facebook pixel
chevron_right Politics
transparent
291వ రోజు ప్రారంభమైన ప్రజాసంకల్పయాత్ర
వైఎస్సార్సీపీ అధినేత వైఎస్‌ జగన్‌ మోహన్‌ రెడ్డి చేపట్టిన ప్రజాసంకల్పయాత్ర సోమవారం ఉదయం బొబ్బిలి నియోజకవర్గం రామభద్రపురం శివారు నుంచి ప్రారంభమైంది. వైఎస్‌ జగన్‌ రాకతో పాదయాత్ర సాగుతున్న మార్గంలో పండుగ వాతారణం నెలకొంది. ఎన్నాళ్లుగానో ఎదురు చూస్తున్న ఆ సంకల్ప సూరీడు రానున్నాడనీ. అందరీ జీవితాలకూ వెలుగులు తీసుకొచ్చేందుకు పాటుపడుతున్నాడనీ. ఆయన వస్తే గుండెల్లోని వేదన దింపుకోవచ్చునని గ్రామాల్లో జనం ఆరాట పడుతున్నారు. జననేత ఎప్పుడు తమ ప్రాంతానికి వస్తాడా అని ఎదురు చూస్తున్నారు. రామభద్రపురం శివారు నుంచి పాదయాత్ర తారాపురం, మిర్తివలస క్రాస్‌, కొట్టిక్కి జంక్షన్‌, జిన్నివలస క్రాస్‌ మీదుగా సాలూరు వరకు కొనసాగనుంది. సాయంత్రం సాలూరులో ఏర్పాటు చేసిన బహిరంగ సభలో వైఎస్‌ జగన్‌ ప్రసంగిస్తారు.
రోడ్డెక్కిన టీడీపీ తగాదాలు
పెందుర్తి మండలం చింతగట్ల తాజా మాజీ సర్పంచ్‌ గనిశెట్టి కొండమ్మ కుమారుడు గనిశెట్టి కనకరాజు, అతడి అనుచరులపై ప్రత్యర్థులు మూకుమ్మడి దాడికి పాల్పడ్డారు. ఈ దాడి నుంచి వారంతా తృటిలో త ప్పించుకున్నారు. ఆదివారం సాయంత్రం సబ్బ వరం మండలం అమృతపురం సమీపంలో నడిరోడ్డుపై జరిగిన ఈ ఘటన సంచలనం రేపింది. దాడికి గురైన వారు మాజీ ఎమ్మెల్యే, టీడీపీ నేత గండి బాబ్జీ అనుచరులు కాగా. తమపై దాడికి పాల్పడింది పెందుర్తి ఎమ్మెల్యే బండారు సత్యనారాయణమూర్తి అనుచరులని బాధితులు సబ్బవరం పోలీసులకు ఫిర్యాదు చేశారు. బాధితులు, ప్రత్యక్ష సాక్షులు, పోలీసుల కథనం ప్రకారం వివరాలు ఇలా ఉన్నాయి.
లిఫ్టు ఏర్పాటు చేస్తేనే.. ఓట్లేస్తాం!
సాగు నీరందించేందుకు లిఫ్టు ఏర్పాటు చేస్తేనే. ఈ ఎన్నికల్లో ఓట్లు వేస్తామని నల్లగొండ జిల్లా తిరుమలగిరి మండలంలోని 7 గ్రామాల ప్రజలు స్పష్టం చేశారు. ఆదివారం మండలంలోని నెల్లికల్, జాల్‌తండా, ఎర్రచెరువుతండా, పిల్లిగుండ్లతండా, సఫావత్తండా, చెంచో నితండా, మూలతండా గ్రామాల రైతులు రాజకీయపార్టీలకు అతీతంగా ఎన్నికలను బహిష్కరిస్తూ తీర్మానం చేశారు. ఆ ఏడు గ్రామాలకు సాగు నీరందించేలా ఎత్తిపోతల పథకాన్ని ఏర్పాటు చేస్తామని నాయకులు హామీలిస్తూ వస్తున్నారు. ఆ తర్వాత దీనిపై ప్రశ్నిస్తే పలు కారణాలు చెబుతూ దాటవేస్తున్నారు. 2011 సంవత్సరంలోనే నెల్లికల్‌ లిఫ్టు నిర్మాణానికి అప్పటి ఇరిగేషన్‌ శాఖ అధికారులు రూ.60 కోట్లతో ప్రతిపాదనలు సిద్ధం చేశారు. నాగార్జునసాగర్‌ ప్రాజెక్టు నుంచి నీటిని వాడుకోవడానికి ప్రభుత్వం కూడా అనుమతులిచ్చింది.
