facebook pixel
chevron_right Top
transparent
జాబ్‌మేళా ముసుగులో పార్టీ సభ్యత్వ నమోదు
నిరుద్యోగులంటే కాంగ్రెస్‌కు వేళాకోళంగా ఉన్నట్టుంది. పార్టీ టికెట్ సంపాదించుకునేందుకు నానా తంటాలు పడుతున్న ఓ కాంగ్రెస్ నాయకుడు. పార్టీలో సభ్యులను చేర్పించేందుకు కొత్త ఎత్తుగడ వేశారు. ఆశగా వచ్చిన నిరుద్యోగులను కాంగ్రెస్ సభ్యత్వ యాప్ శక్తిలో చేర్పించారు. కాంగ్రెస్ సభ్యత్వం వచ్చిందని ఇప్పుడా నిరుద్యోగులు అసంతృప్తి వ్యక్తంచేస్తున్నారు. కాంగ్రెస్ నేత అత్యుత్సాహంపై తీవ్ర విమర్శలు వెల్లువెత్తుతున్నాయి. ఈ ఘనకార్యానికి పాల్పడిన నేత వికారాబాద్ నియోజకవర్గం టికెట్ ఆశిస్తున్న మాజీ మంత్రి ఏ చంద్రశేఖర్. వికారాబాద్‌లోని ఓ ప్రైవేట్ స్కూల్‌లో శనివారం జాబ్‌మేళా ఏర్పాటు చేశారు. అరవై ప్రముఖ కంపెనీల్లో ఆరు వేల ఉద్యోగాలంటూ ఓ స్వచ్ఛంద సంస్థ ముసుగులో ప్రచారం చేయడంతో జిల్లాలోని అన్ని మండలాలతో పాటు సంగారెడ్డి, హైదరాబాద్, మహబూబ్‌నగర్ జిల్లాల నుంచి పెద్ద సంఖ్యలో నిరుద్యోగులు హాజరయ్యారు.
కేరళ బాధితులకు రాష్ట్ర పెన్షనర్ల సంఘం చేయూత
కేరళ వరద బాధితుల కోసం రాష్ట్ర పెన్షనర్ల సంఘం సహాయాన్ని ప్రకటించింది. రాష్ట్ర పెన్షనర్ల సంఘం నేతలు రూ. 2.50 కోట్లను సీఎం సహాయ నిధికి అందజేశారు. వరద బాధితులను ఆదుకోవాలన్న సీఎం కేసీఆర్ విజ్ఞప్తికి పెన్షనర్ల సంఘం స్పందించింది. పెన్షనర్లు ఆగస్టు నెల పింఛను నుంచి రూ. 2.50 కోట్లను ఆర్థికమంత్రి ఈటల రాజేందర్‌కు పెన్షనర్ల సంఘం నేతలు అందజేశారు. అదేవిధంగా రాష్ట్ర ఉపముఖ్యమంత్రి మహమూద్ అలీ కేరళ వరద బాధితులకు తన నెల వేతనాన్ని విరాళంగా ప్రకటించారు.
కేరళ వరద బాధితులకు చిరంజీవి కుటుంబం విరాళం
కేరళ వరద బాధితులకు నటుడు చిరంజీవి కుటుంబం విరాళం ప్రకటించింది. వరద బాధితులకు చిరంజీవి, రామ్‌చరణ్ రూ. 25 లక్షల చొప్పున అదేవిధంగా చిరంజీవి తల్లి అంజనాదేవి రూ. లక్ష, రాజ్‌చరణ్ భార్య ఉపాసన రూ. 10 లక్షల విలువైన మందులను విరాళంగా ప్రకటించారు. ఫిలిం ఛాంబర్‌లో మూవీ ఆర్టిస్టు అసోసియేషన్ సమావేశమై కేరళకు రూ. 10 లక్షల వరదసాయం ప్రకటించింది. కాగా హీరోల మద్దతు లేకుండా తామేమి చేయలేమని 'మా' అధ్యక్షుడు శివాజీరాజా అన్నారు. 'మా' కు హీరోలే వెన్నెముకని పరుచూరి వెంకటేశ్వరరావు అన్నారు. చిరంజీవి కుటుంబం స్పందించడం ఆనందంగా ఉందన్నారు.
