facebook pixel
chevron_right Politics
transparent
भाजपचा आता IAS शीतल उगले यांच्यावर नेम : मुख्यमंत्री तो चुकविणार का?
पुणे महापालिकेच्या प्रशासनाच्या दिशेने भाजपच्या पदाधिकाऱ्यांनी आता पुन्हा नेम धरला असून, प्रशासनाविरोधात ढीगभर तक्रारी मांडून, न्यायाची अपेक्षा सत्ताधाऱ्यांनी मुख्यमंत्री देवेंद्र फडणवीस यांच्याकडे केली आहे. महापालिकेतील कुरबुऱ्या फारशा मनावर न घेणाऱ्या मुख्यमंत्री फडणवीसांनीही तक्रारदारांना थेट वर्षा'वर हजर राहून आपले म्हणणे मांडण्याचे फर्मान सोडले आहे. मुख्यमंत्र्यांची सूचना मनावर घेऊन महापालिकेतील कारभारी म्हणजे, सभागृहनेते श्रीनाथ भिमाले प्रशासनाविरोधात दारुगोळा' जमविण्याच्या तयारीला लागले आहेत. सत्ताधाऱ्यांचा खरा रोष आहे, तो महापालिकेतील अतिरिक्त आयुक्त शितल उगले-तेली यांच्यावर. उगलेंबाबतच्या तक्रारींना कारभारी'च खतपाणी घालत असल्याचे लपून राहिलेले नाही.
इन्स्पेक्टर मिलिंद गाकयवाड : लाच देणाऱ्याला पकडून देणरा कणखर अधिकारी
आमदार योगेश टिळेकर यांच्यावर गुन्हा दाखल करणाऱ्या पुण्यातील कोंढवा पोलीस ठाण्याचे पोलीस निरीक्षक मिलींद गायकवाड यांची कार्यपद्धती पूर्वीपासूनच बेधडक असल्याचे समोर आले आहे. वीस वर्षापूर्वी नगर शहरात पोलीस उपनिरीक्षक म्हणून काम करताना गायकवाड यांनी नगरमधील नामांकित सराफावर लाच दिल्याबद्दल लाचलुचपत विभागामार्फत लावलेला ट्रॅप त्यावेळी राज्यभर गाजला होता. लाच लुचपत विभागामार्फत लाचप्रकरणी पोलिसांवर ट्रॅप झाल्याचे आपण अनेकवेळा वाचतो. मात्र गायकवाड यांनी झेंडीगेट पोलिस चौकीत लाच देणाऱ्यावर ट्रप लावून त्याला अटक करण्यास भाग पाडले होते. त्या काळी त्यांनी पोलिस खात्याच्या कर्तव्याचा एक वेगळा मापदंड निर्माण केला होता.
राजकीय नेत्यांना 'बायपास' करीत तुकाराम मुंढेंचा सात अधिकाऱ्यांना दणका!
महापालिकेच्या सात अधिकाऱ्यांवर दोषारोप निश्‍चित होऊनही राजकीय हस्तक्षेपामुळे ते निर्धास्त होते. मात्र, आता आयुक्त तुकाराम मुंढेंच्या कार्यशैलीचा दणका त्यांना बसला आहे. महासभेने मान्यता देण्याआधीच सात आजी-माजी अधिकाऱ्यांची चौकशी सुरु झाली आहे. त्यांच्याकडून खुलासा मागविण्यात आल्याने या चौकशीतील राजकीय हस्तक्षेपाला ब्रेक लागला आहे. माजी महापौर प्रकाश मते यांच्या ग्रीन फिल्ड लॉन्सची संरक्षक भिंत पाडण्यास उच्च न्यायालयाची स्थगिती होती. अतिरिक्त आयुक्त किशोर बोर्डे, उपायुक्त रोहिदास बहिरम, अभियंता पी. चव्हाण यांनी त्यावर अतिक्रमणकारवाई केली होती. उच्च न्यायालयाने या संदर्भात आयुक्त तुकाराम मुंढे यांची कानउघाडणी केली होती.
