facebook pixel
chevron_right Top
transparent
అలా అయితే భరణం అవసరం లేదు..
భార్య సంపాదిస్తుంటే ఆమెకు తన భర్త భరణం ఇవ్వాల్సిన అవసరం లేదని సెషన్స్‌ కోర్టు వెల్లడించింది. తన భార్యకు మెయింటెనెన్స్‌ కింద సొమ్ము ఇవ్వాలని మేజిస్ర్టేట్‌ కోర్టు జారీచేసిన ఉత్తర్వులను సవాల్‌ చేస్తూ భర్త దాఖలు చేసిన అప్పీల్‌పై ఎగువ కోర్టు ఈ మేరకు స్పష్టం చేసింది. భార్యకు తగినంత ఆదాయ వనరులుంటే ఆమెకు మధ్యంతర మెయింటెనెన్స్‌ ఇవ్వాల్సిన అవసరం లేదని పేర్కంది. భార్యతో విడిపోయిన నలసపోరాకు చెందిన 35 సంవత్సరాల వ్యక్తి దాఖలు చేసిన అప్పీల్‌పై సెషన్స్‌ కోర్టు ఈ ఉత్తర్వులు జారీ చేసింది.
సర్వేలన్నీ టీఆర్ఎస్ వైపే, నువ్వు గెలుస్తున్నావ్.. లక్కీ, అదే జగన్ కొంపముంచింది: కేసీఆర్ జాగ్రత్తలు
తాజాగా నిర్వహించిన సర్వేలో 82 స్థానాల్లో మనకే అనుకూలంగా ఉందని, నల్గొండ, గద్వాలలో మాత్రమే టీఆర్ఎస్‌కు, విపక్షాలకు సమాన ఓట్లు వస్తున్నాయని, మిగిలిన 30 చోట్ల కూడా మనదే విజయమని టీఆర్ఎస్ అధినేత కేసీఆర్ అన్నారు. ఆయన 105 మంది ఎమ్మెల్యేలతో ఆదివారం అవగాహన సదస్సు నిర్వహించారు. 100కు పైగా స్థానాల్లో మనమే గెలుస్తామన్నారు. కాంగ్రెస్ పార్టీకి చెందిన సిట్టింగులు కూడా ఓడిపోతారని జోస్యం చెప్పారు. తాను ప్రతి నియోజకవర్గంలోని బహిరంగ సభలో పాల్గొంటానని చెప్పారు. మన మేనిఫెస్టోకు మంచి స్పందన వస్తోందని చెప్పారు. జిల్లాల్లో మంత్రులు, ఎంపీలు అభ్యర్థుల గెలుపు బాధ్యతలను తీసుకోవాలని చెప్పారు. వందకు పైగా సీట్లు గెలిస్తేనే సార్థకత అని, అప్పుడే తెలంగాణ బలం దేశానికి తెలుస్తుందన్నారు.
నలుగురిపై కత్తితో దాడి: యువకుడు మృతి
నగరంలోని జవహార్‌నగర్ పరిధి యాప్రాల్‌లో దారుణ సంఘటన చోటు చేసుకుంది. యువకుల మధ్య ఘర్షణ చోటు చేసుకోవడంతో పరస్పరం దాడి చేసుకున్నారు. శ్రవణ్ అనే యువకుడు నలుగురు యువకులపై కత్తితో దాడి చేశాడు. ఘటనలో చెన్నారెడ్డి అనే యువకుడు మృతి చెందగా, మరో ముగ్గురు తీవ్రంగా గాయపడ్డారు. బాధితులను యశోదా ఆస్పత్రికి తరలించారు. కేసు నమోదు చేసుకున్న జవహర్‌నగర్ పోలీసులు దర్యాప్తు చేస్తున్నారు.
