facebook pixel
chevron_right Business
transparent
సోమవారం డాలర్ తో పోల్చి చూస్తే రూపాయి క్షీణించింది.
సోమవారం నాడు డాలర్ తో పోల్చుకుంటే రూపాయి మారకం విలువ క్షీణించింది.ఉదయం 9.15 సమయంలో డాలర్ తో పోల్చి చూస్తే రూపాయి 73.36 వద్ద ట్రేడవుతోంది, హోమ్ కరెన్సీ 73.36 వద్ద ట్రేడ్ అవుతోంది.రూపాయి తన శుక్రవారం ముగింపు 73.33 తో పోలిస్తే 0.05% పడిపోయింది. రూపాయి సోమవారం 73.41 వద్ద ప్రారంభమైంది. 10 సంవత్సరాల ఈల్డ్ దిగుబడి 7.93% శాతంగా ఉన్నాయి, మునుపటి ముగింపు 7.922% వద్ద ఉంది. బాండ్ దిగుబడి మరియు ధరలు వ్యతిరేక దిశల్లో కదులుతాయి. బెంచ్మార్క్ సెన్సెక్స్ 0.80 శాతం లేదా 275.17 పాయింట్లు పెరిగి 34,590.80 పాయింట్లకు పెరిగింది. సంవత్సరంలో ఇది 0.76% పెరిగింది. ఈ ఏడాది ఇప్పటివరకూ రూపాయి విలువ 12.89 శాతం తగ్గింది.
జీఎస్‌పీసీని సగం ధరకే కొన్నాం..
బేసిన్‌ క్షేత్రంలో గుజరాత్‌ స్టేట్‌ పెట్రోలియం కార్పొరేషన్‌ (జీఎస్‌పీసీ) వాటాలు, హెచ్‌పీసీఎల్‌ కొనుగోలు డీల్స్‌ను ప్రభుత్వ రంగ దిగ్గజం ఓఎన్‌జీసీ మాజీ చైర్మన్‌ డీకే సరాఫ్‌ సమర్ధించుకున్నారు. కేజీ బేసిన్‌ క్షేత్రంలోని దీన్‌దయాళ్‌ బ్లాక్‌లో జీఎస్‌పీసీ వాటాలను మార్కెట్‌ రేటుకన్నా సగానికే కొనుగోలు చేసినట్లు వివరించారు. 20,000 కోట్లు పలుకుతుండగా, ఓఎన్‌జీసీ రూ. 8,000 కోట్లకే (1.2 బిలియన్‌ డాలర్లు) కొన్నట్లు పేర్కొన్నారు. దశాబ్దాలుగా చమురు, గ్యాస్‌ ఉత్పత్తి వ్యాపారంలో ఉన్న ఓఎన్‌జీసీ. సరైన అవకాశం లభించడంతోనే జీఎస్‌పీసీ ఈ నిర్ణయం తీసుకున్నట్లు వివరించారు. అలాగే, హెచ్‌పీసీఎల్‌లో మెజారిటీ వాటాల కొనుగోల వల్ల ఉత్పత్తి కంపెనీ ధరలపరంగా ఎదుర్కొనే రిస్కుల్లో కొంత భాగాన్ని హెడ్జింగ్‌ చేసుకునేందుకు వీలు లభించినట్లయిందని సరాఫ్‌ చెప్పారు.