గర్ల్‌ఫ్రెండ్‌కు వినూత్నంగా క్షమాపణలు చెప్పి అడ్డంగా బుక్కయ్యాడు..!
అన్ని పనుల్లో వినూత్నం అనేది పనికిరాదు. ఎక్కడ కొత్తగా ట్రై చేయాలో. ఎక్కడ ట్రై చేయకూడదో తెల్వాలి. లేదంటే అడ్డంగా బుక్ కావాల్సి వస్తుంది. వినూత్నం పేరుతో రూల్స్ బ్రేక్ చేస్తే ఏదో చేయబోయి. సేమ్ అలాంటి ఘటనే ఒకటి మహారాష్ట్రలోని పూణెలో చోటు చేసుకున్నది. 25 ఏళ్ల నీలేశ్ ఖేదెకర్ అనే యువకుడు పూణెలోని పింప్రి చించ్వాడ్ ప్రాంతంలో రోడ్ల మీద ఉన్న స్తంభాలకు ఏకంగా 300 బ్యానర్లు కట్టేశాడు. ఆ బ్యానర్లలో ఏం రాశాడో తెలుసా? తన గర్ల్ ఫ్రెండ్ పేరు రాసి నన్ను క్షమించు అని రాసి పక్కన రెడ్ కలర్‌లో హార్ట్ సింబల్‌ను కూడా పెట్టాడట. ట్రాఫిక్ సిగ్నల్స్‌కు, స్ట్రీట్ లైట్ల స్తంభాలకు ఇలా. మొత్తం 300 బ్యానర్లు కట్టాడు.
వ్యవసాయశాఖ అధికారులు రైతులకు ఆప్తులుగా ఉండాలి: పోచారం
రైతు కుటుంబాలకు అండగా ఉంటూ వ్యవసాయశాఖ అధికారులు రైతులకు ఆప్తులుగా ఉండాలని రాష్ర్ట వ్యవసాయశాఖ మంత్రి పోచారం శ్రీనివాస్ రెడ్డి అన్నారు. రైతుబంధు, జీవిత బీమా అమలుపై వ్యవసాయశాఖ ఉన్నతాధికారులతో మంత్రి శనివారం సమీక్ష సమావేశం నిర్వహించారు. ఈ సమావేశంలో వ్యవసాయశాఖ ముఖ్య కార్యదర్శి సి. పార్ధసారది, అడిషనల్ డైరెక్టర్ కె. విజయ్ కుమార్, ఇతర అధికారులు పాల్గొన్నారు. ఈ సందర్భంగా క్షేత్రస్థాయిలో రైతుబీమా పథకం అమలుతీరును మంత్రి పరిశీలించారు. ఇప్పటి వరకు రాష్ట్రంలో 78 మంది రైతుల మరణాలు రైతుబీమా పథకం క్రింద నమోదవ్వగా, ఎల్ఐసీ అధికారులకు 67 మంది రైతుల వివరాలను పంపించారు. ఇందులో 52 మంది రైతుల నామినీ ఖాతాలోకి నగధు పంపిణీ జరిగిందని అధికారులు మంత్రికి తెలియజేశారు.
