facebook pixel
chevron_right Top
transparent
फेसबुक पोस्टवरून वाद, मुंबईत काँग्रेस कार्यकर्त्याची हत्या
सोशल मीडियावरील पोस्टवर झालेल्या वादातून एका काँग्रेस कार्यकर्त्याची हत्या करण्यात आली आहे. मनोज दुबे असं हत्या करण्यात आलेल्या काँग्रेस कार्यकर्त्याचं नाव आहे. असल्फा मेट्रो स्टेशनबाहेर रात्री दीडच्या सुमारास हा धक्कादायक प्रकार घडला. चांदीवली विधानसभा येथील विकासाबाबत भाजपच्या कार्यकर्त्याने फेसबुकवर एक पोस्ट लिहिली होती. याच पोस्टवर काँग्रेस आणि भाजपचे कार्यकर्ते भिडले. हा वाद इतका चिघळला की रात्री दीड वाजण्याच्या सुमारास मनोज दुबे याला चार ते पाच मारेकऱ्यांनी गाठले. आधी त्यांच्यात शाब्दिक बाचाबाची झाली. मात्र नंतर याचं रूपांतर हाणामारीत झालं.
रणवीर-दीपिकाने लग्नासाठी 15 नोव्हेंबर हा दिवस का निवडला?
अभिनेत्री दीपिका पदुकोण आणि अभिनेता रणवीर सिंह हे बॉलिवूडमधलं क्युट कपल लवकरच लगीनगाठ बांधणार आहे. दीपिका आणि रणवीर दोघांनीही त्यांच्या ट्विटर अकाऊंवर आपल्या लग्नाची पत्रिका शेअर केली आहे. येत्या 14 आणि 15 नोव्हेंबरला दोघे लग्नाच्या बंधनात अडकणार आहेत. मात्र रणवीर आणि दीपिका यांनी लग्नासाठी हीच तारीख का निवडली असा प्रश्न अनेकांना पडला असेल. या दिवशी काहीतरी खास असेल याचाही शोध अनेकांकडून सुरू आहे. रणवीर आणि दीपिका गेल्या पाच वर्षांपासून एकमेकांना डेट करत आहेत.
यवतमाळमधील नरभक्षक वाघीण पकडण्याच्या प्रयत्नांना आणखी एक धक्का
T 1 वाघिणीची राळेगाव मोहादा भागातील साधारण 18 गावात दहशत आहे. या वाघिणीला जेरबंद करण्यासाठी आणलेल्या हत्तीने धुमाकूळ घातला आणि तो प्रयत्न अयशस्वी ठरला. पॉवर पॅरा मोटर खड्ड्यात गेले, त्यामुळे ते आता नादुरुस्त झाले आहे. विशेष म्हणजे भारताचे प्रसिद्ध गोल्फर ज्योती रंधावा हे सुद्धा त्यांचे प्रत्येकी 6 लाख किमतीचे केन कोर्स जातीचे दोन इटालियन श्वान घेऊन या भागात वाघीण जेरबंद करण्याच्या दृष्टीने दाखल झाले होते. मात्र तेही आता परत गेले असल्याने या मोहिमेला धक्का बसला आहे.
अश्विनी बिद्रे हत्या : वस्तूंची पुन्हा फॉरेन्सिक तपासणी करणार
यापूर्वी शासकीय फॉरेन्सिक लॅबमध्ये झाली होती. मात्र तपासणीत सर्व पुराव्यांची तपासणी निगेटिव्ह आल्याने पुन्हा खासगी लॅबमध्ये तपासणी करण्याचा निर्णय घेण्यात आला आहे. महत्त्वाचं म्हणजे, तपासणीसाठी अश्विनी बिद्रे यांच्या लहान मुलीच्या रक्ताचे नमुनेही घेण्यात येणार आहेत. नेमकं काय प्रकरण आहे?. 15 एप्रिल 2016 पासून अश्विनी बिद्रे उर्फ अश्विनी राजू गोरे या नवी मुंबईतील कळंबोलीतून बेपत्ता झाल्या होत्या. त्या बेपत्ता झाल्या नसून वरिष्ठ पोलिस अधिकारी अभय कुरुंदकर यांनी बिद्रेंना बेपत्ता केल्याचा आरोप कुटुंबाने केला होता.