కాళేశ్వరం వ్యయం 80 వేల కోట్లే !
కాళేశ్వరం ఎత్తిపోతల పథకం నిర్మాణ వ్యయం రూ.లక్ష కోట్లకు పెరిగిందని ఏఐసీసీ అధ్యక్షుడు రాహుల్‌ గాంధీ చేసిన ఆరోపణలు పచ్చి అబద్ధమని, ఇది రాహుల్‌కి ప్రసంగం రాసిచ్చిన వారు చేసిన పొరపాటు అని ఆపద్ధర్మ మంత్రి కె.తారకరామారావు తప్పుపట్టారు. రూ.80,190 కోట్ల అంచనా వ్యయంతో కాళేశ్వరం ప్రాజెక్టు నిర్మాణానికి కేంద్ర జలవనరుల సంఘం ఆమోదం తెలుపుతూ జారీచేసిన లేఖను ట్వీటర్‌లో విడుదల చేస్తూ పై వ్యాఖ్యలు చేశారు. గత కాంగ్రెస్‌ ప్రభుత్వం రూ.38 వేల కోట్లతో చేపట్టిన ప్రాణహిత-చేవెళ్ల ఎత్తిపోతల పథకం పేరును ప్రస్తుత టీఆర్‌ఎస్‌ ప్రభుత్వం కాళేశ్వరం ప్రాజెక్టుగా మార్చి నిర్మాణ వ్యయాన్ని రూ.లక్ష కోట్లకు పెంచిందని శనివారం రాష్ట్రంలో నిర్వహించిన ఎన్నికల ప్రచారంలో రాహుల్‌ చేసిన ఆరోపణలపై కేటీఆర్‌ వరుస ట్వీట్లతో బదులిచ్చారు.
నేడు రాజకీయ పార్టీలతో ఈసీ బృందం ముఖాముఖి
రాష్ట్ర శాసనసభ ఎన్నికల నిర్వహణకు సంబంధించిన ఏర్పాట్లను సమీక్షించేందుకు కేంద్ర ఎన్నికల సంఘం చీఫ్‌ కమిషనర్‌ ఓం ప్రకాశ్‌ రావత్‌ నేతృత్వంలో ఎలక్షన్‌ కమిషనర్లు సునీల్‌ అరోరా, అశోక్‌ లావస బృందం సోమవారం రాష్ట్రానికి రానుంది. గుర్తింపు పొందిన రాజకీయ పార్టీలతో సోమవారం సాయంత్రం 5.30 నుంచి రాత్రి 7.30 గంటల వరకు ముఖాముఖి నిర్వహించి అభిప్రాయాలు సేకరించనుంది. సాయంత్రం 7.30 నుంచి 8.30 గంటల వరకు సీఈవో రజత్‌ కుమార్, పోలీసు విభాగం నోడల్‌ అధికారి, అదనపు డీజీ జితేందర్‌రెడ్డిలతో భేటీ అయి ఎన్నికల ఏర్పాట్లపై ఆరా తీయ నుంది. మంగళవారం ఉదయం 10 నుంచి సాయంత్రం 6 గంటల వరకు జిల్లా కలెక్టర్లు, ఎస్పీలు, డీఐజీలు, ఐజీలతో సమావేశమై ఎన్నికల ఏర్పాట్లపై సమీక్షించనుంది.
ఆ ఒక్క కుటుంబం కోసం..