ఎస్‌సీ, ఎస్టీలపై దాడుల నివారణకు ప్రత్యేక చర్యలు: జగదీశ్‌రెడ్డి
రాష్ట్రంలో ఎస్‌సీ, ఎస్టీలపై జరిగే దాడులను నివారించేందుకు ప్రత్యేక చర్యలు తీసుకుంటున్నట్లు రాష్ట్ర విద్యుత్, ఎస్‌సీ-ఎస్టీ అభివృద్ధిశాఖ మంత్రి గుంటకండ్ల జగదీశ్‌రెడ్డి తెలిపారు. శనివారం సాయంత్రం సచివాలయంలో మంత్రి అధ్యక్షతన విజిలెన్స్ మానిటరింగ్ హై పవర్ కమిటీ సమావేశం జరిగింది. రాష్ట్ర గిరిజన సంక్షేమశాఖ ప్రత్యేక కార్యదర్శి మహేశ్‌దత్తా ఎక్కా, ఎస్‌సీ అభివృద్ధి డైరెక్టర్ కరుణాకర్ ఇతర మానిటరింగ్ అధికారులు సమావేశానికి హాజరయ్యారు. భేటీలో ఎస్‌సీ, ఎస్టీ చట్టం అమలు తీరుతెన్నులపై మంత్రి సుదీర్ఘంగా చర్చించారు. రాష్ట్రంలో ఇప్పటివరకు 478 గ్రామాలను సమస్యాత్మక గ్రామాలుగా గుర్తించినట్లు అధికారులు తెలిపారు. ఈ సందర్భంగా మంత్రి మాట్లాడుతూ. ఎస్‌సీ, ఎస్టీ చట్టాన్ని మరింత కట్టుదిట్టంగా అమలు పరచాలన రాష్ట్ర ప్రభుత్వం నిర్ణయించిందన్నారు. ఎస్‌సీ, ఎస్టీ బాధితులకు రూ. 30 కోట్లు ఖర్చుపెట్టినట్లు తెలిపారు.
టాయిలెట్ సీటు కన్నా స్మార్ట్‌ఫోన్‌కే ఎక్కువ సూక్ష్మక్రిములు ఉంటాయట..!
మనం రోజు మల విసర్జన కోసం కూర్చునే టాయిలెట్ సీటు కంటే కూడా మురికిగా ఉంటుందట ఓ వస్తువు. అది సాదాసీదా వస్తువు కాదు. అందరి చేతుల్లో రోజూ ఉండేదే. అందుకే ఈ వార్తకు అంత ప్రాధాన్యత. మీరు ముక్కు మూసుకున్నా పర్లేదు కాని ఈ వార్తను మాత్రం చదివేయండి.మల విసర్జన కోసం వాడే టాయిలెట్ సీట్లకే ఎక్కువ సూక్ష్మక్రిములు ఉంటాయనుకుంటాం మనం. మన అంచనా తప్పని నిరూపిస్తున్నారు పరిశోధకులు. క్షణం కూడా మనం విడిచి ఉండలేని స్మార్ట్ ఫోన్‌కే ఎక్కువ సూక్ష్మక్రిములు ఉంటాయట. సాధారణంగా స్మార్ట్ ఫోన్లు వాడే వ్యక్తుల్లో 35 శాతం మంది అసలు వాళ్ల స్మార్ట్ ఫోన్లను శుభ్రం చేసుకోరట. దీంతో టాయిలెట్ సీటుకు మూడు రెట్ల క్రిములు స్మార్ట్ ఫోన్ స్క్రీన్ మీదే ఉంటాయట.
మక్కాలో ఇక స్లీపింగ్ పాడ్స్
జపాన్‌లో స్థలాభావం వల్ల క్యాప్సూల్ హోటల్స్ వచ్చాయి. కేవలం ఓ మనిషి నడుం వాల్చేందుకు మాత్రమే అవి పనికొస్తాయి. అతితక్కువ సథలంలో ఎక్కువమందికి వసతి కల్పించడం వీటి ప్రత్యేకత. ఇప్పుడు వీటిని మక్కాయాత్రికుల కోసం ప్రవేశపెట్టాలని సౌదీ ప్రభుత్వం యోచిస్తున్నది. ఏటా లక్షల మంది పవిత్రమక్కా యాత్రకు దేశదేశాలనుంచి వస్తుంటారు. వారందరికీ వసతి కల్పించడం కష్టసాధ్యమైన విషయం. అందుకే జపాన్ క్యాప్సూల్ తరహాలో స్లీప్ పాడ్స్ (కునుకు గూళ్లు) ఏర్పాటు చేయాలని తలపెట్టింది. వచ్చే మక్కాయాత్ర సీజన్‌లో కనీసం 20 లక్షల మంది మినా చేరుకుంటారు. ఈసారి వారికి కొత్తరకం బుల్లిగదుల హోటళ్లు సిద్ధంగా ఉంటాయి. ఓ సౌదీ చారిటబుల్ సంస్థ వీటిని ఏర్పాటు చేస్తున్నది. వీటిని ఉచితంగా లేదా నామమాత్రపు అద్దెకుగానీ ఇవ్వవచ్చంటున్నారు.
