facebook pixel
chevron_right Business
transparent
महागाई वाढणार? पेट्रोलचा नवा उच्चांक, डिझेल सत्तरीपार
आंतरराष्ट्रीय बाजारपेठेत इंधनाची दरवाढ झाल्याने देशातील पेट्रोल, डिझेलचे दरही भडकले आहेत. मुंबईत पेट्रोलने लिटरमागे ८२ रुपये ५२ पैसे तर डिझलने लिटरमागे ७० रुपये २४ पैसे इतके दर गाठले. दुसरीकडे पेट्रोल आणि डिझेलवरील उत्पादन शुल्क कमी करण्यास केंद्रीय अर्थ खाते तयार नसल्याने सर्वसामान्य नागरिकांना तुर्तास दिलासा मिळण्याची चिन्हे नाहीत. इराण- अमेरिकेमधला अण्वस्त्रावरुन वाढता तणाव, व्हेनेझुएलातील अंतर्गत समस्या आणि मागणीत झालेली वाढ या कारणामुळे आंतरराष्ट्रीय बाजारात कच्चा तेलाचे भाव प्रति बॅरल ८० डॉलरपर्यंत (सुमारे ५ हजार ३१४ रुपये) पोहोचले आहेत.
नोकिया पुन्हा फायद्यात
कोलकता - मोबाईल व्यवसायातील आघाडीचे स्थान गमावल्यानंतर नोकिया कंपनीची सुरू असलेली तोट्यातील वाटचाल संपली आहे. कंपनीने पुन्हा मोबाईल बाजारपेठेत प्रवेश केल्यानंतर ती फायद्यात आली आहे. याविषयी नोकियाचे जागतिक व्यापार प्रमुख अमित गोयल म्हणाले, की भारतात कंपनी नफ्यात आली आहे. मागील वर्षात कंपनीने जगभरात ७ कोटी मोबाईलची विक्री केली असून, यामध्ये फीचर मेनचा समावेश अधिक आहे. कंपनी फीचर फोनच्या बाजारपेठेवर अधिक भर देणार आहे. देशांतर्गत बाजारपेठेत फीचर फोनचा वाटा ५० टक्के आहे.
चांदी 40 हजारांखाली
स्थानिक बाजारपेठेत सोन्याच्या भावात सलग दुसऱ्या सत्रात मंगळवारी घसरण झाली. चांदीच्या भावात घट होऊन तो ४० हजार रुपयांच्या खाली आला. स्टॅंडर्ड सोन्याचा भाव आज प्रतिदहा ग्रॅम ८० रुपयांची घसरण होऊन ३१ हजार १५० रुपयांवर आला. शुद्ध सोन्याचा भावही प्रतिदहा ग्रॅम ८० रुपयांची घसरण होऊन ३१ हजार ३०० रुपयांवर आला. चांदीच्या भावात प्रतिकिलो ७६० रुपयांची घट होऊन तो ३९ हजार २७० रुपयांवर आला. जागतिक पातळीवर डॉलरचा भाव वधारल्याने सोन्याच्या भावात सुरू असलेली घसरण आज थांबली. सोन्याचा भाव आज प्रतिऔंस १ हजार ३२६ डॉलरवर गेला.
बॅंकांना सेवाकराच्या नोटिसा
नवी दिल्ली - खात्यावर किमान शिल्लक ठेवणाऱ्या खातेदारांना मोफत सेवा देणाऱ्या बॅंकांना वस्तू व सेवा (जीएसटी) गुप्तचर महासंचालनालयाने सेवाकर भरण्यासाठी कारणे दाखवा नोटिसा बजावल्या आहेत. यामध्ये स्टेट बॅंक ऑफ इंडिया, एचडीएफसी बॅंक, आयसीआयसीआय बॅंक, ॲक्‍सिस बॅंक आणि कोटक महिंद्र बॅंक या सार्वजनिकसह खासगी क्षेत्रातील बॅंकांचा समावेश असून, त्यांना हजारो कोटी रुपयांचा सेवाकर पूर्वलक्षी प्रभावाने भरण्याची सूचना करण्यात आली आहे. आगामी काळात इतरही बॅंकांना अशा प्रकारच्या नोटिसा बजावल्या जाण्याची शक्‍यता आहे. मागील पाच वर्षांतील सेवा कराची मागणी बॅंकांकडून करण्यात आली आहे, अशी माहिती सूत्रांनी दिली.