గాంధీ కుటుంబం లక్ష్యంగా ప్రధాని నరేంద్ర మోదీ మరోసారి విమర్శలు ఎక్కుపెట్టారు. ఆ కుటుంబాన్ని కీర్తించడం కోసం స్వాతంత్య్ర పోరాటంలో సర్దార్‌ వల్లభాయ్‌ పటేల్, బీఆర్‌ అంబేడ్కర్, సుభాష్‌చంద్ర బోస్‌ లాంటి మహానుభావుల త్యాగాల్ని ఉద్దేశపూర్వకంగా విస్మరించారని ఆరోపించారు. ఈ దిగ్గజాలు పోషించిన చారిత్రక పాత్రను భారతీయులంతా తెలుసుకోవాల్సిన సమయం వచ్చిందన్నారు. నేతాజీ సుభాష్‌చంద్ర బోస్‌ ఆజాద్‌ హింద్‌ ప్రభుత్వాన్ని ఏర్పాటుచేసి 75 ఏళ్లు పూర్తయిన సందర్భంగా ఆదివారం ఎర్రకోటలో మోదీ జాతీయ పతాకాన్ని ఎగురవేసి, శిలాఫలకాన్ని ఆవిష్కరించారు. సుభాష్‌చంద్ర బోస్‌ అనుచరుల్లో ఒకరైన లాల్టిరామ్‌ బహూకరించిన టోపీ ధరించి మోదీ ఈ కార్యక్రమంలో పాల్గొన్నారు. ఆజాద్‌ హింద్‌ ఫౌజ్‌ సభ్యులు బ్రిటిష్‌ పాలకుల చేతిలో విచారణ ఎదుర్కొన్న ఎర్రకోటలోని జైలుగది సంఖ్య 3లో ఆ శిలాఫలకాన్ని ఏర్పాటుచేయనున్నారు.
ఏ కష్టమొచ్చినా పట్టించుకునే దిక్కులేదయ్యా..
ప్రజా సంకల్ప యాత్ర నుంచి సాక్షి ప్రత్యేక ప్రతినిధి: బతుకు భారమై పొట్ట చేత పట్టుకుని వలస పోయామని కొందరు. గూడు కట్టిన దైన్యంతో జీవనాన్ని సాగిస్తున్నా పట్టించుకునే దిక్కు లేదని మరికొందరు. ప్రజా సంక్షేమమే ధ్యేయమని చెబుతున్న పాలకుల మాటలు నమ్మి మోసపోయామని ఇంకొందరు. ప్రభుత్వ పథకాలన్నీ పాలకపక్షం వారికే దక్కుతున్నాయని నిరుపేదలు, ఆదివాసీలు. ఇలా వివిధ వర్గాల వారు నాలుగున్నరేళ్లుగా తీవ్ర ఇక్కట్లు పడుతున్నామని ప్రతిపక్ష నేత, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి ఎదుట గోడు వెళ్లబోసుకున్నారు. ప్రజా సంకల్ప యాత్రలో భాగంగా 290వ రోజు ఆదివారం వైఎస్‌ జగన్‌. విజయనగరం జిల్లా బొబ్బిలి నియోజకవర్గం పారాది నుంచి పాదయాత్ర ప్రారంభించారు.
చౌహాన్‌ చక్రం మళ్లీ తిరిగేనా?
వచ్చే నెల 28న మధ్యప్రదేశ్‌ శాసనసభకు ఎన్నికలు జరగనున్నాయి. ఇక్కడ ప్రధానంగా పోటీ రెండు జాతీయ పార్టీలైన బీజేపీ, కాంగ్రెస్‌ల మధ్యనే ఉండనుంది. ఓ వైపు 15 ఏళ్లుగా అధికారాన్ని అనుభవిస్తున్న బీజేపీ, మరోవైపు ఈసారి ఎలాగైనా అధికారంలోకి రావాలని ప్రణాళికలు రూపొందిస్తున్న కాంగ్రెస్‌ ఈ ఎన్నికల్లో గెలుపు కోసం తీవ్రంగా శ్రమిస్తున్నాయి. ప్రధాని మోదీ సొంత రాష్ట్రం గుజరాత్‌లో బీజేపీని దాదాపు ఓడించినంత పనిచేసిన కాంగ్రెస్‌. మధ్యప్రదేశ్‌లోనూ అదే హవా కొనసాగించి అధికారంలోకి రావడం ద్వారా వచ్చే ఏడాది జరిగే సాధారణ ఎన్నికల్లోనూ సత్తా చాటొచ్చని భావిస్తోంది. మరోవైపు సాధారణ ఎన్నికలు దాదాపు ఇంకో ఐదు నెలలే మిగిలి ఉన్నందున ఇప్పుడు మధ్యప్రదేశ్‌లో ఓటమి పాలైతే బీజేపీకి అదో గట్టి ఎదురుదెబ్బ.