ఉదయాన్నే ఓట్ మీల్‌తో ఆరోగ్యం..!
మనకు అందుబాటులో ఉన్న అన్ని రకాల తృణ ధాన్యాల్లో ఓట్స్ చాలా ఆరోగ్యకరమైనవని అందరికీ తెలిసిందే. మన శరీరానికి కావల్సిన ముఖ్యమైన విటమన్లు ఓట్స్‌లలో ఉంటాయి. అంతేకాకుండా మినరల్స్, ఫైబర్, యాంటీ ఆక్సిడెంట్లు కూడా ఓట్స్‌లో పుష్కలంగా ఉంటాయి. ఇవి అధిక బరువును తగ్గించుకునేందుకు ఎంతగానో సహాయ పడతాయి. మధుమేహం అదుపులో ఉండేలా చేస్తాయి. గుండె జబ్బులు రాకుండా చూస్తాయి. రోజూ ఉదయాన్నే ఓట్‌మీల్‌ను బ్రేక్‌ఫాస్ట్‌లా తీసుకుంటే అనేక లాభాలు కలుగుతాయి. టైప్ 2 డయాబెటిస్‌తో బాధపడుతున్న వారు ఓట్‌మీల్‌ను ఉదయాన్నే తింటే బ్లడ్ షుగర్ లెవల్స్ అమాంతం పెరగవు. దీంతో మధుమేహాన్ని అదుపు చేయవచ్చు. అలాగే అధిక బరువు తగ్గేందుకు ఓట్స్ సహాయం చేస్తాయి. వీటిల్లో ఉండే ఫైబర్ జీర్ణం అయ్యేందుకు సమయం పడుతుంది.
అండగా ఉందాం: కేరళ సీఎంకు చంద్రబాబు ఫోన్, కలచివేసిందంటూ జగన్ పిలుపు
భారీ వర్షాలు, వరదలతో కేరళలో జనజీవనం స్తంభించిపోయింది. వందలాది మంది ప్రాణాలు కోల్పోగా. లక్షల మంది సహాయక శిబిరాల్లో తలదాచుకుంటున్నారు. ఈ క్రమంలో కేంద్ర ప్రభుత్వంతోపాటు వివిధ రాష్ట్రాలు కేరళకు ఆర్థిక సాయాన్ని ప్రకటించాయి. ఏపీ ప్రభుత్వం కూడా రూ. 10 కోట్ల సాయాన్ని ప్రకటించింది. ఈ సందర్భంగా కేరళ సీఎం పినరయి విజయన్‌కు ఏపీ ముఖ్యమంత్రి చంద్రబాబు ఫోన్ చేశారు. ఎలాంటి సాయం చేసేందుకైనా తాము సిద్ధమని ఈ సందర్భంగా చెప్పారు. మంగళగిరిలో ఉన్న ఎన్డీఆర్ఎఫ్ సిబ్బందిని ఇప్పటికే కేరళకు ఏపీ ప్రభుత్వం పంపింది. దీంతో పాటు ఆహార పదార్థాలు, పాలు, పండ్లు, బిస్కెట్లను పంపనుంది. విపత్తు నుంచి కేరళ త్వరగా బయటపడాలని చంద్రబాబు ఆకాంక్షించారు. కేరళను ఆదుకునేందుకు ప్రతి ఒక్కరు ముందుకు రావాలని పిలుపునిచ్చారు.