బ్యాంకుల్లో తగ్గిన ఫండ్స్‌ పెట్టుబడులు
మార్కెట్లో కరెక్షన్‌ నేపథ్యంలో బ్యాంకింగ్‌ రంగ స్టాక్స్‌లో మ్యూచువల్‌ ఫండ్స్‌ పెట్టుబడులు సెప్టెంబర్‌లో 21,600 కోట్ల మేర తగ్గిపోయాయి. సెప్టెంబర్‌ చివరికి మ్యూచువల్‌ ఫండ్స్‌ పెట్టుబడులు రూ.1,88,620 కోట్లుగా ఉన్నాయి. అంతకుముందు నెల ఆగస్టు నాటికి రూ.2,10,251 కోట్లుగా ఉండటం గమనార్హం. జూన్‌ నుంచి చూసుకుంటే ఇదే తక్కువ. జూన్‌లో బ్యాంక్‌స్టాక్స్‌లో ఫండ్స్‌ పెట్టుబడులు 1.87 లక్షల కోట్లుగా ఉండటం గమనార్హం. శాతం వారీగా చూసుకుంటే ఫండ్స్‌ మొత్తం పెట్టుబడుల్లో బ్యాంకింగ్‌ రంగంలో ఎక్స్‌పోజర్‌ సెప్టెంబర్‌ నాటికి 19.78 శాతంగా ఉంది. మ్యూచువల్‌ ఫండ్స్‌ పథకాలు పెట్టుబడుల తగ్గింపు కంటే మార్కెట్‌ కరెక్షన్‌ కారణంగానే పెట్టుబడుల శాతం ఎక్కువగా తగ్గినట్టు ఫండ్స్‌ఇండియా రీసెర్చ్‌ హెడ్‌ విద్యాబాల తెలిపారు. సెప్టెంబర్‌లో బీఎస్‌ఈ బ్యాంకెక్స్‌ 12 శాతం పడిపోయిన విషయం గమనార్హం.
జీఎస్‌టీ రిటర్నుల గడువు 25 వరకు పొడిగింపు
సెప్టెంబర్‌ నెలకు సంబంధించి జీఎస్‌టీ రిటర్నుల దాఖలు గడువును ఈ నెల 25 వరకు పొడిగిస్తూ కేంద్ర ఆర్థిక శాఖ నిర్ణయాన్ని వెలువరించింది. దీంతో 2017 జూలై-2018 మార్చి కాలానికి ఇన్‌పుట్‌ ట్యాక్స్‌ క్రెడిట్‌ పొందాలనుకునే వ్యాపార సంస్థలు ఈ నెల 25 వరకు క్లెయిమ్‌ చేసుకోవచ్చని తెలిపింది. ఇన్‌పుట్‌ ట్యాక్స్‌ క్రెడిట్‌కు సంబంధించి గడువు ఈ నెల 20వరకే ఉండటం పట్ల వాణిజ్య వర్గాలు ఆందోళన వ్యక్తం చేసినట్టు కేంద్ర ఆర్థిక శాఖ పరిధిలోని కేంద్ర పరోక్ష పన్నులు, సుంకాల మండలి (సీబీఐసీ) పేర్కొంది. ఈ నేపథ్యంలో సెప్టెంబర్‌ నెలకు సంబంధించి జీఎస్‌టీఆర్‌-3బి దాఖలు గడువును అక్టోబర్‌ 25వరకు పొడిగింపు ఇవ్వడం జరిగింది' అని సీబీఐసీ తెలిపింది.
ఈ పతనంలో ఏ ఫండ్స్‌లో ఇన్వెస్ట్‌ చేయాలి ?
ప్రస్తుతం స్టాక్‌ మార్కెట్‌ పతన బాటలో నడుస్తోంది కదా ! ఈ కరెక్షన్‌ నుంచి ప్రయోజనం పొందాలనుకుంటున్నాను. లక్ష వరకూ మ్యూచువల్‌ ఫండ్స్‌లో ఇన్వెస్ట్‌ చేయాలనుకుంటున్నాను. దీర్ఘకాలం పాటు ఈ ఇన్వెస్ట్‌మెంట్స్‌ను కొనసాగించాలన్నది నా ఆలోచన. నేను ఇన్వెస్ట్‌ చేయడానికి తగిన ఫండ్స్‌ను సూచించండి. ఇప్పుడు స్టాక్‌ మార్కెట్‌ నష్టాల్లో ఉంది కదాని ఇన్వెస్ట్‌మెంట్‌ చేయాలనుకోవడం మంచిదే. కానీ మరింతగా పడిపోదన్న గ్యారంటీ అయితే ఏమీ లేదు కదా ! అందుకని ఇన్వెస్ట్‌మెంట్స్‌కు సంబంధించి కొన్ని నియమాలను అందరూ పాటించాల్సి ఉంటుంది. మార్కెట్‌ పెరుగుతున్పప్పుడూ, పతనమవుతున్నప్పుడూ కూడా ఇన్వెస్ట్‌మెంట్స్‌ను కొనసాగించాలి. మీరు దీర్ఘకాలం పాటు మీ ఇన్వెస్ట్‌మెంట్స్‌ను కొనసాగించాలనుకుంటున్నారు. కాబట్టి, మీకు రెండు మార్గాలు సూచిస్తున్నాను.