రాహుల్‌ని తప్పుదారి పట్టించారు: గుత్తా
కాంగ్రెస్‌ అధినేత రాహుల్‌ గాంధీని తెలంగాణ కాంగ్రెస్‌ నేతలు తప్పుదారి పట్టించారని రాష్ట్ర రైతు సమన్వయ సమితి అధ్యక్షుడు, ఎంపీ గుత్తా సుఖేందర్‌రెడ్డి అన్నారు. ఆదివారం నల్లగొండలో తన నివాసంలో ఆయన విలేకరులతో మాట్లాడారు. రాహుల్‌ గాంధీ భైంసా, కామారెడ్డిలో మాట్లాడిన తీరు చూస్తే తెలంగాణ కాంగ్రెస్‌ నేతలు చెప్పిందే ఆయన మాట్లాడినట్లు తేలిందన్నారు. రాహుల్‌ ప్రసంగంలో పస లేదని ఎద్దేవా చేశారు. దేశంలో రైతులను ఆదుకోవడంలో సీఎం కేసీఆర్‌ దిక్సూచిగా నిలిచారన్నారు. గద్దర్‌ అంటే కవి, గాయకుడిగా తనకు ఎంతో గౌరవమన్నారు. కానీ ఆయన తన కుటుంబంతో వెళ్లి రాహుల్‌ గాంధీని కలిసి కుమారుడి కోసం టీఆర్‌ఎస్‌కు వ్యతిరేకంగా ప్రచారం చేస్తాననడం ఆత్మహత్యా సదృశం లాంటిదని విమర్శించారు. టీఆర్‌ఎస్‌ పాలనలో ఒక్క ఎన్‌కౌంటర్‌ జరగలేదన్నారు.
మొదటి నుంచి కేసీఆర్‌ వ్యతిరేకిని: తమ్మినేని
టీఆర్‌ఎస్‌ అధికారంలోకి వచ్చినప్పటి నుంచి సీఎం కేసీఆర్‌ను, ఆయన అనుసరిస్తున్న ప్రజావ్యతిరేక విధానాలను వ్యతిరేకిస్తూ వస్తున్నానని సీపీఎం రాష్ట్ర కార్యదర్శి తమ్మినేని వీరభద్రం అన్నారు. ఆదివారం యాదాద్రి భువనగిరి జిల్లా కేంద్రంలో ఆయన విలేకరులతో మాట్లాడారు. కొంగరకలాన్‌లో జరిగిన ప్రగతి నివేదన సభ అనంతరం టీఆర్‌ఎస్‌ పార్టీ ప్రచారం ఊపు తగ్గిందన్నారు. కాంగ్రెస్‌ పార్టీ అభ్యర్థుల జాబితా ప్రకటించేంత వరకే జోష్‌ కనిపిస్తుందని, ఆ తర్వాత వారి ప్రచారం ఊపు కూడా తగ్గిపోతుందన్నారు. బీఎల్‌ఎఫ్‌ ప్రమేయం లేకుండా ప్రభుత్వం ఉండదని, సీపీఐ మాతో కలిసి రాకపోవడం దురదృష్టకరమన్నారు. మహాకూటమి భ్రమలో సీపీఐ, జేఏసీ ఎందుకు ఉన్నారో వారికే తెలియడం లేదన్నారు.
'సోషల్‌ ఇంజనీరింగ్‌' జరగాల్సిందే!
