढला आहे. २०१७-१८ मध्ये राज्यांच्या वित्तीय तुटीचे लक्ष्य ३.१ टक्के होते. यंदा मात्र सलग तिसऱ्यांना राज्यांना वाढत्या वित्तीय तुटीला सामोरे जावे लागले, असेही नमूद करण्यात आले आहे. महाराष्ट्रासह सात राज्यांनी आतापर्यंत कृषी कर्जमाफी जाहीर केली आहे.
Sensex : सेन्सेक्सने गाठला ऐतिहासिक उच्चांक, ही आहेत चार कारणं
मुंबई शेअर बाजाराच्या सेन्सेक्सने गुरूवारी ऐतिहासिक उच्चांकावर मजल मारली आहे. दिवसभरातल्या उलाढालीदरम्यान सेन्सेक्सने 36,699.53 ही पातळी गाठली होती. तर राष्ट्रीय शेअर बाजाराच्या निफ्टी या निर्देशांकानं 11 हजारांचा पल्ला आज पार केला. याआधी निफ्टीनं एक फेब्रुवारी रोजी हा पल्ला गाठला होता. निफ्टीच्या 50 शेअर्समधील 35 शेअर्सच्या भावात वधारणा झाली होती तर 15 शेअर्सच्या भावांमध्ये घसरण झाली होती. जवळपास 300 अंशांची उसळी आज सेन्सेक्सने मारली असून बाजारामध्ये तेजीचे वातावरण आहे. अर्थात, सेन्सेक्सच्या या रॅलीमध्ये सिंहाचा वाटा रिलायन्स इंडस्ट्रीजचा होता.
एलआयसी-आयडीबीआय व्यवहार सप्टेंबरअखेरीस पूर्ण होणार
मुंबई - भारतीय आयुर्विमा महामंडळाकडून (एलआयसी) आयडीबीआय बॅंकेतील ५१ टक्के हिस्सा खरेदीचा व्यवहार सप्टेंबरअखेरीस पूर्ण होण्याची शक्‍यता आहे. नुकताच विमा नियामकाने (आयआरडीए) एलआयसीला बॅंकेतील हिस्सा खरेदी करण्यास मंजुरी दिली होती. एलआयसीकडून बॅंकेची मालमत्ता, बुडीत कर्जे, स्थावर मालमत्ता यांचा आढावा घेण्यात येत आहे. या व्यवहारामुळे एलआयसीला आयडीबीआय बॅंकेच्या दोन हजार शाखांमध्ये विमा उत्पादने विक्री करता येणार आहेत. बॅंकेला एलआयसीचे कोटी विमाधारक खाते सुरू करण्यासाठी उपलब्ध होतील.
भारत जगातील ६ वी मोठी अर्थव्यवस्था
जागतिक बॅंकेच्या ताज्या आकडेवारीनुसार, भारताने फ्रान्सला मागे टाकत जगातील सहावी सर्वांत मोठी अर्थव्यव्यवस्था होण्याचा मान पटकविला आहे. या यादीत अमेरिकेने आपले अव्वल स्थान कायम राखल्याचेही स्पष्ट झाले आहे. वर्ष २०१७ च्या अखेरीस भारताचे एकूण देशांतर्गत उत्पन्न (जीडीपी) २.५९ ट्रिलियन डॉलर होते. तिथेच फ्रान्सचे उत्पन्न २.५८ ट्रिलियन डॉलर राहिल्याचे जागतिक बॅंकेने आपल्या अहवालात म्हटले आहे. भारताची लोकसंख्या १ अब्ज ३४ कोटी असून, फ्रान्सची ६ कोटी ७० लाख आहे. ही तफावत पाहता दरडोई उत्पन्नात भारत अद्याप फ्रान्सच्या अनेकपटीने मागे असल्याचे या आकडेवारीवरून स्पष्ट होते.
आयडिया-व्होडाफोन विलीनीकरणाला अखेर मंजुरी
सरकारचे थकीत ७,२५० कोटी देण्याच्या तयारीनंतर निर्णय. सरकारची थकीत देणी देण्याचे मान्य केल्यानंतर व्होडाफोनला अखेर आयडियाच्या विलीनीकरणाची परवानगी मिळाली आहे. मात्र व्होडाफोनला सरकारला ७,२५० कोटी रुपये देणे भाग पडणार आहे. ध्वनिलहरीसाठीचे ३,९०० कोटी रुपये व्होडाफोन सरकारला देणे होते. तर यावरील व्याज धरून ही रक्कम ७,२५१ कोटी रुपये होते. व्होडाफोन-आयडिया सेल्युलरचे विलीनीकरण मार्च २०१६ मध्ये घोषित झाले होते. ग्राहकसंख्येत देशातील क्रमांक एकची भारती एअरटेलला उभय कंपन्यांच्या एकत्रित शक्तीने मागे टाकले जाईल. मात्र विलीनीकरणाला सरकारकडून मंजुरी मिळणे बाकी होते.
आयडीबीआय बँकेचे संपादन सप्टेंबपर्यंत पूर्ण करण्याचे 'एलआयसी'चे लक्ष्य