సత్తా ఉన్న స్టాక్స్‌లో ఇన్వెస్టింగ్‌
ఇటీవలి మార్కెట్‌ కరెక్షన్‌లో అన్ని రకాల స్టాక్స్‌ దిద్దుబాటుకు గురయ్యాయి. దీర్ఘకాలం పాటు తమ పెట్టుబడులను ఈక్విటీ ఫండ్స్‌లో ఇన్వెస్ట్‌ చేయాలని భావించే వారి ముందు, స్టాక్స్‌ విలువలు పడిపోయిన ప్రస్తుత తరుణంలో చక్కని అవకాశాలు ఉన్నాయి. మంచి పనితీరుతో కూడిన వ్యాల్యూ ఫండ్స్‌ను ఎంచుకోవడమే ఇన్వెస్టర్లు చేయాల్సిన పని. ఆ విధంగా చూసినప్పుడు హెచ్‌డీఎఫ్‌సీ క్యాపిటల్‌ బిల్డర్‌ వ్యాల్యూ ఫండ్‌ ఒక ఎంపికగా పరిశీలించొచ్చు. విలువల పరంగా ఆకర్షణీయంగా ఉన్న స్టాక్స్‌లో ఈ పథకం ఇన్వెస్ట్‌ చేస్తుంది. ఈ పథకం రాబడులకు ప్రామాణిక సూచీ అయిన నిఫ్టీ 500 (టోటల్‌ రిటర్న్‌ ఇండెక్స్‌). కనీసం 50 శాతం నిధులను స్టాక్స్‌ సగటు విలువల కంటే తక్కువ (పీఈ/పీబీ)కు లభించే వాటిలో ఇన్వెస్ట్‌ చేస్తుంది.
గూగుల్‌నూ గుడ్డిగా నమ్మేయొద్దు
రామ్‌ ప్రకాశ్‌ ముంబై నివాసి. తన ఎంప్లాయీస్‌ ప్రావిడెంట్‌ ఫండ్‌ (ఈపీఎఫ్‌ఓ) నుంచి కొంత మొత్తాన్ని విత్‌ డ్రా చేయాలనుకున్నాడు. ఎవరిని సంప్రదించాలో తనకు తెలీదు. బాంద్రా ఈపీఎఫ్‌ఓ కాంటాక్ట్‌ వివరాల కోసం సెర్చ్‌ చేశాడు. దీపక్‌ శర్మ అనే ఓ పేరు. సరే!! గూగుల్‌ చెప్పింది కదా అని సంప్రదించాడు. విత్‌డ్రాయల్‌ ఫారం ఆన్‌లైన్లోనే జరిగిపోతుందంటూ రామ్‌ ప్రకాశ్‌ ఫోన్‌ నంబరు, ఖాతా నంబరు, బ్యాంకు ఖాతా నంబరు, ఆధార్, పాన్‌. కొన్ని చెప్పాక రామ్‌ప్రకాశ్‌కు అనుమానం వచ్చింది. తను నేరుగా విత్‌డ్రా ఫామ్‌పై సంతకం చేయకుండా అది ఎలా జరుగుతుందనే డౌటొచ్చింది. తరువాత బాంద్రా ఈపీఎఫ్‌ఓ ఆఫీసుకు వెళ్లి ఎంక్వయిరీ చేశాడు.
సిప్‌.. ఇప్పుడు ఆపొద్దు..!