विमानतळांचे खासगीकरण -Maharashtra Times
पंधरा विमानतळ खासगी व्यवस्थापनाकडे? दर्जा, सुविधा उंचावण्यासाठी केंद्राचा निर्णय. ईटी वृत्त, नवी दिल्ली देशांतर्गत विमानतळांचा दर्जा व सुविधा उंचावण्याच्या दृष्टीने देशभरातील सुमारे १५ विमानतळांवरील व्यवस्थापनाचे खासगीकरण करण्याचा निर्णय केंद्र सरकारच्या विचाराधीन आहे. हे सर्व विमानतळ सद्यस्थितीत नफ्यात आहेत. एका उच्चपदस्थ सरकारी अधिकाऱ्याने ही माहिती दिली. देशांतर्गत १५ विमानतळांचे व्यवस्थापन खासगी कंत्राटदारांकडे सोपविण्याचा निर्णय केंद्रीय विमानतळ प्राधिकरणाच्या (एअरपोर्टस अॅथॉरिटी ऑफ इंडिया) विचाराधीन आहे. हा निर्णय जवळपास निश्चित असून लवकरच त्याविषयी घोषणा होईल, असे या अधिकाऱ्याने सांगितले.
नियमभंग उदंड, शिक्षेबाबतही बेफिकीर!
'सेबी'च्या कारवाईला वाकुल्या दाखविणारे १८०० दंडबुडवे! नवी दिल्ली : भांडवली बाजार नियंत्रक 'सेबी'ने विविध प्रकारच्या नियम उल्लंघनाच्या तक्रारींची दखल घेत सुनावलेल्या दंडात्मक शिक्षेलाही वाकुल्या दाखविल्या असल्याची माहिती पुढे आली आहे. नियमभंग करणाऱ्या विविध १८०० कंपन्या आणि व्यक्तींनी सेबीला दंड भरलेला नसल्याचे ही आकडेवारी सांगते. महिन्याभरापूर्वी अशा दंडाबाबत हलगर्जी २,१८३ जणांची यादी 'सेबी'ने प्रसिद्ध केली आहे.
कृषी कर्जपुरवठय़ाचे १० लाख कोटींचे लक्ष्य पूर्ण
शेतीसाठी कर्ज पुरवठय़ाचे निर्धारित लक्ष्य पूर्ण करण्यात सरकारला यश आले असून, २०१७-१८ मध्ये १० लाख कोटी रुपयांच्या कृषी कर्जाचे वितरण झाले आहे. केंद्रातील राष्ट्रीय लोकशाही आघाडी सरकारने चालू, २०१८-१९ या वित्त वर्षांकरिता ११ लाख कोटी रुपयांच्या कृषी वित्त पुरवठय़ाचे लक्ष्य १ फेब्रुवारी रोजी संसदेत सादर केलेल्या अर्थसंकल्पात जाहीर केले होते. चालू वित्त वर्षांत छोटय़ा शेतकऱ्यांना करावयाच्या कृषी कर्जपुरवठय़ाचे प्रमाण वाढविण्याचा मनोदयही सरकारकडून व्यक्त करण्यात आला आहे. याबाबतचा प्रस्ताव केंद्रीय मंत्रिमंडळापुढे आणण्याची तयारीही सुरू असल्याचे सांगण्यात येते.
भारती एअरटेलचा तिमाही नफा १५ वर्षांच्या नीचांकाला
'रिलायन्स जिओ'ने केला घात. नवी दिल्ली : स्पर्धक रिलायन्स जिओच्या प्रवेशाने भडकलेल्या दरयुद्धाचा फटका देशातील सर्वात मोठय़ा दूरसंचार कंपनीच्या व्यवसायाला बसला आहे. भारती एअरटेलने गेल्या १५ वर्षांतील सर्वात कमी तिमाही नफ्याची नोंद केली आहे. सरलेल्या तिमाहीत कंपनीचा निव्वळ नफा आधीच्या वर्षांतील याच तिमाहीच्या तुलनेत ७८ टक्क्यांनी घसरला आहे. भारती एअरटेलने जानेवारी ते मार्च २०१८ या तिमाहीत ८२.९ कोटी रुपयांचा निव्वळ नफा कमावला आहे. गेल्या १५ वर्षांतील हा सर्वात कमी नफा असण्याबरोबरच, सलग आठव्या तिमाहीत नोंदविली गेलेली ही नफ्यातील घसरण आहे.