टिळेकरांबर गुन्हा दाखल करणाऱ्या पोलीस आधिकाऱ्यासाठी पुण्यात मोर्चा
आमदारांवर गुन्हा दाखल करणारे पोलिस निरीक्षक मिलिंद गायकवाड यांची बदली रद्द करा, अशी मागणी करतानाच मी येत्या आठ दिवसांत आमदार योगेश टिळेकरांची अजून अनेक भ्रष्टाचाराची प्रकरणे बाहेर काढणार असल्याचा इशारा महाराष्ट्र नवनिर्माण सेनेचे नगरसेवक वसंत मोरे यांनी दिला आहे. आमदार टिळेकरांवर खंडणीचा गुन्हा दाखल झाल्यानंतर कोंढवा पोलिस ठाण्याचे वरिष्ठ पोलिस निरीक्षक गायकवाड यांची तडकाफडकी बदली करण्यात आली. याच्या निषेधार्थ मनसेने आज कोंढवा अग्निशामक दलापासून पोलिस ठाण्यापर्यंत मूकमोर्चा काढला. मोर्चात कार्यकर्त्यांबरोरच इतर पक्षातील काही पदाधिकारीही सहभागी झाले होते.
जमीन मोजणीतील `उंदरांना` चोक्कलिंगम जाळ्यात पकडणार का?
भूमि अभिलेख विभागात भूमापक म्हणून काम करणाऱ्या एका कर्मचाऱ्याला पुण्यात एक लाख रूपयांची लाच घेताना अटक करण्यात आली आहे. या प्रकरणात एका एजंटालाही अटक करण्यात आली आहे. एका आधिकाऱ्याच्या सांगण्यावरून त्यांच्यासाठी हे काम केल्याचे या कर्मचाऱ्याने सांगितल्याची धक्कादायक माहिती पुढे आली आहे. हा आधिकारी कोण याचा शोध घेण्यात येईल, असे या विभागाचे संचालक व राज्याचे जमाबंदी आयुक्त एस. चोक्कलिंगम यांनी स्पष्ट केले आहे.
आमदार टिळेकर यांच्यावर खंडणीचा गुन्हा दाखल केलेल्या इन्स्पेक्टरची बदली
भारतीय जनता पार्टीचे पुण्यातील आमदार योगेश टिळेकर यांच्यावर 50 लाखांची खंडणी मागितल्याप्रकरणी गुन्हा दाखल केलेले पोलीस निरीक्षक मिलींद गायकवाड यांची आज बदली करण्यात आली. पोलिस आय़ुक्त व्येंकटेशम यांनी गायकवाड यांच्यासोबत अन्य पोलीस आधिकाऱ्यांच्या बदल्या केल्या आहेत. मात्र गायकवाड यांची झालेली बदली या नियमित बदल्यांचा भाग आहे की टिळेकर यांच्यावर गुन्हा दाखल केल्यामुळे बदली करण्याची आली आहे. यावर आता चर्चा सुरू झाली आहे.
नागरिकांच्या 97 टक्के तक्रारींचे निराकरण केल्याचा तुकाराम मुंढेंचा दावा
आपल्या समस्या नागरिकांनी 'एन.एम.सी. ई कनेक्‍ट' ऍप द्वारे कराव्यात. त्यासाठी प्रशासनाने संबंधीतांची जबाबदारी निश्‍चित केली आहे. त्यामुळे घरबसल्या प्रश्‍नांचे वेळेत निराकरण होईल. आतापर्यंत 97 टक्के तक्रारींचे निराकरण झाले आहे. शहरात 112 ठिकाणी ई टॉयलेट उभारण्यात येत असल्याने लवकरच शहराचे चित्र बदलेल, असे महापालिका आयुक्त तुकाराम मुंढे यांनी नागरिकांशी संवाद साधताना सांगितले. महानगरपालिकेच्या वतीने 'वॉक विथ कमिशनर' उपक्रमातंर्गत महापालिका आयुक्त मुंढे यांनी आज सकाळी आकाशवाणी टॉवर येथे नागरिकांशी संवाद साधला. नागरिकांनी मांडलेल्या काही तक्रारींचे त्वरित निराकरण केले. खातेप्रमुखांना प्रश्न मार्गी लावण्याचे सुचित केले.