సిస్టమ్యాటిక్‌ ఇన్వెస్ట్‌మెంట్‌ ప్లాన్‌ (సిప్‌/క్రమానుగత పెట్టుబడి ప్రణాళిక) ద్వారా మ్యూచువల్‌ ఫండ్స్‌లో ఇన్వెస్ట్‌ చేయడం ఇటీవలి కాలంలో బాగా ప్రాచుర్యం పొందింది. ప్రతీ నెలా రూ.5,000-7,000 కోట్ల వరకు సిప్‌ మార్గంలో ఈక్విటీ ఫండ్స్‌లోకి పెట్టుబడులు తరలిరావడం చూస్తున్నాం. సామాన్యుల నుంచి ఉన్నతాదాయ వర్గాల వారి వరకు అందరిలోనూ సిప్‌పై ఇటీవల అవగాహన విçస్తృతం అయింది. అయితే, తాజా మార్కెట్‌ క్రాష్‌లో ఈక్విటీ మ్యూచువల్‌ ఫండ్స్‌ రాబడులు ప్రతికూలం (మైనస్‌)గా మారాయి. దీన్ని చూసి సిప్‌ ఆపడం చేస్తే దానంత తప్పు నిర్ణయం మరొకటి ఉండదంటున్నారు నిపుణులు. అధిక చమురు ధరలు, రూపాయి భారీ పతనం, వాణిజ్య యుద్ధాల భయం ఇవన్నీ మార్కెట్లలో నష్టాలకు కారణమైతే. ఐఎల్‌ఎఫ్‌ఎస్‌ సంక్షోభం దరిమిలా మరిన్ని చెల్లింపుల వైఫల్యాలు ఎదురుకావచ్చన్న భయాలు ఇన్వెస్టర్లలో మొదలయ్యాయి.
బంగారం కంటే 'బాండ్లే' బెటర్‌!
బంగారం!! భారతీయ సంస్కృతి దీని చుట్టూ ఎంతలా అల్లుకుపోయిందో మాటల్లో చెప్పటం కష్టం. పిల్ల పెళ్లికోసం తను పుట్టినప్పటి నుంచే బంగారాన్ని కొనుగోలు చేసి కూడబెట్టడం మనకు కొత్తేమీ కాదు. అలాగే పెళ్లయినా, మరో కార్యక్రమమయినా బంగారాన్ని ధరించటమంటే స్టేటస్‌ సింబల్‌. ఎన్ని ఇబ్బందులొచ్చినా కొందరు ఇంట్లో ఉన్న బంగారం జోలికెళ్లరు. కొందరైతే బంగారాన్ని అవసరం కోసం వాడటం. మళ్లీ కొనటం చేస్తూనే ఉంటారు. రాబడుల పరంగా ఈ మధ్య వన్నె తగ్గిందనే చెప్పాలి. ఎందుకంటే అంతర్జాతీయంగా ధర పెరిగినా. ఇక్కడ రూపాయి అంతకన్నా ఎక్కువ పతనం కావటం ఒక కారణం. ఇక సాంకేతికాంశాలు, దానికున్న ప్రాధాన్యం దృష్ట్యా ఒక దశకు చేరాక మళ్లీ పతనం కావటం. కాకపోతే ఈక్విటీ మార్కెట్లు ప్రతికూల ఫలితాలను కూడా ఇస్తున్నాయి.