నూతన థింక్‌ప్యాడ్ ల్యాప్‌టాప్‌లను విడుదల చేసిన లెనోవో
కంప్యూటర్స్, మొబైల్స్ తయారీదారు లెనోవో తన నూతన థింక్‌ప్యాడ్ ల్యాప్‌టాప్‌లు పీ1, పీ72 లను తాజాగా విడుదల చేసింది. థింక్‌ప్యాడ్ పీ1 ల్యాప్‌టాప్ లెనోవోకు చెందిన అత్యంత సన్ననైన, తక్కువ బరువున్న ల్యాప్‌టాప్ కావడం విశేషం. కేవలం 1.7 కిలోల బరువును మాత్రమే ఈ ల్యాప్‌టాప్ కలిగి ఉంది. ఈ ల్యాప్‌టాప్‌లో 15 ఇంచుల 4కె అల్ట్రాహెచ్‌డీ డిస్‌ప్లే, ఇంటెల్ 8వ జనరేషన్ జియాన్, కోర్ ప్రాసెసర్లను ఏర్పాటు చేశారు. అలాగే ఎన్‌వీడియా క్వాడ్రో పీ1000, పీ2000 ప్రొఫెషనల్ గ్రాఫిక్ కార్డ్స్, 64జీబీ ర్యామ్, 4టీబీ హార్డ్ డిస్క్, విండోస్ 10 తదితర ఫీచర్లు ఉన్నాయి.
అటల్‌జీ పై పోస్ట్‌: ప్రొఫెసర్‌పై హత్యాయత్నం
దివంగత మాజీ ప్రధానమంత్రి అటల్ బిహారీ వాజ్‌పేయిని విమర్శించినందుకు ఓ ప్రొఫెసర్‌ను చితకబాదిన కలకలం రేపింది. అటల్‌జీకి నివాళులర్పించేందుకు వెళ్లిన స్వామి అగ్రివేశ్‌పై బీజేపీ అభిమానులు దాడిచేసిన వైనాన్ని ఇంకా మర్చిపోకముందే బిహార్‌కు చెందిన ప్రొఫసర్‌ను దారుణంగా కొట్టి హత్యాయత్నం చేయడం విమర్శలకు తావిచ్చింది. బిహార్‌లోని మహాత్మాగాంధీ సెంట్రల్ యూనివర్సిటీలో శుక్రవారం ఉదయం ఈ ఉదంతం జరిగింది. వివరాల్లోకి వెళితే ఫేస్‌బుక్ లో విమర్శిస్తూ పోస్టు పెట్టినందుకు మోతీహరిలోని యూనివర్శిటీలో పనిచేస్తున్న సోషియాలజీ అసిస్టెంట్ ప్రొఫెసర్ సంజయ్ కుమార్‌పై దాడికి దిగారు. మూడవ అంతస్తులోని ఆయన నివాసంనుంచి రోడ్డుమీదకు ఈడ్చుకు ఇచ్చారు. దాదాపు 12మంది గూండాలు కత్తులు, కటార్లతో ఇంట్లో ఉన్న ప్రొఫెసర్‌ను బయటకు లాక్కొచ్చి మరీ చితకబాదారు. అంతటితో ఆగకుండా ప్రొఫెసర్‌పై పెట్రోల్ పోసి నిప్పు అంటించేందుకు యత్నించారు.
జయ మరణం : ఎయిమ్స్‌ వైద్యులకు సమన్లు
తమిళనాడు దివంగత ముఖ్యమంత్రి జయలలిత మరణం వెనుక గల కారణాలు తెలుసుకునేందుకు. అరుముగ స్వామి నేతృత్వంలోని విచారణ కమిషన్‌ను నియమించిన సంగతి తెలిసిందే. ఇందుకు సంబంధించి ఇప్పటికే 75 మంది సాక్ష్యులతో పాటు మరో ఏడుగురు వ్యక్తులు స్వచ్ఛందంగా దాఖలు చేసిన పిటిషన్లను పరిశీలించిన కమిషన్‌. చెన్నైలోని అపోలో ఆస్పత్రిలో జయలలితను పర్యవేక్షించిన ముగ్గురు ఎయిమ్స్‌ డాక్టర్లకు నోటీసులు జారీ చేసింది. ఈ మేరకు జీసీ ఖిల్ననీ (పల్మనాలజీ విభాగం), అంజన్‌ త్రిఖా(ఎనిస్థీయాలజీ ప్రొఫెసర్‌ , నితీష్‌ నాయక్‌(కార్డియాలజీ విభాగం ప్రొఫెసర్‌)లు ఆగస్టు 23, 24 తేదీల్లో విచారణకు హాజరు కావాలని ఆదేశించింది.