देशातील 'या' राज्यात पेट्रोलपेक्षा डिझेल महाग
सध्या पेट्रोल-डिझेलच्या किंमतींनी उच्चांक गाठल्याने सर्वसामान्य त्रस्त असतानाच ओडिशामध्ये पेट्रोलपेक्षा डिझेल महाग झाले आहे. भारतात पेट्रोलच्या तुलनेत डिझेल नेहमीच स्वस्त असते पण ओडिशा हे एकमेव राज्य अपवाद ठरले आहे. ओडिशामधील सत्ताधारी बिजू जनता दल आणि विरोधी पक्षात असलेल्या काँग्रेसने डिझेलच्या या दरवाढीसाठी केंद्र सरकारच्या चुकीच्या धोरणांना जबाबदार धरले आहे. आजही देशभरात पेट्रोल-डिझेलच्या किंमतीत कपात झाली आहे. पण ओडिशातील भुवनेश्वरमध्ये पेट्रोलच्या तुलनेत प्रतिलिटर डिझेलसाठी १३ पैसे जास्त मोजावे लागत आहे. सोमवारी भुवनेश्वरमध्ये प्रतिलिटर पेट्रोलचा दर ८०.२७ पैसे आहे तर प्रतिलिटर डिझेलसाठी ८०.४० पैसे मोजावे लागत आहेत.
सुभाषचंद्र बोस अखंड भारताचे पहिले पंतप्रधान-Maharashtra Times
नेताजी सुभाषचंद्र बोस अखंड भारताचे पहिले पंतप्रधान होते तर पं जवाहरलाल नेहरू खंडित भारताचे पहिले पंतप्रधान होते असा खुलासा सुभाषचंद्र बोसांचे वंशज आणि भाजप नेते चंद्रकुमार बोस यांनी केला आहे. काँग्रेसने स्वातंत्र्ययुद्धाचा खरा इतिहास कधीच पुढे येऊ दिला नाही असा आरोपही त्यांनी केला आहे. आझाद हिंद सेनेला २१ ऑक्टोबर २०१८ला ७५ वर्ष पूर्ण झाले. यानिमित्ताने लाल किल्ल्यावर चंद्रकुमार बोस यांच्याहस्ते तिरंगा फडकवण्यात आल्या. यावेळी त्यांनी काँग्रेसवर सडकून टीका केली.
जम्मू-काश्मीरमध्ये अतिरेक्यांच्या चकमकीत जवान शहीद-Maharashtra Times
जम्मू-काश्मीरच्या पुलवामा जिल्ह्यातील त्रालच्या मिदुरा येथे रविवारी दहशतवाद्यांबरोबर झालेल्या चकमकीत जखमी झालेला एक जवान शहीद झाला आहे. तर काल सुंदरबनी येथे दहशतवादी आणि अतिरेक्यांदरम्यान झालेल्या चकमकीत तीन जवान शहीद झाले होते. रविवारी कुलगाम जिल्ह्यातही अतिरेकी आणि सुरक्षा दलादरम्यान झालेल्या चकमकीत तीन अतिरेक्यांना कंठस्नान घालण्यात जवानांना यश आले होते. यावेळी झालेल्या स्फोटात सात नागरिकही ठार झाले होते. सुरक्षादलाने एका गावाला घेराबंदी घातल्यानंतर चकमक सुरू झाली होती. या हल्ल्यात मारले गेलेले तिन्ही अतिरेकी जैश-ए-मोहम्मद या अतिरेकी संघटनेचे असल्याचं सूत्रांनी सांगितलं.
मॉर्निंग बुलेटिन : पाच महत्त्वाच्या बातम्या
रक्ताळलेल्या 'अच्छे दिना'च्या करुण किंकाळ्याच : शिवसेना. अमृतसरमधील रेल्वे दुर्घटनेवरुन शिवसेनेने मोदी सरकारवर टीकास्त्र सोडले आहे. अमृतसरच्या रेल्वे रुळांवर जे घडले, त्या रक्ताळलेल्या 'अच्छे दिना'च्या करुण किंकाळ्याच होत्या. या दुर्घटनेत रावणाची भूमिका करणाऱ्या कलाकाराचाही मृत्यू झाला. पण त्याने अनेकांचे प्राण वाचवले. रावणाने पत्करलेल्या हौतात्म्याची तरी कदर ठेवा, असे शिवसेनेने म्हटले आहे. वाचा सविस्तर : २. विजय मल्ल्याची लंडनमधील हवेली जप्त होणार ?. भारतीय बँकांचे ९ हजार कोटी रुपयांचे कर्ज बुडवून विदेशात पसार झालेला मद्यसम्राट विजय मल्ल्या याच्या लंडनमधील हवेलीवर लवकरच टांच येणार आहे.