బిగిసిన బేర్స్ పట్టు
ఒక వారం విరామం తర్వాత స్టాక్‌మార్కెట్‌పై మరోసారి బేర్స్ పట్టు బిగించారు. ఎన్‌బీఎఫ్‌సీల లిక్విడిటీ సంక్షోభం మళ్లీ తెరపైకి రావడంతో మార్కెట్‌లో అమ్మకాల ఒత్తిడి పెరిగింది. రిలయన్స్ ఇండస్ట్రీస్ రిఫైనింగ్ మార్జిన్లు ప్రోత్సాహకరంగా లేకపోవడం కారణంగా రికార్డు స్థాయి లాభాలను ప్రకటించినప్పటికీ షేరు నాలుగు శాతంకు పైగా నష్టపోయింది. దీనికి తోడు నిఫ్టీలో హెవీవెయిట్ షేర్లలో అమ్మకాలు మార్కెట్‌ను కుంగదీశాయి. హౌజింగ్ ఫైనాన్స్ షేర్లలో పతనం మోతాదుకన్నా ఎక్కువగా ఉంది. బ్యాంకింగ్, ఆర్థిక సేవల కంపెనీలకు మొండి బకాయిల భారం పెరుగుతుందన్న వార్తలు కూడా ఈ షేర్లలో అమ్మకాల ఒత్తిడిని పెంచాయి. వీటన్నింటికితోడు ఎఫ్‌ఐఐల అమ్మకాల జోరు ఏమాత్రం తగ్గలేదు. అలాగే మ్యూచువల్ ఫండ్లు కూడా బ్యాంకింగ్ షేర్లలో హోల్డింగ్‌ను తగ్గించుకున్నాయన్న వార్తలు కూడా మార్కెట్ సెంటిమెంట్‌ను దెబ్బతీసాయి.
జీఎస్టీ రిటర్నుల గడువు
గత నెలకుగాను జీఎస్టీఆర్-3బీ రిటర్నుల గడువును మరో ఐదు రోజులు పెంచుతూ ఆర్థిక మంత్రిత్వ శాఖ నిర్ణయం తీసుకున్నది. దీంతో ఈ నెల 25 వరకు జీఎస్టీ రిటర్నులు దాఖలు చేసుకునే అవకాశం వ్యాపారవేత్తలకు లభించినట్లు అయింది. జూలై 2017 నుంచి మార్చి 2018 మధ్యకాలంలో తమ వ్యాపారాలపై ఇన్‌పుట్ ట్యాక్స్ క్రెడిట్(ఐటీసీ) ప్రయోజనం పొందే వ్యాపారవేత్తలు ఈ గురువారం వరకు అనుమతినిచ్చింది. గతంలో ఈ గడువు ఈ నెల 20 వరకు మాత్రమే ఉండటంతో వ్యాపారవేత్తలు ఆందోళన వ్యక్తంచేయడంతో ఆర్థిక మంత్రిత్వ శాఖ ఆధ్వర్యంలో నడుస్తున్న సెంట్రల్ బోర్డ్ ఆఫ్ ఇండైరెక్ట్ ట్యాక్సెస్ అండ్ కస్టమ్స్(సీబీఐసీ) ఈ నిర్ణయం తీసుకున్నది. గడిచిన నెలకుగాను జీఎస్టీఆర్-3బీ రిటర్నుల గడువును మరో ఐదు రోజులు పెంచుతున్నట్లు సీబీఐసీ ట్విట్టర్ ద్వారా వెల్లడించింది.
దిగొస్తున్న ఇంధన ధరలు
పెట్రోల్, డీజిల్ ధరలు ఆదివారం మరింత దిగొచ్చాయి. ఢిల్లీలో లీటర్ పెట్రోల్ ధర 25 పైసలు తగ్గి రూ.81.74 వద్ద, డీజిల్ ధర 17 పైసలు దిగి రూ.75.19 వద్ద ఉన్నాయి. హైదరాబాద్‌లో పెట్రోల్ రేటు 26 పైసలు పడిపోయి రూ.86.66 వద్ద, డీజిల్ 18 పైసలు దిగజారి రూ.81.79 వద్ద నిలిచాయి. ఇక నగరంలో గడిచిన నాలుగు రోజుల్లో పెట్రోల్ ధర లీటర్‌కు రూ.1.15, డీజిల్ ధర 54 పైసలు చొప్పున తగ్గాయి. అంతర్జాతీయ మార్కెట్‌లో ముడి చమురు ధరలు తగ్గుతుండటంతో చమురు మార్కెటింగ్ సంస్థలూ దేశీయ మార్కెట్‌లో ఇంధన ధరల్ని తగ్గిస్తూ వస్తున్నాయి. ఈ నెల 5 నుంచి 16 వరకు డీజిల్ ధర లీటర్‌పై రూ.2.74, పెట్రోల్ ధర రూ.1.33 మేర పెరిగిన విషయం తెలిసిందే.