పండగ సెలవుల నుంచి పని బాట...అంతా ఒకేసారి రాక:ఎటు చూసినా జనంతో కిటకిట...ప్రయాణ కష్టాలు
బస్టాండ్ లు,రైల్వే స్టేషన్లు, విమానాశ్రయాలు ఏవి చూసినా. రోడ్ల మీద చూస్తే కనుచూపుమేరా బారులు తీరిన వాహనాల ప్రవాహాలే. ఇవీ ఇప్పుడు భారతదేశంలో దాదాపుగా ఎక్కడ చూసినా కనిపిస్తున్న దృశ్యాలు. హిందువుల అతిముఖ్యమైన పండుగల్లో ఒకటైన దసరా కు లభించే ప్రత్యేక సెలవుల సందర్భంగా కుటుంబాలతో సహా స్వస్థలాలకు విచ్చేసి. ఆ సెలవులు ముగిసాక తమ తమ ఆవాసాలకు తిరుగుముఖం పట్టిన ప్రయాణికులే వీళ్లంతా. ఈ క్రమంలో అంతా ఒకే సారి బయలుదేరిన తెలుగు రాష్ట్రాల ప్రయాణికులు ఎదుర్కొంటున్న అవస్థలపై ప్రత్యేక కథనం. మరింత సమాచారం కోసం ఇక్కడ క్లిక్ చేయండి హైదరాబాద్.
రాజధానిలో స్తంభించిన రవాణా..
దేశ రాజధాని ఢిల్లీలో ఆటోలు, ట్యాక్సీలు నిలిచిపోయాయి. ట్రక్‌ డ్రైవర్ల సమ్మెతో పాటు పెట్రోల్‌ డీలర్ల సమ్మెతో రవాణా వ్యవస్థపై పెను ప్రభావం చూపుతోంది. తమ డిమాండ్లను నెరవేర్చడంలో ప్రభుత్వం విఫలమవడంతో సోమవారం సమ్మెకు పిలుపు ఇచ్చామని ఆల్‌ ఇండియా టూర్‌ అండ్‌ ట్రాన్స్‌పోర్ట్‌ అసోసియేషన్‌ అధ్యక్షుడు ఇంద్రజిత్‌ సింగ్‌ తెలిపారు. ప్రభుత్వం చేపట్టిన తప్పుడు రవాణా విధానాలతో ఆటో రిక్షా, ట్యాక్సీ డ్రైవర్లు తమ ఉపాధిని కోల్పోతున్నారని, యాప్‌ ఆధారిత క్యాబ్‌ సేవలు తమ ఉపాధిని దెబ్బతీశాయని సింగ్‌ చెప్పారు.
ఐదోరోజు కొనసాగుతున్న పెట్రోల్, డీజిల్ ధరల్లో తగ్గుదల
వరుసగా ఐదోరోజు పెట్రోల్, డీజిల్ ధరలు తగ్గుదల కొనసాగింది. ఢిల్లీలో లీటర్ పెట్రోల్‌పై 30 పైసలు, డీజిల్‌పై 27పైసలు తగ్గింది. ఢిల్లీలో లీటర్ పెట్రోల్ ధర రూ.81.44, డీజిల్ రూ.74.92గా ఉంది. ముంబయిలో లీటర్ పెట్రోల్‌పై 30పైసలు, డీజిల్‌పై 20 పైసలు తగ్గింది. ముంబయిలో లీటర్ పెట్రోల్ ధర రూ.86.91, డీజిల్ రూ.78.54గా ఉంది. ఢిల్లీలో పెట్రోల్ బంకుల మూసివేతకు ఢిల్లీ పెట్రోల్ డీలర్ల అసోసియేషన్ పిలుపునిచ్చింది. ఈ రోజు ఉదయం 6 గంటల నుంచి రేపు ఉదయం 5 గంటల వరకు బంకులు మూసివేయనున్నారు. పెట్రోల్, డీజిల్‌పై వ్యాట్ తగ్గించాలని డీలర్లు డిమాండ్ చేస్తున్నారు.
అనుమానాస్పద స్థితిలో యూపీ మండలి చైర్మన్ కొడుకు మృతి
ఉత్తరప్రదేశ్ శాసనమండలి చైర్మన్ రమేశ్ యాదవ్ కుమారుడు అభిజిత్ యాదవ్(22) అనుమానాస్పద స్థితిలో మృతి చెందాడు. లక్నో పట్టణంలోని హజరత్ గంజ్‌లోని తన నివాసంలో శవమై కనిపించాడు. ఉదయం గుర్తించిన పని మనుషులు పోలీసులకు సమాచారం అందించారు. ఘటనా స్థలానికి చేరుకున్న పోలీసులు కేసు నమోదు చేసుకుని శవాన్ని పోస్టుమార్టం నిమిత్తం తరలించారు. తాడుతో గొంతుకు భిగించినట్లు ఉందని పోస్టుమార్టం ప్రాథమిక నివేదికలో తేలింది.