जीएसटी लवकरच महिन्यातून एकदाच
वस्तू व सेवाकराचे (जीएसटी) विवरणपत्र दाखल करण्यात व्यापाऱ्यांना अधिक सुलभता यावी यासाठी केंद्र सरकार प्रयत्नशील आहे. हे विवरणपत्र महिन्यातून केवळ एकदाच भरण्याचा नियम सरकारच्या विचाराधीन असून तसे झाल्यास देशभरातील कोट्यवधी व्यापारी, व्यावसायिकांना दिलासा मिळेल. सद्यस्थितीत व्यापाऱ्यांना महिन्यातून तीनवेळा हे विवरणपत्र दाखल करावे लागते. जीएसटीचे विवरणपत्र महिन्यातून एकदाच दाखल करण्याची सुविधा देण्यासाठी नियमबदल करण्याचा विचार काही दिवसांपासून सुरू आहे. या पार्श्वभूमीवर जीएसटीसंबंधी एका गटाची मंगळवारी एक बैठक झाली. जीएसटी परिषदेचे प्रमुख व बिहारचे उपमुख्यमंत्री सुशील मोदी यांच्यासह व्यापाऱ्यांचे प्रतिनिधीही या बैठकीत सहभागी झाले होते.
आता एटीएममधून पैसे काढणं महागणार
एटीएममधून वारंवार पैसे काढणार असाल तर जरा जपून. Gst-will-soon-start-once-a-monthसध्या ग्राहकांकडून १५ रुपये आकारले जात असून त्यात पाच रुपयाने वाढ होणार आहे. रिझर्व्ह बँकेने एटीएम ट्रान्झॅक्शनचे नियम कडक केल्याने एटीएम ऑपरेटर्सनी ट्रान्झॅक्शन चार्ज वाढविण्याची मागणी केली आहे. महागाई वाढल्याने होणारा खर्च वसूल करता यावा म्हणून प्रत्येक ५ ट्रान्झॅक्शनमागे ३ ते ५ रुपये वाढविण्याची मागणी या ऑपरेटर्सनी केली आहे. रिझर्व्ह बँकेने लागू केलेल्या निकषांची पूर्तता करायची झाल्यास एटीएम व्यवस्थापनासाठी येणारा खर्च वाढेल, असं सीएटीएमआयचे संचालक के. रोकड व्यवस्थापनासाठी रिझर्व्ह बँकेनं नवे नियम घालून दिले आहेत.
इन्फोसिस अधिग्रहणावर लक्ष केंद्रित करणार
भारताची दुसऱ्या क्रमांकाची आयटी कंपनी, इन्फोसिसने आगामी काळासाठी मोर्चेबांधणी सुरु केली आहे. येत्या वर्षात विस्ताराची आखणी. इन्फोसिसने व्यवसायाला स्थिरता आणि गती देण्यासाठी पुढच्या तीन वर्षांसाठीचा विस्तार आराखडा तयार केला आहे.कंपनी विस्तार करण्यासाठी या क्षेत्रातील अधिग्रहणावरही लक्ष केंद्रीत करणार आहे. इन्फोसिसचे मुख्य कार्यकारी अधिकारी आणि व्यवस्थापकीय संचालक, सलिल पारेख यांनी यासंदर्भातली माहिती दिली. येत्या काळात इन्फोसिस धोरणात्मक गुंतवणुकीवर देखील लक्ष केंद्रित करणार आहे. कंपनीची कार्यक्षमता वाढवण्यावर आणि स्थानिक पातळीवरील प्रयत्नावर भर दिला जाणार आहे.
'बँक ऑफ इंग्लंड'च्या गव्हर्नर पदासाठी रघुराम राजन यांचे नाव चर्चेत?
रिझर्व्ह बँकेचे (आरबीआय) माजी गव्हर्नर रघुराम राजन यांच्या नावाचा 'बँक ऑफ इंग्लंड'च्या गव्हर्नर पदाचे संभाव्य उमेदवार म्हणून उल्लेख केला जातो आहे. युरोपातील 'फायनान्शिअल टाइम्स' या वृत्तपत्राने दिलेल्या वृत्तानुसार राजन यांच्याकडे बँक ऑफ इंग्लंडचे गव्हर्नर पदाचे संभाव्य उमेदवार म्हणून बघितले जात असल्याचे वृत्त आहे. रघुराम राजन हे आंतरराष्ट्रीय दर्जाचे अर्थतज्ज्ञ असून आंतरराष्ट्रीय नाणेनिधीचे ते वयाच्या 40 व्या वर्षी प्रमुख झाले. शिवाय 2005 मध्ये त्यांनी प्रसिद्ध केलेल्या शोध निबंधात आर्थिक मंदीचा अंदाजही व्यक्त केला होता. मात्र त्यावेळी त्यांच्या अंदाजाकडे दुर्लक्ष करण्यात आले होते.