దేశవ్యాప్తంగా రాజకీయాల్లో సోషల్‌ ఇంజనీరింగ్‌ జరగాల్సిన సమయం ఆసన్నమైందని బీసీ సంక్షేమ సంఘం జాతీయాధ్యక్షుడు ఆర్‌. ఎన్నికల్లో గెలిచేందుకు డబ్బు ఒక్కటే ప్రాతిపదిక కాకుండా. కుల బలం, జన బలం కూడా ముఖ్యమనే కీలకాంశాన్ని రాజకీయ పార్టీలు గుర్తించాలని ఆయన పేర్కొన్నారు. సోషల్‌ ఇంజనీరింగ్‌తోనే బీసీలు ఎదుర్కొంటున్న వివక్షను రూపుమాపవచ్చన్నారు. అప్పుడే వీరిలో ఆత్మవిశ్వాసం పెరుగుతుందన్నారు. ఈ విషయాన్ని బీసీలు కూడా అర్థం చేసుకోవాలని కృష్ణయ్య కోరారు. టీఆర్‌ఎస్‌ టికెట్ల కేటాయింపులో బీసీలకు అన్యాయం జరిగిందని, కాంగ్రెస్, బీజేపీలు కూడా తమ విధానాల్లో మార్పు చేసుకోవాలని ఆయన సూచించారు. తాను ఎల్బీనగర్‌ నుంచే పోటీచేయాలా. అని నిర్ణయించుకునేందుకు కొంత సమయం పడుతుందన్నారు. ఈసారి ఎన్నికలలో బీసీలు కీలకపాత్ర పోషించనున్నారన్న కృష్ణయ్య.
'గొంగిడి'కి నిరసన సెగ
యాదాద్రి భువనగిరి జిల్లా ఆలేరు తాజా మాజీ ఎమ్మెల్యే గొంగిడి సునీతకు టీఆర్‌ఎస్‌లోని అసంతృప్త వర్గం నుంచి నిరసన ఎదురైంది. ఆదివారం ఆలేరు నియోజకవర్గంలోని రాజాపేట మండలం చల్లూరు గ్రామానికి ఆమె ఎన్నికల ప్రచారానికి వెళ్లారు. ఈ క్రమంలో డప్పు వాయిద్యాలు నిర్వహిస్తున్న బొద్దు సురేశ్‌ ఎమ్మెల్యేకు అడ్డుగా ఉండటాన్ని గమనించి పక్కకు జరగమని ఓ వ్యక్తి అనడంతో గొడవ మొదలైంది. దీంతో అసంతృప్త వర్గానికి చెందిన కొందరు వ్యక్తులు కలుగజేసుకుని ఉద్యమ సమయం నుంచి టీఆర్‌ఎస్‌లో పనిచేస్తున్న నాయకులకు ప్రాధాన్యత ఇవ్వడం లేదని ఘర్షణకు దిగారు. దీంతో ఇరువర్గాల మధ్య తోపులాట జరిగింది. గొడవకు కారణమైన బొద్దు సురేశ్‌ను పోలీసులు అదుపులోకి తీసుకోవడంతో మనస్తాపానికి గురైన అతను ఒంటిపై పెట్రోల్‌ పోసుకోవటంతో వాతావరణం ఉద్రిక్తంగా మారింది.
తెలంగాణలో కేసీఆర్‌ అవినీతి పాలన
ఆదివారం మల్కాజిగిరిలో బీజేపీ మల్కాజిగిరి అసెంబ్లీ కన్వీనర్‌ శ్రీనివాస్‌ ముదిరాజ్‌ అధ్యక్షతన కార్యకర్తల సమావేశం జరిగింది. కార్యక్రమానికి ముఖ్యఅతిథిగా హాజరైన ఆయన మాట్లాడుతూ. నాలుగున్నరేళ్ల పాలనలో కేసీఆర్‌ కుటుంబమే బాగుపడిందని మండిపడ్డారు. అవినీతిలో తెలంగాణ దేశంలోనే రెండో స్థానంలో నిలిచిందన్నారు. బంగారు తెలంగాణ చేస్తానని హామీ ఇచ్చిన కేసీఆర్‌. తన కుటుంబాన్నే బంగారం చేసుకున్నారని మండిపడ్డారు. సచివాలయానికి వెళ్లకుండా ఇంటి నుంచే పాలన చేసిన కేసీఆర్‌కు ప్రజల కష్టాల గురించి ఏం తెలుస్తుందని వ్యాఖ్యానించారు. ఎంఐఎంతో కేసీఆర్‌ లోపాయికారి ఒప్పందం చేసుకున్నారని, కేసీఆర్‌కు ఓటు వేస్తే ఎంఐఎంకు వేసినట్లేనని అన్నారు. బీజేపీ మతతత్వ పార్టీ కాదని స్పష్టం చేశారు. కాంగ్రెస్‌ను ఓడించడానికి ఎన్టీఆర్‌ టీడీపీని స్థాపించారని, ఇప్పుడు అదే కాంగ్రెస్‌తో పొత్తు పెట్టుకుంటున్న టీడీపీని ప్రజలు నమ్మరని పేర్కొన్నారు.