సీబీఐలో లంచం...దేశంలోనే సంచలనం:తమ అధికారి రాకేశ్‌ అస్థానాపైనే సిబిఐ ఎఫ్ఐఆర్ నమోదు
భారత దేశ చరిత్రలోనే ఇది ఒక సంచలనం. దేశంలో అవినీతి, అక్రమాలను వెలికితసి దర్యాప్తు జరిపే అత్యున్నత సంస్థ సీబీఐనే అత్యంత తీవ్రమైన అవినీతి ఆరోపణల్లో కూరుకుపోయింది. సీబీఐలో అత్యున్నత స్థాయి అధికారులు ఇద్దరు కరప్షన్ కేసులను కొట్టేయించేందుకు కోట్లాది రూపాయలు లంచం తీసుకున్నారనే ఆరోపణల నడుమ ఒక చివరకు ఒక సిబిఐ స్పెషల్ డైరెక్టర్ మీదే కేసు నమోదు కావడం సంచలనం సృష్టిస్తోంది. పైగా ఆ వ్యక్తిని ప్రధాని మోడీ గుజరాత్ నుంచి ఏరి కోరి తెచ్చి సిబిఐలో నంబర్ 2 స్థానంలో కూర్చోబెట్టిన అధికారి కావడమే పెనుదుమారం రేపుతోంది.
తిరుమలలో పెరిగిన భక్తుల రద్దీ
తిరుమల తిరుపతి దేవస్థానంలో భక్తుల రద్దీ పెరిగింది. శ్రీవారి సర్వదర్శనానికి 14 కంపార్ట్‌మెంట్లలో భక్తులు వేచి ఉన్నారు. శ్రీవారి సాధారణ సర్వదర్శనానికి 12 గంటలు, టైమ్‌స్లాట్ టోకెన్లు పొందిన భక్తులకు 3 గంటల సమయం పడుతోంది. నిన్న శ్రీవారిని 97,006 మంది భక్తులు దర్శించుకోగా, 35,462 మంది భక్తులు తలనీలాలు సమర్పించుకున్నారు. నిన్న శ్రీవారి హుండీ ఆదాయం రూ.
ప్రవర్తన మార్చుకోని నేరస్తులపై పీడీ యాక్ట్
అసెంబ్లీ ఎన్నికల నేపథ్యంలో ఆబ్కారీ నేరాలు పెరగకుండా కట్టడి చేసేందుకు అధికారులు సన్నద్ధమయ్యారు. నిబంధనలకు విరుద్ధంగా మద్యం విక్రయాలు, మాదక ద్రవ్యాలు తదితర వాటిపై ప్రత్యేక నిఘా పెట్టాలని రాష్ట్ర ఎన్నికల సంఘం జారీచేసిన ఉత్తర్వుల మేరకు నగర ఆబ్కారీ అధికారులు రంగంలోకి దిగారు. ఎన్నికల సందర్భంగా ఆబ్కారీ నేరాలను అరికట్టేందుకు ప్రత్యేక ప్రణాళికను రూపొందించినట్లు హైదరాబాద్ జిల్లా ప్రొహిబిషన్ అండ్ ఎక్సైజ్ డిప్యూటీ కమిషనర్ వివేకానందరెడ్డి తెలిపారు. ఎక్సైజ్ నేరాలను అరికట్టేందుకు నిరంతర నిఘా కొనసాగుతుందన్నారు. ఇందుకు సంబంధించిన ప్రణాళికను జిల్లాలోని హైదరాబాద్, సికింద్రాబాద్ యూనిట్లతో పాటు ఎన్‌ఫోర్స్‌మెంట్ విభాగాలకు జారీ చేసినట్లు వివరించారు. ఎన్నికల నియమావళి నేపథ్యంలో స్పెషల్ డ్రైవ్‌ను కూడా ఆదివారం నుంచి ప్రారంభించామన్నారు. ఈ డ్రైవ్‌లో తొలిరోజే 21కేసులు నమోదు చేసినట్లు డీసీ తెలిపారు.