दोन्ही बाजूच्या कर्मचारी-अधिकारी संघटनांनी विरोधासाठी कंबर कसली असतानाही, भारतीय आयुर्विमा महामंडळ - एलआयसीने थकीत कर्जाने ग्रस्त आयडीबीआय बँकेतील ५१ टक्के भागभांडवल हस्तगत करून ही बँक येत्या सप्टेंबरअखेपर्यंत ताब्यात घेण्याचे प्रयत्न सुरू ठेवले आहेत. विमा नियामक - 'आयआरडीएआय'ने या संपादन व्यवहाराला गेल्या महिन्यात हिरवा कंदिल दिला आहे. सध्याच्या घडीला एलआयसीकडून वेगवेगळ्या गोष्टींची चाचपणी सुरू असून, त्यात आयडीबीआय बँकेच्या एकूण ठेवी, स्थावर मालमत्ता, बँकेच्या थकीत कर्जाची स्थिती यांची मोजदाद सुरू आहे. त्याचप्रमाणे आयडीबीआय बँकेच्या किरकोळ भागधारकांकडून समभाग मिळविण्यासाठी एलआयसीकडून खुला प्रस्ताव दिला जाणार आहे.
सेन्सेक्‍सची त्रिशतकी झेप
कंपन्यांचे तिमाही निकाल व जागतिक बाजाराकडून मिळालेल्या सकारात्मक संकेतांच्या पार्श्वभूमीवर आज मुंबई शेअर बाजाराचा निर्देशांक सेन्सेक्‍सने त्रिशतकी झेप घेत ३६ हजार अंशांचा टप्पा ओलांडला. दिवसाअखेर तो ३०४ अंशांच्या वाढीसह ३६,२३९.६२ अंशांवर स्थिरावला. सेन्सेक्‍सची ही गेल्या पाच महिन्यांतील उच्चांकी पातळी ठरली. राष्ट्रीय शेअर बाजाराचा निर्देशांक निफ्टी ९४.३५ अंशांच्या वाढीसह १०,९४७.२५ अंशांवर बंद झाला. देशातील वाहन विक्रीत ३७.५४ टक्‍क्‍यांची वाढ झाल्याच्या पार्श्वभूमीवर आज ऑटो शेअरमध्ये तेजी दिसून आली. रिलायन्स-बीपीने १५ शहरांत गॅस वितरण परवान्यांसाठी बोली लावल्यामुळे आज रिलायन्स इंडस्ट्रीजच्या शेअर्सला सर्वाधिक मागणी होती.
एसबीआयच्या 1603 शाखा बंद
केंद्र सरकारने मोठा गाजावाजा करीत सात सहयोगी बॅंकांचे भारतीय स्टेट बॅंकेत विलिनीकरण केले; मात्र विलिनीकरणाच्या एका वर्षांतच 1,603 शाखा बंद करण्याची वेळ बॅंकेवर आली. प्रशासनावर आलेला अतिरिक्‍त ताण, नियोजनाच्या अभावामुळे देशभरातील या शाखा बंद कराव्या लागल्या. एवढेच नाही, तर 241 करन्सी चेस्टही एसबीआयने बंद केल्याची माहिती बॅंकेच्या वार्षिक अहवालातून समोर आली आहे. स्टेट बॅंक ऑफ इंडियाच्या एक एप्रिल 2017 ला 24 हजार 17 शाखा होत्या. त्या 31 मार्च 2018 पर्यंत 22 हजार 414 वर आल्या. यातील 1603 शाखा बॅंकेला बंद कराव्या लागल्या.
प्रवासी वाहन विक्रीचा जूनमध्ये दशकातील सर्वोत्तम वृद्धिदर
सरलेल्या जून महिन्यात देशातील प्रवासी वाहनांच्या विक्रीने दमदार कामगिरी केली आहे. जूनमधील एकूण प्रवासी वाहन विक्रीने दशकातील सर्वोत्तम पातळी गाठत, मागच्या वर्षांच्या तुलनेत तब्बल ३७.५४ टक्कय़ांनी वाढ नोंदविली आहे. वार्षिक तुलनेत यंदाच्या जूनमध्ये लक्षणीयरीत्या वाढणाऱ्या वाहन विक्रीमागे वस्तू व सेवा करप्रणाली उपकारक ठरल्याचे कारण देण्यात आले आहे. वर्षभरापूर्वी या अप्रत्यक्ष करांमुळे किमती वाढण्याचे गृहीत धरून खरेदीदारांनी आपला वाहनांबाबतचा निर्णय लांबणीवर टाकला होता. परिणामी जून २०१७ मध्ये घटलेल्या वाहन विक्रीच्या तुलनेत यंदाच्या जूनमध्ये वाहन विक्री वेगाने वाढल्याचे निरीक्षण वाहननिर्मिती कंपन्यांची संघटना 'सिआम'ने नोंदविले आहे.

Want to stay updated ?

x

Download our Android app and stay updated with the latest happenings!!!


90K+ people are using this