या `तानाजी`चे नाव ठाण्यात ज्याच्या त्याच्या तोंडी
जनतेची गर्दी असलेले कोणतेही सरकारी कार्यालय नजरेसमोर आणा. कागदांचे ढिग, आजुबाजुला धूळ, अस्ताव्यस्त टेबलखुर्च्या, पान थुंकून लालेलाल केलेला जिना आणि तितकेच मख्ख कर्मचारी. पण चुकून एखाद्या कार्यालयात नागरिकाला पंचतारांकित हाॅटेलसारखा फिल आला तर. तर तो ठाण्यातील मुद्रांक व नोंदणी विभागाच्या दुय्यम निबंधक कार्यालयाने दिला आहे. ठाणे शहरात खरेदी-विक्री दस्त नोंदणीची संख्या मोठी आहे. पण कार्यालय मात्र जुन्या पद्धतीचे होते. तेथे दुय्यम निबंधक म्हणून बदलून गेलेल्या तानाजी गंगावणे यांनी या कार्यालयाचा कायापालट केला. तेथे गेलेला प्रत्येक नागरिक हरखूनच केला. तत्पर सेवेसह तेथे सोयीही वाढवल्या.
या `तानाजी`चे नाव ज्याच्या त्याच्या तोंडी!
जनतेची गर्दी असलेले कोणतेही सरकारी कार्यालय नजरेसमोर आणा. कागदांचे ढिग, आजुबाजुला धूळ, अस्ताव्यस्त टेबलखुर्च्या, पान थुंकून लालेलाल केलेला जिना आणि तितकेच मख्ख कर्मचारी. पण चुकून एखाद्या कार्यालयात नागरिकाला पंचतारांकित हाॅटेलसारखा फिल आला तर. तर तो ठाण्यातील मुद्रांक व नोंदणी विभागाच्या दुय्यम निबंधक कार्यालयाने दिला आहे. ठाणे शहरात खरेदी-विक्री दस्त नोंदणीचे संख्या मोठी आहे. पण कार्यालय मात्र जुन्या पद्धतीचे होते. तेथे दुय्यम निबंधक म्हणून बदलून गेलेल्या तानाजी गंगावणे यांनी या कार्यालयाचा कायापालट केला. तेथे गेलेला प्रत्येक नागरिक हरखूनच केला. तत्पर सेवेसह तेथे सोयीही वाढवल्या.
सावकार, लॅंड व सॅंड माफिया यांना `झोपडपट्टी दादा` ची दहशत बसविणार : SP संदीप पाटील
बेकायदा सावकारी, वाळूमाफिया आणि हातभट्टी दारूधंदे करणाऱ्यांवर जिल्हा पोलिस अधीक्षक संदीप पाटील यांनी बडगा उगारला असून, या तीनही घटकांची सरसकट झोपडपट्टी दादा' म्हणून गणना करताना त्यांच्यावर मोक्का, एमपीडीए अंतर्गत कारवाईचा इशारा दिला आहे. गुंडापुंडांच्या मदतीने सामान्य माणसाला धमकावल्यास त्या गुंडांसह सावकार, दारूधंदेवाले व वाळूमाफियांवर स्ट्रॉंग' गुन्हे लावू असा सज्जड दम त्यांनी येथे दिला. शिरूर पोलिस स्टेशनच्या वार्षिक तपासणीनंतर झालेल्या पीएस 100 ग्रुप'च्या सहविचार सभेत पाटील बोलत होते.
उल्हासनगरात 22 वर्षात 40 आयुक्त, नवे आयुक्त हांगे होणार 8 महिन्यात निवृत्त !