ఈ నెల 25 వరకు జీఎస్టీ రిటర్నులు దాఖలు చేసుకునే అవకాశం
గత నెలకుగాను జీఎస్టీఆర్-3బీ రిటర్నుల గడువును మరో ఐదు రోజులు పెంచుతూ ఆర్థిక మంత్రిత్వ శాఖ నిర్ణయం తీసుకున్నది. జూలై 2017 నుంచి మార్చి 2018 మధ్యకాలంలో తమ వ్యాపారాలపై ఇన్‌పుట్ ట్యాక్స్ క్రెడిట్(ఐటీసీ) ప్రయోజనం పొందే వ్యాపారవేత్తలు ఈ గురువారం వరకు అనుమతినిచ్చింది. గతంలో ఈ గడువు ఈ నెల 20 వరకు మాత్రమే ఉండటంతో వ్యాపారవేత్తలు ఆందోళన వ్యక్తంచేయడంతో ఆర్థిక మంత్రిత్వ శాఖ ఆధ్వర్యంలో నడుస్తున్న సెంట్రల్ బోర్డ్ ఆఫ్ ఇండైరెక్ట్ ట్యాక్సెస్ అండ్ కస్టమ్స్(సీబీఐసీ) ఈ నిర్ణయం తీసుకున్నది. గడిచిన నెలకుగాను జీఎస్టీఆర్-3బీ రిటర్నుల గడువును మరో ఐదు రోజులు పెంచుతున్నట్లు సీబీఐసీ ట్విట్టర్ ద్వారా వెల్లడించింది. ఒకనెలకు సంబంధించి జీఎస్టీఆర్-3బీని ఆ తర్వాత నెల 20లోగా రిటర్ను దాఖలు చేయాల్సి ఉంటుంది.
25న ప్రారంభమవనున్న ఇండియా మొబైల్ కాంగ్రెస్
దేశంలో అతిపెద్ద టెలికం కంపెనీల అధిపతులు ఒకే వేదికను పంచుకోబోతున్నారు. ఈ నెల 25 నుంచి 27 వరకు ఢిల్లీలో జరుగనున్న ఇండియా మొబైల్ కాంగ్రెస్(ఐఎంసీ) సదస్సులో టెలికం సంస్థలు ఎదుర్కొంటున్న ప్రధాన సమస్యలపై కులంకుశకంగా చర్చించనున్నట్లు తెలుస్తున్నది. ఈ కార్యక్రమ ప్రారంభోత్సవానికి రిలయన్స్ జియో చైర్మన్ ముకేశ్ అంబానీ, భారతీ ఎయిర్‌టెల్ చైర్మన్ సునీల్ మిట్టల్ హాజరవుతున్నారు. వీరితోపాటు వొడాఫోన్ ఐడియా చైర్మన్ కుమార మంగళం బిర్లా కూడా హాజరయ్యే అవకాశాలున్నాయి. మూడు టెలికం దిగ్గజాల అధినేతలు ఈ కార్యక్రమంలో పాల్గొంటున్నారని ఇండస్ట్రీ బాడీ సీవోఏఐ డైరెక్టర్ జనరల్ రాజన్ ఎస్ మథ్యూ తెలిపారు. వీరితోపాటు ఆయా సంస్థలకు చెందిన చీఫ్ టెక్నాలజీ అధికారులు, చీఫ్ మార్కెటింగ్ అధికారులు తమ వ్యాపారానికి సంబంధించిన వాటిపై చర్చించనున్నట్లు ఆయన చెప్పారు.