జియో వేగం అదుర్స్
ఏప్రిల్-సెప్టెంబర్‌లో 4జీ డేటా డౌన్‌లోడ్ స్పీడ్ 20 ఎంబీపీఎస్. న్యూఢిల్లీ, అక్టోబర్ 21: ముకేశ్ అంబానీ సంచలన టెలికం సంస్థ రిలయన్స్ జియో. 4జీ డేటా డౌన్‌లోడ్ స్పీడ్‌లో దూసుకుపోతున్నది. ఈ ఆర్థిక సంవత్సరం (2018-19) ప్రథమార్ధంలో జియో తమ ప్రధాన ప్రత్యర్థులైన భారతీ ఎయిర్‌టెల్, వొడాఫోన్ ఇండియా, ఐడియా సెల్యులార్‌లను మించిన వేగాన్ని ప్రదర్శించింది. టెలికం రెగ్యులేటర్ ట్రాయ్ వివరాల ప్రకారం ఏప్రిల్‌లో జియో 4జీ డేటా వేగం 14.7 ఎంబీపీఎస్‌గా ఉంటే, మేలో 19 ఎంబీపీఎస్, జూన్‌లో 22.3 ఎంబీపీఎస్, జూలైలో 19.9 ఎంబీపీఎస్, ఆగస్టులో 22.3 ఎంబీపీఎస్, సెప్టెంబర్‌లో 20.6 ఎంబీపీఎస్‌గా ఉన్నది. ఈ ఆరు నెలల్లో ఒక్క ఎయిర్‌టెల్ మాత్రమే అదికూడా ఆగస్టులోనే 10 ఎంబీపీఎస్ మార్కును దాటింది.
ఐపీవోకి ముత్తూట్ మైక్రోఫిన్
స్టాక్ మార్కెట్ నియంత్రణ మండలి సెబీ నుంచి అనుమతిపొందిన ముత్తూట్ మైక్రోఫిన్ స్టాక్ మార్కెట్లో లిస్ట్ కావడానికి సిద్ధమవుతున్నది. షేర్లను విక్రయించడం ద్వారా రూ.1,000 కోట్ల వరకు నిధులను సేకరించాలనుకుంటున్నది సంస్థ. వచ్చే ఏడాది తొలి ఆరు నెలల్లో సంస్థ ఐపీవోకి రానున్నట్లు మార్కెట్ వర్గాల వెల్లడించాయి. ఇలా సేకరించిన నిధులను ఉత్తర భారతంలో వ్యాపారాన్ని విస్తరించడానికి వినియోగించనున్నట్లు తెలుస్తున్నది.
ఒకే వేదికపైకి ముకేశ్, సునీల్ మిట్టల్!
25న ప్రారంభమవనున్న ఇండియా మొబైల్ కాంగ్రెస్. న్యూఢిల్లీ, అక్టోబర్ 21: దేశంలో అతిపెద్ద టెలికం కంపెనీల అధిపతులు ఒకే వేదికను పంచుకోబోతున్నారు. ఈ నెల 25 నుంచి 27 వరకు ఢిల్లీలో జరుగనున్న ఇండియా మొబైల్ కాంగ్రెస్(ఐఎంసీ) సదస్సులో టెలికం సంస్థలు ఎదుర్కొంటున్న ప్రధాన సమస్యలపై కులంకుశకంగా చర్చించనున్నట్లు తెలుస్తున్నది. ఈ కార్యక్రమ ప్రారంభోత్సవానికి రిలయన్స్ జియో చైర్మన్ ముకేశ్ అంబానీ, భారతీ ఎయిర్‌టెల్ చైర్మన్ సునీల్ మిట్టల్ హాజరవుతున్నారు. వీరితోపాటు వొడాఫోన్ ఐడియా చైర్మన్ కుమార మంగళం బిర్లా కూడా హాజరయ్యే అవకాశాలున్నాయి. మూడు టెలికం దిగ్గజాల అధినేతలు ఈ కార్యక్రమంలో పాల్గొంటున్నారని ఇండస్ట్రీ బాడీ సీవోఏఐ డైరెక్టర్ జనరల్ రాజన్ ఎస్ మథ్యూ తెలిపారు.