टाटा सन्सच्या प्रमुखपदी माजी परराष्ट्र सचिव -Maharashtra Times
टाटा सन्सच्या वैश्विक आणि कार्पोरेट विभागाच्या अध्यक्षपदी माजी परराष्ट्र सचिव एस. जयशंकर यांची नियुक्ती करण्यात आली आहे. टाटाच्या जागतिक कार्पोरेट कामकाजाच्या जबाबदारीसह टाटाची जागतिक धोरणं ठरवण्याची जबाबदारीही जयशंकर यांच्यावर सोपवण्यात आली आहे. जयशंकर हे जानेवारी २०१५ ते जानेवारी २०१८ दरम्यान देशाच्या परराष्ट्र सचिवपदी होते. आता ते नवी जबाबदारी पार पाडणार आहेत. टाटा सन्सचे अध्यक्ष म्हणून जयशंकर यांना टाटाचे चेअरमन एन. चंद्रशेखरन यांना रिपोर्ट द्यावा लागणार आहे. 'जयशंकर यांचं टाटा समूहात स्वागत करताना मला आनंद होत आहे.
इंधन शुल्क कपातीस अर्थमंत्रालयाचा विरोध
नवी दिल्ली - सामान्य नागरिकांना दिलासा देण्यासाठी पेट्रोल व डिझेलवरील उत्पादन शुल्कात कपात करण्यास अर्थमंत्रालयाने विरोध केला आहे. याचवेळी राज्यांनी पेट्रोल आणि डिझेलवरील विक्री कर अथवा मूल्यवर्धित करात (व्हॅट) कपात करावी, अस सल्ला मंत्रालयाने दिला आहे. पेट्रोलचा दर आज दिल्लीत प्रतिलिटर ७४.५० रुपये या चार वर्षांतील उच्चांकी पातळीवर पोचला. याचवेळी डिझेलचा दरही प्रतिलिटर ६५.७५ रुपये या उच्चांकी पातळीवर पोचला आहे. यामुळे सामान्य नागरिकांवरील इंधन दरवाढीचा बोजा कमी करण्यासाठी उत्पादन शुल्कात कपात करण्याची मागणी जोर धरू लागली आहे.
एलआयसीचा पश्‍चिम विभाग 2017-18 मध्ये आघाडीवर
भारतीय आयुर्विमा महामंडळाच्या (एलआयसी) पश्‍चिम विभागीय कार्यालयाने व्यक्तिगत विमा हप्त्याच्या नवीन व्यवसायात आर्थिक वर्ष २०१७-१८ मध्ये ऐतिहासिक कामगिरी केली आहे. या आर्थिक वर्षात पश्‍चिम विभागात नव्या ३४ लाख ६३ हजार ५८२ पॉलिसी काढण्यात आल्या आहेत. यातून ९ हजार २ कोटी रुपयांचा पहिला हप्ता मिळाला आहे. भारतीय आयुर्विमा महामंडळ स्थापन झाल्यापासून प्रथमच एखाद्या विभागाने एवढ्या मोठ्या प्रमाणात नव्या पॉलिसींमधून पहिला हप्ता मिळविला आहे. एलआयसीचे आठ विभाग असून, एकूण विमा हप्त्यातील उत्पन्नात पश्‍चिम विभागाचा वाटा २१ टक्के आहे. या विभागाचे नेतृत्व विभागीय व्यवस्थापक विपिन आनंद यांच्याकडे आहे.
रुपयाला 'बुरे दिन'
मुंबई - अमेरिकेची मध्यवर्ती बॅंक 'फेडरल रिझर्व्ह'कडून व्याजदरवाढीची शक्‍यता आणि जागतिक बाजारपेठेत कच्च्या तेलाचे भाव भडकल्याने चलन बाजारात डॉलरला मागणी वाढली आहे. याचा फटका रुपयाला बसला असून, सलग सहाव्या सत्रांत रुपयाचे मूल्य घसरले आहे. सोमवारी डॉलरच्या तुलनेत रुपयात ३६ पैशांची घसरण होऊन तो ६६.४८ रुपयांवर आला. जागतिक बाजारातील घडामोडींमुळे चलन बाजारात रुपयाची मागील काही दिवसांपासून दमछाक होत आहे. परकी संस्थात्मक गुंतवणूकदारांनी देखील शेअर बाजारातून काढता पाय घेतला आहे. त्यांनी आतापर्यंत आठ हजार कोटींची गुंतवणूक काढून घेतली आहे. याचा फटका रुपयाला बसला असल्याचे विश्‍लेषकांचे म्हणणे आहे.