ఆ రాష్ట్రంలో పెట్రోల్‌ కంటే డీజిల్‌ రేటెక్కువ
ఇంధన ధరల పెరుగుదల సరికొత్త చరిత్రను ఆవిష్కరించింది. రాష్ట్ర రాజధాని నగరంలో డీజిల్‌ ధర పెట్రోల్‌ లీటర్‌ ధర కంటే ఎక్కువగా ఉంది. ఇటువంటి పరిస్థితి గతంలో ఎన్నడూ చవిచూడనట్లు సర్వత్రా ఆవేదన వ్యక్తమవుతోంది. పెట్రోల్, డీజిల్‌ ఇంధన ధరల నియంత్రణలో కేంద్ర ప్రభుత్వ వ్యవహారాలతో ఇటువంటి కనీ వినీ ఎరుగని పరిస్థితులు ఎదుర్కోవలసి వస్తోందని రాష్ట్ర ఆర్థిక శాఖ మంత్రి శశి భూషణ బెహరా వ్యాఖ్యానించారు. సాధారణంగా డీజిల్, పెట్రోల్‌ ధరల మధ్య దాదాపు 10 శాతంవ్యత్యాసం కొనసాగేది. ఇటీవల కాలంలో ఈ పరిస్థితి భిన్నంగా తయారైంది. డీజిల్‌ మూల ధర పెట్రోల్‌ ధర కంటే అధికంగా కొనసాగుతున్నట్లు సమాచారం.
సిమ్లా పేరు మారబోతోంది...
దేశంలోని ప్రఖ్యాత నగరాల పేరు మార్పు జాబితాలో ప్రపంచ ప్రసిద్ధిగాంచిన పర్యాటక కేంద్రం సిమ్లా తాజాగా చేరింది. హిమాచల్‌ప్రదేశ్ రాజధాని సిమ్లా పేరు శ్యామలగా మార్చాలని ఆ రాష్ట్ర బీజేపీ ప్రభుత్వం యోచిస్తున్నది. బ్రిటిష్ కాలంనాటి చిహ్నాలను తుడిచిపెట్టడంలో భాగంగా సిమ్లా పేరును మార్చాలన్న హిందూత్వ సంస్థల డిమాండ్ నేపథ్యంలో ఈ నిర్ణయం తీసుకున్నది. ఈ మేరకు ప్రతిపాదనలను సిద్ధంచేయడంపాటు పార్టీ అనుబంధ సంఘాలతో సోషల్ మీడియాలో విస్తృతంగా ప్రచారం నిర్వహిస్తున్నది. ఈ ప్రతిపాదనను కొందరు ఆమోదిస్తుండగా, మరికొందరు తిరస్కరిస్తున్నారు. ఈ అంశంపై బీజేపీ నేత, ఆ రాష్ట్ర ఆరోగ్యశాఖమంత్రి విపిన్‌సింగ్ పార్మర్ మాట్లాడుతూ దేశంలోని వివిధ ప్రాంతాల్లో ఉన్న చారిత్రక నగరాల పేర్లను కూడా మార్చారని, ఎలాంటి ఇబ్బంది తలెత్తలేదని అన్నారు.
స్వల్పంగా పెరిగిన ఉష్ణోగ్రతలు
ఈశాన్య రుతుపవనాలు ఈ నెల 26న భారత్‌లో ప్రవేశించే అవకాశమున్నది. తమిళనాడు నుంచి దేశంలోకి ప్రవేశించే ఈ రుతుపవనాలు ఆ తర్వాత రాయలసీమ మీదుగా విస్తరిస్తాయని హైదరాబాద్ వాతావరణ కేంద్రం వెల్లడించింది. తెలంగాణపై వీటి ప్రభావం ఉండబోదని హైదరాబాద్ వాతావరణ కేంద్రం అధికారి రాజారావు తెలిపారు. దేశం నుంచి నైరుతి రుతుపవనాలు ఆదివారం నాటికి పూర్తిగా నిష్క్రమించినట్టు ఆయన చెప్పారు.గ్రేటర్ హైదరాబాద్‌లో ఉష్ణోగ్రతలు స్వల్పంగా పెరిగాయి. సాధారణస్థాయి కంటే గరిష్ఠ ఉష్ణోగ్రత 2.1 సెల్సియస్ డిగ్రీలు, కనిష్ఠ ఉష్ణోగ్రత 5.8 డిగ్రీలు ఎక్కువగా నమోదయింది. శనివారం ఉదయం 8.30 నుంచి ఆదివారం ఉదయం 8.30 గంటల వరకు నగరంలో గరిష్ఠంగా 33.1 డిగ్రీలు, కనిష్ఠంగా 22.8 డిగ్రీల ఉష్ణోగ్రత నమోదయినట్టు హైదరాబాద్ వాతావరణ కేంద్రం వెల్లడించింది.