महानगरपालिकेची स्थापना 1996 साली झाल्यापासूच्या 22 वर्षात तब्बल 40 आयुक्तांनी उल्हासनगरचा पदभार हाताळला आहे.विशेष म्हणजे मागील 2 वर्षात 10 आयुक्तांच्या बदल्या झाल्या आहेत. त्यात आजपासून विराजमान झालेले आयुक्त अच्युत हांगे हे 8 महिन्यात सेवानिवृत्त होत असल्याने त्यानंतर पुन्हा नव्या आयुक्तांच्या प्रतिक्षा असे चित्र दिसणार आहे. 1996 साली महानगरपालिकाची स्थापना झाल्यावर 22 ऑक्टोबर ते 20 डिसेंबर हे दोन महिने प्रशासक म्हणून पृथ्वीराज बायस यांनी काम पाहिले.त्यानंतर रामनाथ सोनवणे,एस.एच.शुळ,व्ही.एस.जोगळेकर,अ.द.काळे,टी.चंद्रशेखर,रा.द.शिंदे,के.पी.बक्षी,बी.आर.पोखरकर,डी.एस.पाटील,सदाशिव कांबळे,समीर उन्हाळे,अशोक बागेश्वर,अशोककुमार रनखांब,विजयकुमार म्हसाळ,बालाजी खतगावकर,मनोहर हिरे,ई.रवींद्रन,राजेंद्र निंबाळकर,डॉ.सुधाकर शिंदे,गणेश पाटील,गोविंद बोडके,यांनी पदभार हाताळला आहे.
तुकाराम मुंढेंचे नाव घेताच डॉ. अविनाश ढाकणे चिडले!
रामवाडी परिसरात 25 ते 30 लाख रुपयांचे काम अतिशय निकृष्ट दर्जाचे काम होत असताना त्याकडे कोणीही लक्ष दिले नाही. त्यामुळे संबंधित कंत्राटदाराला बिल देण्यापूर्वी या कामाची नाशिकचे आयुक्‍त तुकाराम मुंढे यांच्यामार्फत चौकशी व्हावी, अशी मागणी राष्ट्रवादीचे नगरसेवक किसन चव्हाण यांनी केली. त्यावर आयुक्‍त डॉ.अविनाश ढाकणे चिडले आणि त्यासाठी आपण सक्षम असल्याचे स्पष्टीकरण दिले. कोणतेही काम होताना संबंधित अधिकाऱ्यांकडून पडताळणी होणे गरजेचे असते. त्यामुळे अशा कामांच्या चौकशीसाठी एक समिती नियुक्‍त करावी आणि त्यात तुकाराम मुंढे यांचा समावेश असावा, अशी विनंती श्री. जाधव यांनी महापौरांकडे केली.
...आणि तुकाराम मुंढेंचे दुर्मिळ हास्य नाशिककरांनी टिपलेच!
महापालिका आयुक्त तुकाराम मुंढे यांचा वावर सदैव शिस्तबद्ध अन्‌ गंभीर. राजकीय नेते, पदाधिकाऱ्यांबरोबर सार्वजनिक कार्यक्रमातील उपस्थिती तर त्याहुनही गंभीर. मात्र, या सगळ्यांना छेद देणारा प्रसंग आज घडला अन्‌ ते नेत्यांसोबत खळाळून हसले. एव्हढेच काय त्यांनी शिवसेनेच्या गटनेत्याला टाळीही दिली. त्यामुळे हा दुर्मिळ प्रसंगाचे साक्षीदार ठरलेले नागरीक हा प्रसंग मोबाईलमध्ये चित्रीत करण्याचा मोह आवरु शकले नाहीत. प्रसंग होता स्मार्ट सिटी अंतर्गत ग्रीन सायकल प्रकल्पाचे उद्‌घाटन. गोल्फ क्‍लब मैदानाजवळ उभारलेल्या फलकांच्या गॅलरीत त्यासाठी लाल फित लावण्यात आली होती. नेते संयुक्तपणे फीत कापुन त्याचे उद्‌घाटन करणार होते.