गहुंजे परिसरात गृहखरेदीसाठी संधी
पुणे - पुणे परिसरात घर घेण्याचा विचार करणाऱ्या नागरिकांकरिता पुणे- मुंबई द्रुतगती मार्गावरील गहुंजे परिसरात परवडणाऱ्या घरांचे नव्याने अनेक पर्याय उपलब्ध होत आहेत. या परिसरासह नऊ गावांचा महापालिकेत समावेश व्हावा, असा पिंपरी- चिंचवड महापालिकेचा प्रस्ताव असल्याने पुणे शहराच्या प्रवेशद्वारावर असलेल्या गहुंजे परिसरात जगभरात उत्तम ठरलेले शहरीकरणाचे मॉडेल येण्याची शक्‍यता आहे. परवडणाऱ्या घरांच्या वाढत्या मागणीमुळे देशातील रिअल इस्टेट क्षेत्रात मोठ्या संधी निर्माण होत आहेत.
टीसीएसचे भांडवली मूल्य १०० अब्ज डॉलर!
टाटा समूहातील टीसीएस या माहिती तंत्रज्ञान कंपनीने सलग दुसऱ्या व्यवहारात १०० अब्ज डॉलरच्या बाजार भांडवलाला गवसणी घातली. मात्र गेल्या आठवडय़ातील अखेरच्या व्यवहाराप्रमाणेच नव्या सप्ताहातील पहिल्या सत्रातही या अनोख्या टप्प्यावर कायम राहण्यास कंपनीला हुलकावणी मिळाली. सोमवारच्या व्यवहारात टीसीएस ४.४२ टक्क्य़ांपर्यंत झेपावला होता. गुंतवणूकदारंच्या नफेखोरीमुळे मात्र कंपनी समभाग सत्रअखेर मोठी वाढ नोंदवू शकला नाही. तसेच तिचे बाजार मूल्यही १०० अब्ज डॉलरच्या काठावर राहिले. सोमवारच्या व्यवहारादरम्यान १०० अब्ज डॉलपर्यंत पोहोचणारी टीसीएस ही देशातील पहिली माहिती तंत्रज्ञान कंपनी ठरली.
इंधन स्वस्ताई स्वप्नवतच -Maharashtra Times
वृत्तसंस्था, नवी दिल्ली आंतरराष्ट्रीय बाजारात कच्च्या तेलाचे दर भडकत असल्याने देशात पेट्रोल आणि डिझेलच्या दरात दिवसेंदिवस वाढ होत आहे. या पार्श्वभूमीवर सर्वसामान्यांना दिलासा देण्यासाठी केंद्र सरकार पावले उचलण्याची शक्यता आता मावळली आहे. इंधनावरील उत्पादन शुल्कात (एक्साइज ड्युटी) घट करण्याचा केंद्राचा कोणताही विचार नसल्याचे समोर आले आहे. त्यामुळे ५५ महिन्यांच्या उच्चांकी किंमतीवर असणारे पेट्रोल आणखी भडकण्याची शक्यता नाकारता येत नाही. सर्वसामान्यांना दिलासा देण्यासाठी केंद्र सरकार उत्पादन शुल्कात घट करण्याची शक्यता कमीच असल्याची माहिती केंद्रीय अर्थ मंत्रालयाच्या एका वरिष्ठ अधिकाऱ्याने दिली.
नवे औद्योगिक धोरण लवकरच -Maharashtra Times
ईटी वृत्त, नवी दिल्ली देशाचे नवे औद्योगिक धोरण लवकरच घोषित केले जाईल, असे प्रतिपादन केंद्रीय वाणिज्य व उद्योगमंत्री सुरेश प्रभू यांनी सोमवारी येथे केले. इंटरनॅशनल स्मॉल अॅण्ड मीडियम एंटरप्रायझेसच्या तीन दिवसीय अधिवेशनाच्या पहिल्या दिवशी ते बोलत होते. या धोरणामुळे भारतीय उद्योगजगतातील लघू व मध्यम उद्योगांत महत्त्वपूर्ण बदल दिसून येण्याची शक्यता आहे. या अधिवेशनात प्रभू म्हणाले की, 'नव्या औद्योगिक धोरणाचा तपशील लवकरच घोषित करण्यात येईल. या धोरणामुळे लघू व मध्यम उद्योगांना अधिक चालना मिळेल.

Want to stay updated ?

x

Download our Android app and stay updated with the latest happenings!!!


90K+ people are using this