కేంద్ర ఎన్నికల సంఘ బృందం పర్యటన షెడ్యూల్
తెలంగాణలో అసెంబ్లీ ఎన్నికల నిర్వహణకు రాష్ట్ర ఎన్నికల కమిషన్ చేసిన ఏర్పాట్లను పరిశీలించేందుకు చీఫ్ ఎలక్షన్ కమిషనర్ (సీఈసీ) ఓపీ రావత్ నేతృత్వంలోని కేంద్ర ఎన్నికల సంఘ (ఈసీ) బృందం సోమవారం హైదరాబాద్‌కు రానున్నది. ఈ ఎన్నికలను ప్రశాంత వాతావరణంలో నిర్వహించేందుకు వీలుగా 25 కంపెనీల కేంద్ర పారామిలిటరీ బలగాలను రాష్ట్రానికి పంపాలని ఎన్నికల సంఘం నిర్ణయించిన విషయం తెలిసిందే. మరోవైపు పోలింగ్ బూత్‌ల ఏర్పాట్లు చకచకా జరుగుతున్నాయి. ఎన్నికలకు అవసరమైన ఈవీఎంలు, వీవీప్యాట్‌లు, కంట్రోల్ యూనిట్లను ఇప్పటికే రాష్ర్టానికి తెప్పించడంతోపాటు తగినంత సిబ్బందిని సమకూర్చి బడ్జెట్‌ను కూడా విడుదలచేశారు. కేంద్ర ఎన్నికల సంఘం ఆదేశాల మేరకు ఎన్నికల పరిశీలక బృందాలు క్షేత్రస్థాయిలో పర్యటిస్తున్నాయి. ఎన్నికల్లో డబ్బు, మద్యం ప్రవాహాన్ని అడ్డుకునేందుకు ఎక్కడికక్కడ చెక్‌పోస్టులను ఏర్పాటుచేసి వాహన తనిఖీలను ముమ్మరంచేశారు.
22 అక్టోబర్ 2018 సోమవారం మీ రాశి ఫలాలు
ఈ రోజు ఉత్సాహంగా ఉంటారు. మంచి ఆహారం, మిత్రులతో కలిసి విహారయాత్రకు వెళ్తారు. అయితే గర్వానికి, అహంకారానికి తావివ్వకండి. అత్యుత్సాహానికి పోయి చేసే పనుల వలన ఇబ్బందిపడే అవకాశముంటుంది. వదంతులను, చెప్పుడు మాటలను పట్టించుకోకండి. వృషభం : ఈ రోజు కొత్త పనులు ప్రారంభించటానికి, వాయిదా పడుతున్న పనులు పూర్తి చేయటానికి అనుకూలంగా ఉంటుంది. చేపట్టిన పనులు పూర్తి చేయగలుగుతారు. ఉద్యోగ విషయంలో పదోన్నతికి సంబంధించిన ప్రయ త్నం ఒక కొలిక్కి వస్తుంది. మిథునం : ఈ రోజు ఆర్థిక వ్యవహారాలలో, గృహ మరియు భూ సంబంధ లావాదేవీలలో కొంత జాగ్రత్త అవసరం. తొందరపడి పెట్టే పెట్టుబడుల కారణంగా డబ్బు నష్టపోయే అవకాశముంటుంది. అలాగే మీ శతృవుల విషయంలో కూడా కొంత జాగ్రత్త అవసరం.