मुख्यमंत्र्यांसमोर स्वीय सहाय्यकाचे जोरदार भाषण; सक्रीय राजकारणासाठी अभिमन्यू पवारांना मिळणार पाठबळ
हातात फायली, एखादी डायरी, स्वतःसोबतच मुख्यमंत्र्यांचा मोबाईल घेऊन आलेले निरोप टिपणारे, भाषणाच्या ठिकाणी मुख्यमंत्र्यांच्या पाठीमागच्या खुर्चीत बसणारे स्वीय सहायक सर्रास पहायला मिळतात. पण एखादा कार्यकर्ता स्वीय सहाय्यक झाल्यास त्याचा सर्वत्र वावर मात्र वेगळाच असतो. असच काहीसं नातं सध्याचे मुख्यमंत्री देवेंद्र फडणवीस व त्यांचे स्वीय सहाय्यक अभिमन्यू पवार याचं आहे. ७) रविवारी झालेल्या एका कार्यक्रमात पवार यांनी मुख्यमंत्र्यांसमोर नेत्यासारखेच जोरदार भाषण करीत लातूरचे प्रश्न मुख्यमंत्र्यासमोर मांडले. मुख्यमंत्र्यांनी देखील त्यांचे हे प्रश्न दिलदारपणे ऐकून घेत कार्यक्रमाच्या नियोजनाबद्दल पवार यांच्या पाठीवर कौतुकाची थापही मारली.
महिला सभापतींना दिलेल्या वागणुकीबद्दल नाशिक जिल्हा परिषद अधिकाऱ्याने मागितली माफी
जिल्हा परिषदेतील महिला सभापतींना अधिकाऱ्यांनी अपमानास्पद वागणुक दिल्याच्या विरोधात महिला सदस्यांनी सोमवारी सभागृहात ठिय्या आंदोलन केले. त्यानंतर वरिष्ठांनी हस्तक्षेप केल्यावर उपमुख्य कार्यकारी अधिकारी डी. मुंडे यांनी माफी मागितल्यावर वाद संपला. जिल्हा परिषदेची सर्वसाधारण सभा जिल्हा परिषद अध्यक्षा शीतल सांगळे यांच्या अध्यक्षतेखाली झाली. यावेळी उपाध्यक्षा नयना गावित यांनी महिला व बालकल्याण समिती सभापती अपर्णा खोसकर यांना दिलेल्या वागणुकीबद्दल मुख्य कार्यकारी अधिकारी डी. मुंडे यांच्यावर जोरदार टीका केली. पोषण आहार योजनेत राज्यात प्रथम क्रमांक मिळाल्याबद्दल मुंबईतील पुरस्काराची माहिती उशिरा देत सभापतींना अपमानास्पद वागणूक दिली.
निवडक अधिकाऱ्यांचाच 'नो व्हेईकल डे' सीईओ मित्तल आले पायी
जिल्हा परिषदेत मोठ्या उत्साहाने सुरू केलेल्या 'नो व्हेईकल डे' उपक्रमाचा फज्जा उडाला. बहुतांश अधिकारी आणि कर्मचारी हे नेहमीप्रमाणेच वाहनांमधून कार्यालयास आले, मात्र मुख्य कार्यकारी अधिकारी अमन मित्तल यांनी पायीच कार्यालयास येणे पसंत केले. तर सामान्य प्रशासन विभागाचे उपमुख्य कार्यकारी अधिकारी रविकांत आडसूळ हे सायकल घेऊन कार्यालयास आले. मुख्य कार्यकारी अधिकारी केलेल्या नियमांची काटेकोर अंमलबजावणी करत असताना सहकारी अधिकारी व कर्मचारीच या उपक्रमाला खो घालत असल्याचे आज दिसून आले. शनिवारी (ता.6) सकाळीच मुख्य कार्यकारी अधिकारी मित्तल हे मंत्री चंद्रकांत पाटील यांच्या भेटीला गेले होते.