నిపుణుల వేటలో కంపెనీలు
బహుళ నైపుణ్యం కలిగిన నిపుణుల కోసం ఆయా సంస్థలు గతేడాదితో పోల్చితే ఈ ఏడాది 20 శాతం ఎక్కువగా వెతుకుతున్నట్లు ఓ నివేదికలో తేలింది. ఫ్రంట్-ఎండ్, బ్యాక్-ఎండ్ విభాగాల్లో అద్భుతమైన ట్యాలెంట్‌ను ప్రదర్శించేవారికి డిమాండ్ పెరిగిందని బిలాంగ్ అనే హైరింగ్ సొల్యూషన్ ప్రొవైడర్ తెలియజేసింది. జెక్వెర్రీ, హెచ్‌టీఎంఎల్5, సీఎస్‌ఎస్, జావాస్క్రిప్ట్ వంటి ఫ్రంట్-ఎండ్, రూబీఆన్ రైల్స్, పైథాన్, జావా లేదా పీహెచ్‌పీతోపాటు ఎస్‌క్యూఎల్, మాంగోడీబీ తదితర మల్టీపుల్ డాటాబేసెస్ వంటి బ్యాక్-ఎండ్ విభాగాల్లో నిపుణులకు డిమాండ్ ఉందన్నది. బెంగళూరు, ఢిల్లీ ఎన్‌సీఆర్, పుణె, హైదరాబాద్ నగరాల్లోనే 65 శాతం ఆదరణ కనిపిస్తున్నదని పేర్కొన్నది.
హెచ్‌డీఎఫ్‌సీ బ్యాంక్‌ లాభం 5,006 కోట్లు
హెచ్‌డీఎఫ్‌సీ బ్యాంక్‌ నికర లాభం ప్రస్తుత ఆర్థిక సంవత్సరం రెండో త్రైమాసిక కాలంలో 21 శాతం పెరిగింది. గత ఆర్థిక సంవత్సరం జూలై-సెప్టెంబర్‌ క్వార్టర్లో రూ.4,151 కోట్లుగా ఉన్న నికర లాభం ఈ ఆర్థిక సంవత్సరం ఇదే క్వార్టర్లో రూ.5,006 కోట్లకు పెరిగిందని బ్యాంక్‌ తెలిపింది. నికర వడ్డీ ఆదాయం, ఇతర, నిర్వహణ ఆదాయాలు పెరగడంతో నికర లాభం ఈ స్థాయిలో పెరిగింది. కేటాయింపులు పెరగడం వల్ల లాభదాయకత తగ్గినట్లు తెలిపింది. నికర వడ్డీ ఆదాయం 21 శాతం వృద్ధితో రూ.11,763 కోట్లకు, ఇతర ఆదాయం 11 శాతం వృద్ధితో రూ.4,016 కోట్లకు పెరిగాయని, నికర వడ్డీ మార్జిన్‌ 4.1 శాతంగా ఉందని తెలిపింది. నిర్వహణ లాభం 21 శాతం పెరిగి రూ.9,480 కోట్లకు చేరాయి.
ఆర్సెలార్ చేతికి ఎస్సార్ స్టీల్!