వరదలు : స్టార్‌ హీరో భారీ విరాళం
పర్యాటక స్వర్గధామం, దేవభూమిగా ప్రసిద్ధిగాంచిన కేరళ వరణుడి ప్రకోపానికి విలవిల్లాడుతోంది. తొమ్మిది రోజులుగా నిర్విరామంగా కురుస్తున్న భారీ వర్షాల వల్ల వరదల్లో చిక్కుకున్న కేరళ వాసులకు సాయం చేసేందుకు వివిధ రాష్ట్ర ప్రభుత్వాలతో పాటు పలువురు సెలబ్రిటీలు, మీడియా సంస్థలు, బ్యాంకులు ముందుకు వస్తున్నాయి. ఈ నేపథ్యంలో తమిళ స్టార్‌ హీరో, ఇళయ దళపతి విజయ్‌ కేరళ వరద బాధితుల కోసం భారీ విరాళం ప్రకటించారు. కేరళ వాసులను ఆదుకునేందుకు 14 కోట్ల రూపాయల ఆర్థిక సాయాన్ని అందిస్తున్నట్లు ప్రకటించారు. కాగా తమిళనాడు ప్రభుత్వం 5 కోట్ల రూపాయలతో పాటు 2 కోట్ల విలువ చేసే 300 టన్నుల పాలపొడి, 500 టన్నుల బియ్యం, దుప్పట్లు, ఇతర సామాగ్రి సాయంగా అందజేసింది. వివిధ రాష్ట్రాల ముఖ్యమంత్రులు ప్రకటించిన ఆర్థిక సాయం.
బాయ్‌ఫ్రెండ్‌ ద్రోహం చేశాడని..లైవ్‌లో
ప్రియుడు మోసం చేశాడని ఇన్‌స్ట్రాగ్రామ్‌లో లైవ్‌ పెట్టి ఆత్మహత్యకు పాల్పడింది ఓ పంజాబీ యువతి. పోలీసులు తెలిపిన వివరాల ప్రకారం. హోషియాపూర్‌ జిల్లాకి చెందిన మనీషా(18) ఫగ్వారాలో ఓ అపార్ట్‌మెంట్‌లో అద్దెకు ఉంటుంది. గత గురువారం రాత్రి ఆమె ఇన్‌స్ట్రాగ్రామ్‌లో లైవ్‌ పెట్టి ఉరి వేసుకొని ఆత్మహత్యకు పాల్పడింది. ' నా బాయ్‌ఫ్రెండ్‌ ఇందర్‌ నాకు ద్రోహం చేశాడు. ప్రేమ పేరుతో మోసం చేశాడు. అది నేను తట్టుకోలేక పోతున్నా. అందుకే ఆత్మహత్య చేసుకోవాలని నిర్ణయించుకున్నా' అని లేఖ రాసి ఆత్మహత్యకు పాల్పడింది. విషయం తెలుసుకున్న పోలీసులు సంఘటన స్థలానికి చేరుకొని మృతదేహాన్ని పోస్టుమార్టం నిమిత్తం స్థానిక ఆసుపత్రికి తరలించారు. లేఖలో ప్రియుడి పేరు మాత్రమే రాసి ఉందని, అతని వివరాలు ఏమీ లేవని పోలీసులు పేర్కొన్నారు.