सीबीआयचा स्वतःच्याच विशेष संचालकांवर भ्रष्टाचार गुन्हा दाखल
देशातील सर्वात मोठ्या आणि महत्वाच्या चौकशी व्यवस्थेला अर्थात सीबीआयला भ्रष्टाचारानं किती पोखरून काढलंय याचं ढळढळीत उदाहरण पुन्हा एकदा समोर आलंय. सीबीआयनं स्वतःच सीबीआयचे विशेष संचालक राकेश अस्थाना यांच्यावर भ्रष्टाचार निर्मूलन कायद्यांतर्गत गुन्हे दाखल केले आहे. अस्थाना हे सीबीआय प्रमुख आलोक वर्मा यांच्या नंतरचे सर्वात मोठे अधिकारी आहेत. विशेष म्हणजे अस्थाना यांनी दोन महिन्यांपूर्वी, केंद्रीय कॅबिनेट सचिवांना पत्र लिहून सीबीआयचे प्रमुख आलोक वर्मा यांनी २ कोटी रुपयांची लाच घेतल्याचा आरोप केला होता. सध्या केंद्रीय दक्षता आयोग सीबीआय प्रमुखांची चौकशी करत आहे.
नगर-पुणे मार्गावर भीषण अपघात, आठ जणांचा जागीच मृत्यू
औरंगाबादहून पुण्याला जाणाऱ्या खाजगी बसने उभ्या असलेल्या ट्रकला धडक दिली. ड्रायव्हरचा बसवरील ताबा सुटल्याने अपघात झाला. पहाटे सहा वाजताच्या सुमारास ही घटना घडली. घटनेची माहिती मिळताच पोलिसांनी घटनास्थळी धाव घेत बचावकार्य सुरु केलं. या अपघातामध्ये जखमींची संख्या अद्याप समजू शकलेली नाही. पण आठ जणांचा जागीच मृत्यू झाल्याची माहिती मिळाली आहे. अहमदनगर : भीषण अपघातात आठ जणांचा जागीच मृत्यू झाल्याची घटना अहमदनगर - पुणे मार्गावर घडली आहे. अहमदनगर-पुणे मार्गावर वाडेगव्हाणजवळील ही घटना आहे, ज्यात आठ जणांचा जागीच मृत्यू झाला.
यूपी विधानपरिषद सभापतींच्या मुलाचा संशयास्पद मृत्यू, आईला अटक
हत्येचा आरोप आई मीरा यादव यांच्यावर केला जात आहे. पोलिसांनी गुन्हा दाखल करत आईला अटक केली आहे. तर मीरा यादव यांनी पती रमेश यादव यांच्यावरच हत्येचा आरोप केला आहे. पोलीस सूत्रांच्या मते, आरोपी आईने सांगितलं, की मृत अभिजित मद्यधुंद अस्थेत राडा करायचा आणि मृत्यूपूर्वीही त्याने आईला मारहाण केली होती. विधानपरिषदेचे सभापती रमेश यादव यांचे दोन लग्न झालेले आहेत. पहिली पत्नी प्रेमा देवी आहे, ज्या एटा जिल्ह्यात राहतात. त्यांचा मुलगा आशिष एटा सदरमधून आमदार होता.
अमृतसर अपघात : ट्रेन चालकाने आपत्कालीन ब्रेक दाबल्याचा दावा खोटा!
सामना ऑनलाईन । नवी दिल्ली/अमृतसर. मानावाला आणि अमृतसरदरम्यान रावण दहनाच्या कार्यक्रमाप्रसंगी घडलेल्या भीषण दुर्घटनेचे प्रत्यक्ष साक्षीदार असलेल्या गावकऱ्यांनी ट्रेन चालकाचा आपण ट्रॅकवर गर्दी पाहताच आपत्कालीन ब्रेक दाबून गाडी थांबवण्याचा प्रयत्न केला होता, पण संतप्त जमावाने दगडफेक केल्यामुळे पुन्हा गाडीचा वेग वाढवला हा दावा फेटाळून लावला आहे. कालच्या भीषण रेल्वे दुर्घटनेत 62 जणांचा बळी गेला आहे. या अपघाताचा प्रत्यक्ष साक्षीदार नगरसेवक शैलेंदर सिंग (46) म्हणाला की ट्रेन ड्रायव्हर खोटे बोलतोय. त्याने गर्दी बघून गाडीचा वेग कमी केलाच नव्हता. ट्रेनच्या चाकाखाली अनेक ग्रामस्थ चिरडले गेले होते.