బీసీలకు అన్యాయం చేస్తున్న పార్టీలు: జాజుల
రాబోయే అసెంబ్లీ ఎన్నికల్లో టికెట్ల కేటాయింపులో అన్ని రాజకీయ పార్టీలు బీసీలకు అన్యాయం చేస్తూ అగ్రవర్ణాలకే కొమ్ము కాస్తున్నాయని బీసీ సంక్షేమ సంఘం రాష్ట్ర అధ్యక్షుడు జాజుల శ్రీనివాస్‌గౌడ్‌ ఆరోపించారు. దోమలగూడలోని బీసీ భవన్‌లో ఆదివారం జరిగిన బీసీ సంఘాల కోర్‌ కమిటీ సమావేశంలో ఆయన మాట్లాడుతూ. టీఆర్‌ఎస్, కాంగ్రెస్, బీజేపీలు బీసీలను రాజకీయంగా అణిచివేస్తూ అగ్రవర్ణాలకు ప్రాధాన్యత ఇస్తున్నాయని విమర్శించారు. రెండు, మూడు రోజుల్లో హైదరాబాద్‌లో 112 కుల సంఘాల రాష్ట్ర అధ్యక్షులతో సమావేశం ఏర్పాటు చేసి కీలక నిర్ణయం తీసుకుంటామని చెప్పారు. సమావేశంలో బీసీ విద్యార్థి సంఘం అధ్యక్షుడు కుల్కచర్ల శ్రీనివాస్, బీసీ యువజన సంఘం అధ్యక్షుడు కనకాల శ్యాం, తదితరులు పాల్గొన్నారు.
24 నుంచి కాంగ్రెస్‌ మలివిడత ప్రచారం
కాంగ్రెస్‌ పార్టీ మలివిడత ఎన్నికల ప్రచారాన్ని ఈ నెల 24 నుంచి ప్రారంభించనుం ది. ఆదివారం హైదరాబాద్‌లోని గోల్కొండ హోటల్‌లో జరిగిన కాంగ్రెస్‌ ముఖ్య నేతల సమావేశంలో ఈ మేరకు నిర్ణయించారు. టీపీసీసీ ఎన్నికల ప్రచార కమిటీ చైర్మన్‌ మల్లు భట్టి విక్రమార్క అధ్యక్షతన జరిగిన సమావేశానికి టీపీసీసీ అధ్యక్షుడు ఉత్తమ్‌కుమార్‌రెడ్డి, రాష్ట్ర పార్టీ వ్యవహారా ల ఇన్‌చార్జి ఆర్సీ కుంతియా, కొప్పుల రాజు, విజయశాంతి, మాజీ మంత్రి డీకే అరుణ తదితరులు హాజరయ్యారు. పార్టీ ఎన్నికల ప్రచారం ఎప్పుడు ప్రారంభించాలి? మొదటి విడత ప్రచారం ఎలా సాగిందన్న దానిపై నేతలు చర్చిం చారు. ఇప్పటివరకు మహబూబ్‌నగర్‌ జిల్లాలో జరిగిన ఎన్నికల ప్రచారం చాలా బాగుందని, ఇదే ఒరవడిని కొనసాగించాలని నేతలు అభిప్రాయపడ్డారు.
మూడో వంతు సీట్లలో తిరుగుబావుటా!