పశుసంవర్థకశాఖపై సీఎస్ ఎస్‌కే జోషి సమీక్ష
పశుసంవర్థకశాఖపై ప్రభుత్వ ప్రధాన కార్యదర్శి ఎస్‌కే జోషి శనివారం సమీక్ష నిర్వహించారు. ఈ సమావేశంలో ఆ శాఖ ముఖ్యకార్యదర్శి సందీప్‌కుమార్. మత్స్యశాఖ కమిషనర్ సువర్ణ, విజయ డెయిరీ ఎండీ నీతూప్రసాద్ పాల్గొన్నారు. పశువైద్యశాలలో పరికరాలు, సౌకర్యాల కల్పనకు ప్రణాళిక రూపకల్పన, సంచార పశువైద్యశాలల పనితీరుపై భేటీలో చర్చించారు. ఈ సందర్భంగా అధికారులు ఎనిమిది జిల్లాస్థాయి, 101 ప్రాంతీయ, 906 ప్రాథమిక వెటర్నరీ ఆస్పత్రులు, 1,100 ఉప కేంద్రాల ద్వారా పశువులకు వైద్య సేవలు అందుతున్నట్లు తెలిపారు. అదేవిధంగా ప్రతిరోజు 3,600 కాల్స్ వస్తుండగా ఇప్పటివరకు 30 వేల కేసులను పరిష్కారించినట్లు వెల్లడించారు. ఫోన్‌కాల్స్‌పై విళ్లేషణ, వైద్య సేవలు, సిబ్బంది పనితీరును పరిశీలించాలని సీఎస్ ఆదేశించారు. 933 కోట్లు కేటాయింపు జరిగినట్లు చెప్పారు.
ఇన్ఫోసిస్‌కు సీఎఫ్‌వో రంగనాథ్ గుడ్‌బై!
దేశంలోనే రెండో అతిపెద్ద ఐటీ కంపెనీ ఇన్ఫోసిస్‌కు మరో ఎదురుదెబ్బ తలిగింది. కంపెనీ చీఫ్ ఫైనాన్సియల్ ఆఫీసర్(సీఎఫ్‌వో) ఎండీ రంగనాథ్ కంపెనీకి రాజీనామా చేశారు. కంపెనీకి కొత్త సీఈవోను ఎన్నుకున్న ఏడు నెలల్లోనే రంగనాథ్ రాజీనామా చేశారు. 2015లో రంగనాథ్‌ను కంపెనీ సీఎఫ్‌వోగా నియమించింది. గత 18 సంవత్సరాల నుంచి రంగనాథ్ ఇన్ఫోసిస్‌లో పనిచేస్తున్నారు. బెంగళూరు హెడ్‌క్వార్టర్ కంపెనీ బోర్డు సభ్యులు ఇవాళే స్టాక్ ఎక్ఛేంజ్ ఫైలింగ్‌లో ఈ విషయం వెల్లడించారు. సీఎఫ్‌వో రంగనాథ్ రాజీనామాను బోర్డు ఆమోదించినట్లు కంపెనీ ప్రకటించింది. నవంబర్ 16, 2018 వరకు రంగనాథ్ సీఎఫ్‌వోగా ఉంటారని కంపెనీ తెలిపింది. ఇంతలో కొత్త సీఎఫ్‌వో కోసం బోర్డు రిక్రూట్‌మెంట్ ప్రారంభిస్తుందని ప్రకటించింది. 18 ఏండ్లుగా ఈ కంపెనీలో విజయవంతంగా నా కెరీర్‌ను నేను బిల్డ్ చేసుకున్నా.
సూపర్ డాడ్: పిల్లలకోసం తల్లిలా ముస్తాబై స్కూలుకెళ్లిన తండ్రి..వర్త్ రీడింగ్
పిల్లలకు తల్లి లేని లోటు ఎప్పటికీ పూడ్చలేనిది. పిల్లలు కడుపులో పిండంగా ఏర్పడిననాటి నుంచి భూమిపై పడే వరకు వారి బాధ్యతను తల్లి తీసుకుంటుంది. తల్లి లేనిదే ఆ పసిపిల్లలకు లోకం ఏమిటో తెలియదు. జాబిల్లి చూపిస్తూ గోరుముద్దలు తినిపించేది అమ్మే. బుడిబుడి నడకలు నేర్పేది అమ్మ. అమ్మ ప్రేమ పొందడమంటే పూర్వ జన్మలో ఎంతో పుణ్యం చేసుకుని ఉంటేగాని అలాంటి తల్లి కడుపున మళ్లీ పుట్టరు. కానీ మీరు చదవబోయే కథలో మాత్రం నాన్నే ఈ పిల్లలకు సూపర్ హీరో. ఎందుకంటారా మొత్తం కథను చదివితే మీరు కదిలిపోతారు. హ్యాట్సాఫ్ టూ దిస్ వండర్‌ఫుల్ డ్యాడ్ అని కూడా అంటారు. ఇదిగో ఇక్కడ ఆడవాళ్ల గెటప్‌లో కనిపిస్తున్నది చాచాయ్ పనుథై అనే తండ్రి. ఇతనికి కొన్నేళ్ల కిందట వివాహమైంది.