पेट्रोल आणि डिझेलचे भाव घसरले
पेट्रोल ३० पैसे डिझेल २८ पैसे स्वस्त झालंय. आंतरराष्ट्रीय बाजारात कच्च्या तेलाचे दर सातत्यानं कमी होत असल्यानं देशांतर्गत तेल कंपन्या दरांमध्ये कपात करत आहेत. कच्च्या तेलाचे भाव घसरत असले तरी डॉलरच्या तुलनेत रुपयाची घसरण मात्र थांबलेली नाही. त्यामुळे पेट्रोल आणि डिझेलच्या दरकपातीला मर्यादा येत आहेत. रुपयाची स्थिती सुधारावी यासाठी केंद्र सरकरानं गेल्या काही दिवसात अनेक पावलं उचलली आहेत. पण त्याचा परिणाम दिसण्यासाठी किमान महिन्याभराची वाट बघावी लागणार आहे.
अहमदनगर -पुणे मार्गावर भीषण अपघात, 8 जण ठार
अहमदनगर -पुणे मार्गावर भीषण अपघात झाला आहे. या अपघातात 8 जणांचा जागीच मृत्यू झाला. पारनेर तालुक्यातील वाडेगव्हाण फाटा इथं पहाटे साडेपाच वाजता हा अपघात घडला. बस चालकाचं नियंत्रण सुटल्याने हा अपघात झाला आहे. औरंगाबादहून पुण्याकडे जाणाऱ्या बसने उभ्या असलेल्या ट्रकला जोरदार धडक दिल्याने हा अपघात झाला. ट्रकला धडक बसल्यानंतर बसमधील अनेकजण जखमी झाले. जबर मार लागल्याने चालकासह इतर सात जणांचा जागीच मृत्यू झाला. अपघात घडल्यानंतर काही वेळातच पोलीस तिथं हजर झाले. पण पहाटेच्या सुमारास हा अपघात घडल्याने जखमींना तातडीने मदत मिळू शकली नाही.
फेसबुकच्या वादातून काँग्रेस कार्यकर्त्याची हत्या-Maharashtra Times
फेसबुक पोस्टवरील वादातून काँग्रेस कार्यकर्त्याची हत्या केल्याची धक्कादायक घटना घाटकोपरमध्ये घडलीय. घाटकोपरमधील असल्फा विभागात मध्यरात्री मनोज दुबे यांची हत्या करण्यात आली. या प्रकरणी साकीनाका पोलिसांनी भाजप युवा मोर्चाच्या काही कार्यकर्त्यांना अटक केली आहे. काँग्रेस आमदार नसीम खान यांच्यावर टीका करणारी पोस्ट फेसबुकवर शेअर करण्यात आली. या पोस्टवरील कमेंट्सवरून वादाला तोंड फुटलं. या वादातून मनोज दुबे यांची हत्या करण्यात आली. मध्यरात्री अडीच वाजताच्या सुमारास दुबे यांच्यावर तलवारीने वार करण्यात आले. त्यांना जखमी अवस्थेत राजावाडी रुग्णालयात दाखल करण्यात आले परंतु तिथे डॉक्टरांनी त्यांना मृत घोषित केले.
एका कुटुंबासाठी अन्य नेत्यांचे योगदान नाकारले गेले
सामना ऑनलाईन । नवी दिल्ली देशाच्या स्वातंत्र्यासाठी अनेक नेत्यांनी आपले आयुष्य वेचले, पण केवळ एकाच कुटुंबाला स्वातंत्र्यलढय़ाचे श्रेय देताना सरदार वल्लभभाई पटेल, 'भारतरत्न' डॉ. बाबासाहेब आंबेडकर आणि नेताजी सुभाषचंद्र बोस यांचे योगदान नाकारण्याचा कोतेपणा देशावर सत्ता गाजवणाऱया सत्ताधीशांनी दाखवला, अशा शब्दांत पंतप्रधान नरेंद्र मोदी यांनी आज नाव न घेता नेहरू-गांधी घराण्यांवर टीकेची तोफ डागली. आझाद हिंद सेनेला 75 वर्षे पूर्ण झाल्यानिमित्त आयोजित करण्यात आलेल्या कार्यक्रमात पंतप्रधान नरेंद्र मोदी यांनी काँग्रेसवर जोरदार हल्ला चढवला.