మహాకూటమి ద్వారా అధికారంలోకి రావాలని ప్రయత్నిస్తున్న కాంగ్రెస్‌ పార్టీలో తుపాను ముందు ప్రశాంతత కనిపిస్తోంది. ఓ వైపు కూటమి పార్టీలతో పొత్తు విషయం కొలిక్కిరాక సతమతమవుతుంటే. మరోవైపు, ఎన్నికల బరిలో దిగడంపై కాంగ్రెస్‌ నేతల్లోనే తీవ్రమైన పోటీ నెలకొంది. పోటీ చేసే అభ్యర్థుల ఖరారు జాబితాలో వ్యూహాత్మకంగా వ్యవహరిస్తున్నామని ఏఐసీసీ, టీపీసీసీ పెద్దలు భావిస్తున్నప్పటికీ. తిరుగుబాటు తుట్టెను కదిపేందుకు ఆశావహులు సిద్ధమవుతున్నారు. క్షేత్రస్థాయిలో ఈ పరిస్థితులు స్పష్టంగా గోచరిస్తున్నాయి. ఒక్కసారి కాంగ్రెస్‌ పార్టీ అభ్యర్థుల ప్రకటన జరగడమే ఆలస్యం. రెబెల్స్‌గా పోటీచేసేందుకు, ఇతర పార్టీల్లోకి వెళ్లేందుకు. ఖరారైన అభ్యర్థులకు సహాయ నిరాకరణ చేసేందుకు ఆశావహులు సిద్ధమవుతున్నారు. దీంతో కాంగ్రెస్‌కు మున్ముందు ముసళ్ల పండుగ తప్పదనిపిస్తోంది. దాదాపు 30-40 నియోజకవర్గాల్లో ఈ పరిస్థితి ఉందని.
బీజేపీకి మజ్లిస్‌ పరోక్ష మద్దతు
ముస్లింల గొంతుకగా చెప్పుకునే ఎంఐఎం హిందుత్వ ఎజెండా అమలుకు ప్రయత్నిస్తున్న బీజేపీకి పరోక్ష మద్దతు ఇస్తోందని ఏఐసీసీ మైనారిటీ సెల్‌ చైర్మన్‌ నదీమ్‌ జావిద్‌ ఆరోపించారు. మహారాష్ట్ర, ఉత్తరప్రదేశ్, బిహార్‌ తదితర రాష్ట్రాల అసెంబ్లీ ఎన్నికల్లో ఎంఐఎం పోటీ చేసి ముస్లింల ఓట్లను చీల్చడం ద్వారా బీజేపీకి మేలు చేసిందని విమర్శించారు. మజ్లిస్‌ పోటీ చేసిన స్థానాల్లో రెండు వేల నుంచి ఎనిమిది వేల వరకు ఓట్లను మాత్రమే సాధించినప్పటికీ గెలుపు ఓటములపై తీవ్ర ప్రభావం చూపించిందన్నారు. రాష్ట్ర మైనారిటీ సెల్‌ చైర్మన్‌ అబ్దుల్‌ సోహెల్, మైనారిటీ కమిషన్‌ మాజీ చైర్మన్‌ అబీద్‌ రసూల్‌ఖాన్, మైనారిటీ నేత సిరాజ్‌ ఖాన్‌తో కలసి గాంధీభవన్‌లో జావిద్‌ ఆదివారం విలేకరులతో మాట్లాడారు. మజ్లిస్‌ పార్టీ బీజేపీతో అంతర్గతంగా కలిసి ఉందని ఆరోపించారు.
అది ఆత్మహత్యా సదృశమే!
సీపీఐకి రెండు, మూడు సీట్లా? అది పార్టీకి ఆత్మహత్యా సదృశమే. అవసరమనుకుంటే సొంతంగానే పోటీ చేద్దాం' అని సీపీఐ తెలంగాణ నిర్ణయించింది. సీపీఐ రాష్ట్ర కార్యవర్గం ఆదివారం మగ్దూం భవన్‌లో అత్యవసరంగా భేటీ అయింది. సీపీఐకి 2-3 సీట్లు ఇస్తామన్న కాంగ్రెస్‌ ప్రతిపాదనపై సభ్యులు తీవ్ర ఆందోళన వ్యక్తం చేశారు. ఇంత తక్కువ సీట్లు ఆఫర్‌ చేస్తే తిరస్కరించాలని మెజార్టీ సభ్యులు డిమాండ్‌ చేశారు. అవసరమైతే ఒంటరిగానే పోటీ చేయాలని సూచించారు. దీంతో ముఖ్యనేతలకు ఏం చేయాలో అర్థంగాని పరిస్థితి ఎదురైంది. కూనంనేని సాంబశిరావు అయితే సమావేశం మధ్యలోనుంచే అలిగి వెళ్లిపోయినట్లు సమాచారం. కాగా, కార్యవర్గంలోని సభ్యుల డిమాండ్‌తో సీపీఐ నేతలు సురవరం సుధాకర్‌రెడ్డి, చాడ వెంకటరెడ్డి కూడా ఏకీభవించారు. కాగా, తానేమీ అలిగి వెళ్లిపోలేదని సాంబశివరావు స్పష్టం చేశారు.