మంత్రుల అవినీతిని బయటపెట్టండి
17 మధ్యకాలంలో కేంద్ర మంత్రులపై వచ్చిన అవినీతి ఫిర్యాదులను, వారిపై తీసుకున్న చర్యలను వెల్లడించాలని ముఖ్య సమాచార కమిషనర్‌ ప్రధాన మంత్రి కార్యాలయాన్ని ఆదేశించారు. ఇండియన్‌ ఫారెస్ట్‌ సర్వీస్‌ అధికారి సంజీవ్‌ చతుర్వేది పిటిషన్‌ మేరకు సమాచార కమిషనర్‌ రాధాకృష్ణ మాధుర్‌ పీఎంవోకు పైవిధంగా సూచించారు. మోదీ ప్రధాని అయిన తరువాత విదేశాల నుంచి రప్పించిన నల్లడబ్బుపై పూర్తి సమాచారం ఇవ్వాలని, రప్పించిన నల్లధనం దేశప్రజల బ్యాంకు ఖాతాల్లో ఎంత డిపాజిట్‌ చేశారో కూడా వెల్లడించాలని ఆయన పీఎంవోను ఆదేశించారు. సంజీవ్‌ చతుర్వేది గతంలోనే సమాచార హక్కు చట్టం కింద ప్రధాన మంత్రి కార్యాలయానికి పై విషయాలపై దరఖాస్తు చేసుకున్నారు. అయితే నల్లధనం 'సమాచారం' కిందకు రాదని ఆయన దరఖాస్తును ప్రధాని కార్యాలయ వర్గాలు తిరస్కరించాయి.
సీబీఐ స్పెషల్‌ డైరెక్టర్‌పై కేసు
అవినీతి ఆరోపణలతో సీబీఐ స్పెషల్‌ డైరెక్టర్‌ రాకేశ్‌ అస్తానాపై అదే సంస్థ కేసు నమోదుచేసింది. సీబీఐలో రెండో అత్యున్నతాధికారిపై సీబీఐనే కేసు పెట్టడం ఇదే తొలిసారి. మనీలాండరింగ్‌ కేసులో విచారణ ఎదుర్కొంటున్న మాంస వ్యాపారి మొయిన్‌ ఖురేషికి సాయం చేసేందుకు మధ్యవర్తి నుంచి అస్తానా లంచం తీసుకున్నారన్నది ఇక్కడ ప్రధాన ఆరోపణ అని అధికారులు తెలిపారు. ఈ కేసు నుంచి బయటపడేందుకు ఖురేషి సీబీఐ డైరెక్టర్‌ అలోక్‌ వర్మకు రూ. 24 కోట్లు చెల్లించాడని అస్తానా ఆగస్టు 24న కేబినెట్‌ కార్యదర్శికి లేఖ రాశారు. ఈ ఆరోపణలపై కేంద్ర విజిలెన్స్‌ కమిషన్‌ విచారణ జరుపుతోంది.
ఇది 'మీ టూ' కాదు.. 'మెన్‌ టూ' ఉద్యమం
పెద్ద మనుషులుగా చలామణి అవుతున్నవారి అసలు రంగులు బయటపెడుతున్న మహిళలపై లైంగిక వేధింపుల నిరసన ఉద్యమం 'మీ టూ' తరహాలో మరో ఉద్యమం ప్రారంభమైంది. దీని పేరు 'మెన్‌ టూ (పురుషులు కూడా)'. మహిళల చేతుల్లో లైంగిక వేధింపులకు గురవుతున్న పురుషుల గొంతుకగా ఇది నిలవనుందని ఈ ఉద్యమాన్ని ప్రారంభించినవారు చెబుతున్నారు. 2017లో ఒక లైంగిక వేధింపుల కేసు నుంచి నిర్దోషిగా బయటపడిన మాజీ ఫ్రెంచ్‌ రాయబారి పాస్కల్‌మాజురి సహా ఓ 15 మంది కలిసి ఈ 'మెన్‌ టూ'ని ప్రారంభించారు. పురుషులపైనా లైంగిక వేధింపులు జరుగుతున్నాయని, ఇక పురుషులు కూడా నోరు విప్పి తమపై స్త్రీలు చేసే వేధింపులను చెప్పాలని ఈ కార్యకర్తలు పిలుపునిస్తున్నారు. అంతేకాదు, పురుషులపై పెట్టే తప్పుడు వేధింపుల కేసులకు వ్యతిరేకంగా కూడా పోరాడుతామన్నారు.

Want to stay updated ?

x

Download our Android app and stay updated with the latest happenings!!!


90K+ people are using this