मुख्यमंत्री फडणवीस आयुक्त तुकाराम मुंडेंच्या पाठीशी
मुख्यमंत्री देवेंद्र फडणवीस यांनी नाशिक दौऱ्यात महानगरपालिकेच्या विकास कामाचा आढावा एका बैठकीत घेतला. कारवाढीच्या प्रश्नावर मुख्यमंत्र्यांनी आयुक्त तुकाराम मुंडे यांची पाठराखण केली. या बैठकीत महापालिका आयुक्त तुकाराम मुंडेंचे प्रेझेंटेशन प्रभावी ठरले. त्यामुळे मुख्यमंत्र्यांनी त्यांच्या कारभाराला पाठींबा देत 'आगे बढो'चा संदेश दिला आहे. तुकाराम मुंडे यांच्या कार्यशैलीला फडणवीसांनी एक प्रकारे ग्रीन सिग्नल दिला असे मानले जात आहे. मुख्यमंत्री फडणवीस यांचा शुक्रवारचा नाशिक दौरा निवांत होता. त्यांनी चार तास आढावा बैठक घेतली. मात्र त्यांनी आवर्जून दखल घेतली ती महापालिका व स्मार्ट सिटी प्रकल्पाची.
...आणि पोलीस दलामध्ये उपनिरीक्षक झालेल्या 'लक्ष्मी'ला झाले अश्रू अनावर !
लक्ष्मी सपकाळे ठरली सर्वोत्कृष्ठ महिला प्रशिक्षणार्थी नाशिक : मोलमजुरी करून संसाराचा गाडा हाकणारे वडील अन संसाराला हातभार लागावा म्हणून धुणीभांडी करणारी आई. यांनी मुलींच्या जन्माने उदास न होता, तिघींना शिकविले. पैकी दोघी पोलीस दलात भरती झाल्या. मात्र लक्ष्मी हिने आपल्या मायबापाचे ऋण फेडत पोलीस दलामध्ये उपनिरीक्षक होण्याचा सन्मान तर पटकावलाच, शिवाय सर्वोत्कृष्ठ महिला प्रशिक्षणार्थी म्हणून पारितोषिकही घेतले. त्यावेळी तिच्या आई-वडलांसह लक्ष्मी सपकाळे यांनाही अश्रू अनावर झाले. एक नव्हे तर तीन मुली जन्माला आल्या म्हणून आमच्या आई-बाबांनी कधीही दु:ख व्यक्त केले नाही.
एसपींना आमदारांकडून हवाय गुन्हेगारांचा पत्ता!
जिल्ह्यातील अनेक ठिकाणी अवैध व्यवसाय सुरू आहेत. पोलीस कारवाई करीत नाहीत, असा आरोप अखिल भारतीय काँग्रेसचे सचिव आमदार हर्षवर्धन सपकाळ यांनी केला आहे; यावर कारवाई न करता जिल्हा पोलीस अधिक्षकांनी मात्र मला त्या लोकांचे पत्ते द्या अशी भूमिका घेतल्यामुळे आश्चर्य व्यक्त होत आहे. बुलडाणा जिल्ह्यात अनेक ठिकाणी अवैध व्यवसाय जोरात चालू आहेत. अवैध गावठी दारू विक्री, जुगार, वरली मटका, रेशनचा काळाबाजार, अवैध प्रवासी वाहतूक ही नित्याचीच झाली आहे. यावर मोठ्या प्रमाणात कारवाई होताना दिसत नाही.
तुकाराम मुंडेंचा आदर्श घेणार का ?
औरंगाबादः महापालिकेचे आयुक्‍त डॉ. निपुण विनायक यांनी दोन दिवसांपुर्वी आपण महापालिकेत न बसण्यामागे दलालांचा वावर हे कारण सांगत वाद ओढावून घेतला. याबाबत निपुण विनायक यांनी सध्या नाशिकचे महापालिका आयुक्त असलेल्या तुकाराम मुंडेंचा आदर्श घ्यायला हवा. दलालांचा वावर असल्यामुळे आपण महापालिकेत बसत नाही असे विधान केल्यानंतर आता आयुक्‍त निपूण राजकारणी आणि सर्वसामान्य नागरीक अशा दोघांच्याही डोळ्यावर आले आहेत. महापालिकेत दलालांचे राज्य कुणाच्या आर्शिवादाने चालते हे सांगण्यासाठी कुण्या ज्योतीषाची गरज नाही.

Want to stay updated ?

x

Download our Android app and stay updated with the latest happenings!!!


90K+ people are using this