ఐదు జిల్లాల్లో క్లీన్‌స్వీప్‌..
ముందస్తు ఎన్నికల్లో టీఆర్‌ఎస్‌ చరిత్ర సృష్టించేలా ఘన విజయం సాధిస్తుందని సీఎం కేసీఆర్‌ ధీమా వ్యక్తం చేశారు. ఇప్పటికే అభ్యర్థులను ప్రకటించిన 105 సెగ్మెంట్లలో వంద సీట్లను గెలవబోతున్నామని. మరో 5 నియోజకవర్గాల్లో కాస్తంత పోటీ ఉందని పేర్కొన్నారు. పోలింగ్‌కు ఇంకా నెలన్నర ఉన్నందున ప్రణాళిక ప్రకారం ప్రచారం నిర్వహించాలని అభ్యర్థులకు దిశానిర్దేశం చేశారు. ప్రతి ఓటరును కలిసి టీఆర్‌ఎస్‌ ప్రభుత్వం చేసిన అభివృద్ధిని, అమలు చేసిన సంక్షేమ పథకాలను వివరించాలన్నారు. ఎన్నికల ప్రచార వ్యూహంపై టీఆర్‌ఎస్‌ ఎమ్మెల్యే అభ్యర్థులతో కేసీఆర్‌ తెలంగాణ భవన్‌లో ఆదివారం సమావేశమయ్యారు. రాష్ట్ర వ్యాప్తంగా ఇప్పటి వరకు జరిగిన ప్రచార సరళిని ఆయన సమీక్షించారు. ఉమ్మడి జిల్లాల వారీగా నియోజకవర్గాల్లోని పరిస్థితులను అభ్యర్థులతో పంచుకున్నారు. వారి అభిప్రాయాలనూ అడిగి తెలుసుకున్నారు.
కేసీఆర్‌ను తరిమి కొట్టే రోజులు దగ్గర్లోనే..
తెలంగాణలో రాజకీయ కక్షల సంస్కృతిని తీసుకొచ్చిన కేసీఆర్‌ను, ఆయన కుటుంబ సభ్యులను రోడ్లపై తరిమి కొట్టే రోజులు దగ్గర్లోనే ఉన్నాయని సంగారెడ్డి మాజీ ఎమ్మెల్యే జగ్గారెడ్డి హెచ్చరించారు. మానవ అక్రమ రవాణా కేసులో బెయిల్‌పై వచ్చిన ఆయన కోర్టు ఆదేశాల మేరకు ఆదివారం మార్కెట్‌ పోలీస్‌ స్టేషన్‌కు హాజరయ్యారు. ఈ సందర్భంగా ఆయన విలేకరులతో మాట్లాడుతూ. నాడు దృతరాష్ట్రుడు కళ్లు లేక పాలన చేస్తే నేడు కళ్లు ఉండి కేసీఆర్‌ దృతరాష్ట్ర పాలన కొనసాగిస్తున్నారని విమర్శించారు. నాలుగేళ్లుగా నియంత పాలన కొనసాగించిన కేసీఆర్, ఆయన కుటుంబ సభ్యులు మాట్లాడే వారి గొంతులు నొక్కుతున్నారని ఆరోపించారు. అసెంబ్లీ మొదలు ఆయనకు ఎవరు వ్యతిరేకంగా మాట్లాడినా వారిపై ఉక్కుపాదం మోపుతూ అణగదొక్కే ప్రయత్నం చేస్తున్నారని విమర్శించారు.

Want to stay updated ?

x

Download our Android app and stay updated with the latest happenings!!!


90K+ people are using this