తీవ్ర ఆర్థిక సంక్షోభంలో కూరుకుపోయిన ఎస్సార్ స్టీల్‌ను ప్రపంచంలో స్టీల్ తయారీలో అగ్రగామి సంస్థయైన ఆర్సెలార్ మిట్టల్ కైవసం చేసుకోబోతున్నది. ఇందుకు సంబంధించి జరిగిన వేలంపాటలో ఆర్సెలార్ మిట్టల్ ప్రతిపాదించిన రుణ పరిష్కార ప్రణాళికకు ఎస్సార్ స్టీల్ రుణదాతలు అంగీకారం తెలిపారు. ఇప్పటి వరకు వచ్చిన రుణ పరిష్కార ప్రణాళికల్లో ఇదే అతిపెద్దది కావడం విశేషం. ఈ బిడ్ విలువ రూ.42 వేల కోట్లు. ఎస్సార్ స్టీల్ కమిటీ ఆఫ్ క్రెడిటార్స్ ఇప్పుడు దీనికి నేషనల్ కంపెనీ లా ట్రిబ్యునల్ నుంచి ఆమోదముద్ర తెచ్చుకోవాల్సి ఉంది. ఇటీవల ఆర్సెలార్ మిట్టల్, వేదాంత గ్రూపులు రుణ ప్రణాళికను కమిటీ క్రెడిటార్స్(సీవోసీ) పరిశీలించింది. ఇప్పటి వరకు వచ్చిన బిడ్లలో ఈ రెండు కంపెనీలే తుదివరకు నిలిచాయి.
బెంగళూరులో బిట్‌కాయిన్ ఏటీఎం!
దేశంలోనే తొలిసారిగా ఏర్పాటు చేసిన యూనోకాయిన్. బెంగళూరు, అక్టోబర్ 20: క్రిప్టోకరెన్సీ ఎక్సేంజ్ యూనోకాయిన్. దేశంలోనే ఇది తొలి బిట్‌కాయిన్ ఏటీఎం కావడం గమనార్హం. దీన్ని బెంగళూరులోని ఓ మాల్‌లో యూనోకాయిన్ ఏర్పాటు చేసింది. క్రిప్టోకరెన్సీ లావాదేవీలను బ్యాంకులు, ఇతరత్రా ఆర్థిక సంస్థలు జరుపకుండా రిజర్వ్ బ్యాంక్ ఆఫ్ ఇండియా (ఆర్బీఐ) నిషేధం విధించిన నేపథ్యంలో యూనోకాయిన్ నుంచి బిట్‌కాయిన్ ఏటీఎం రావడం ప్రాధాన్యతను సంతరించుకున్నది. కాగా, చాలా దేశాల్లో ఈ తరహా ఏటీఎంలు ఇప్పటికే పెద్ద ఎత్తున పనిచేస్తున్నాయి. ఈ కియోస్క్ (ఏటీఎం)ను ఏటీఎం తయారీదారు ఎన్‌సీఆర్ రూపొందించింది. బ్యాంక్ ఏటీఎం మాదిరిగానే ఉంటుంది. కానీ డెబిట్/క్రెడిట్ కార్డులు వాడటానికి వీలుండదు.
తగ్గుతున్న పెట్రో భారం
పెట్రోల్, డీజిల్ ధరలు తగ్గుముఖం పట్టాయి. శనివారం ఢిల్లీలో లీటర్ పెట్రోల్ ధర 39 పైసలు పడిపోయి రూ.81.99 వద్ద, డీజిల్ 12 పైసలు తగ్గి రూ.75.36 వద్ద నిలిచాయి. హైదరాబాద్‌లో పెట్రోల్ రేటు 41 పైసలు దిగజారి రూ.86.92 వద్ద, డీజిల్ 13 పైసలు దిగివచ్చి రూ.81.97 వద్ద స్థిరపడ్డాయి. ముంబైలో లీటర్ పెట్రోల్ ధర 38 పైసలు తగ్గి రూ.87.46 వద్ద, డీజిల్ 13 పైసలు పడిపోయి రూ.79 వద్ద నిలిచాయి. అంతర్జాతీయ మార్కెట్‌లో ముడి చమురు ధరలు తగ్గుతుండటంతో చమురు మార్కెటింగ్ సంస్థలూ మూడు రోజుల నుంచి దేశీయ మార్కెట్‌లో ఇంధన ధరల్ని తగ్గిస్తూ వస్తున్నాయి. ఈ నెల 5 నుంచి డీజిల్ ధర లీటర్‌పై రూ.2.74 పెరిగింది.

Want to stay updated ?

x

Download our Android app and stay updated with the latest happenings!!!


90K+ people are using this