अहमदनगर-पुणे महामार्गावर भीषण अपघातात ५ ठार-Maharashtra Times
औरंगाबादहून पुण्याला जात असलेल्या खासगी बसने ट्रकला धडक दिल्याने झालेल्या भीषण अपघातात ५ प्रवासी जागीच ठार झाले. अहमदनगर- पुणे महामार्गावर आज पहाटे हा अपघात झाला असून पोलिसांनी घटनास्थळी धाव घेऊन मदत कार्यास सुरुवात केली आहे. नगर-पुणे महामार्गावर राळेगणसिद्धी फाट्यावर आज पहाटे सहाच्या सुमारास हा अपघात झाला. औरंगाबादहून पुण्याला जाणाऱ्या खासगी बसने रस्त्याच्या बाजूला उभ्या असलेल्या ट्रकला जोरदार धडक दिली. हा अपघात प्रचंड भीषण होता. भरधाव बसची धडक बसताच ट्रक उलटला. त्यामुळे बसमधील आठ प्रवासी जागीच ठार झाले.
फेसबुक पोस्टवरुन वाद, मुंबईत काँग्रेस कार्यकर्त्याची हत्या
घाटकोपरमधील असल्फा विभागात काल रात्री अडीच वाजण्याच्या सुमारास काँग्रेस कार्यकर्ते मनोज दुबे यांची हत्या झाली. काल एका युवकाने काँग्रेस आमदार नसीम खान यांच्यावर टीका करणारी पोस्ट फेसबुकवर शेअर केली. या पोस्टवरुन फेसबुकवरच वाद सुरु झाला. त्यावरुन मनोज दुबे आणि त्याच्या ग्रुपमधील काही जणांनी टीका करणाऱ्याला समजावलं. मात्र त्यांच्यातील फेसबुकवरील वाद आणखीच वाढत गेला. त्यानंतर काल रात्री दीड वाजण्याच्या सुमारास मनोज दुबे यांची हत्या झाल्याची समोर आले. हत्येचा ज्यांच्यावर आरोप करण्यात आला आहे, ते सर्व भाजपचे कार्यकर्ते आहेत.
बसण्याच्या जागेवरुन राष्ट्रवादीच्या पदाधिकाऱ्यांमध्ये राडा
बैठकीत स्थानिक पदाधिकारी आणि राष्ट्रवादी विद्यार्थी काँग्रेसचे मुंबई अध्यक्ष अमित तिवारी यांच्यात शाब्दिक बाचाबाची झाली. त्यानंतर तिवारीला बाहेर काढण्यात आलं. काही वेळानं तिवारी आपल्या कार्यकर्त्यांसह बैठकस्थळी दाखल झाला आणि तोडफोड करत बैठक उधळून लावली. दरम्यान, अमित तिवारी विरोधात जातीवाचक शिविगाळ प्रकरणी अट्रॉसीटीचा गुन्हा दाखल करण्यात आलाय. मुंबईत राष्ट्रवादीची ताकद आधीच कमी पडत असल्याचे महापालिका निवडणुकीतल्या निकालावरुन दिसून आले आहे. अशात मुंबईत एकजुटीने काम करण्याची पक्षाला नितांत गरज असताना, पक्षातच दोन गट पाहायला मिळत आहेत.
गोंदियात लवकरच शासकीय सेंद्रिय धान्य खरेदी-विक्री केंद्र
अन्न व नागरी पुरवठा मंत्री गिरीश बापट यांनी याबाबत माहिती दिली. ते गोंदिया, भंडारा जिल्ह्यात शासकीय धान्य खरेदी केंद्र आणि राईस मिलर्सच्या बैठकीसाठी आले असताना बोलत होते. पूर्व विदर्भातील गोंदिया, भंडारा जिल्हा संपूर्ण महाराष्ट्रात धान उत्पादक जिल्हा म्हणून ओळखला जातो. एकट्या गोंदिया जिल्ह्यात जवळपास दीड लाख हेक्टर शेत जमिनीवर खरीप हंगामात धान पिकाची लागवड केली जाते. मात्र जिल्ह्यात धान पिकाचं विक्रमी उत्पादन होऊनही शेतकऱ्यांची आर्थिक स्थिती जशास तशी आहे.

Want to stay updated ?

x

Download our Android app and stay updated with the latest happenings!!!


90K+ people are using this