బాలికల అక్రమ రవాణా: ఐదుగురు మహిళలు అరెస్ట్
పవిత్ర పుణ్యక్షేత్రమైన యాదిద్రిలో చిన్నారులను అక్రమంగా తరలిస్తూ. అసాంఘిక కార్యకలాపాలకు పాల్పడుతున్న ఐదుగురు మహిళలను పోలీసులు శనివారం అరెస్టు చేశారు. బాలికలను అక్రమంగా తరలిస్తున్నారన్న సమాచారంతో పోలీసులు యాదగిరి గుట్టలో దాడులు నిర్వహించారు. బ్రోతల్‌ హౌజ్‌లపై దాడులు నిర్వహించి. వారి చెరలో ఉన్న ఏడుగురు చిన్నారులకు విముక్తి కల్పించారు. ఉమ్మడి నల్గొండ జిల్లాల్లో ఇప్పటి వరకు 24 మంది ఉమెన్‌ ట్రాఫికర్స్‌ను పోలీసులు అరెస్ట్‌ చేశారు. ముగ్గురిపై పీడీ యాక్ట్‌ నమోదు చేశారు. ఏడు బ్రోతల్‌ హౌజ్‌లను సీజ్‌ చేశారు. ఈ అక్రమ రవాణా పెద్ద ఎత్తున జరుగుతుండటంతో పోలీసులు లోతుగా దర్యాప్తు చేస్తున్నారు.
రాష్ట్ర జలాశయాలకు కొనసాగుతున్న వరద ప్రవాహాలు
ఎగువ ప్రాంతాల్లో వరుసగా కురుస్తున్న వర్షాలతో రాష్ట్రంలోని జలాశయాలకు వరద ప్రవాహాలు కొనసాగుతున్నాయి. నాగార్జునసాగర్ జలాశయానికి ఎగువన శ్రీశైలం నుంచి వరద ప్రవాహం కొనసాగుతుంది. ప్రాజెక్టుకు ఇన్‌ఫ్లో 1,78,372 క్యూసెక్కులు వస్తుండగా. ఔట్‌ఫ్లో 8,291 క్యూసెక్కులుగా ఉంది. జలాశయం పూర్తిస్థాయి నీటిమట్టం 590 అడుగులు కాగా ప్రస్తుత నీటిమట్టం 531.30 అడుగులుగా. పూర్తిస్థాయి నీటినిల్వ 312.405 టీఎంసీలు కాగా ప్రస్తుత నీటినిల్వ 170.697 టీఎంసీలుగా ఉంది. అదేవిధంగా శ్రీరాంపూర్ జలాశయానికి వరద ప్రవాహం కొనసాగుతుంది. ప్రాజెక్టుకు ఇన్‌ఫ్లో 58 వేల క్యూసెక్కులుగా ఉంది. పూర్తిస్థాయి నీటిమట్టం 1091 అడుగులు కాగా ప్రస్తుత నీటిమట్టం 1070.60 అడుగులుగా. జలాశయం పూర్తిస్థాయి నీటినిల్వ 90.313 టీఎంసీలు కాగా ప్రస్తుత నీటినిల్వ 30.147 టీఎంసీలుగా ఉంది. శ్రీశైలం ప్రాజెక్టుకు భారీ వరద ప్రవాహం కొనసాగుతుంది.

Want to stay updated ?

x

Download our Android app and stay updated with the latest happenings!!!


90K+ people are using this